رواية عشقها اذاب جبروتي الفصل السادس 6 - بقلم جاسمين محمد

فارس بعصبية: طب احنا هندور إزاي؟ محدش عارف شكلها غيرك عشان أخوها. مازن: فارس اهدى وشوف بس مين بيرن. فارس: حاضر. الو. في إيه؟ الحق يا فارس بيه، تعال شوف البنت اللي أنت جايبها عاملة إيه. فارس طلع جري، ركب العربية ومازن وراه يشوف فيه إيه. فاطمة: يا حبيبتي انزلي، مينفعش اللي انتي بتعمليه ده، هتقعي. ياسمين: لا خليني، أنا حابة أعمل كدا. استني بس يا دادة. فارس وصل ودخل جري وهو ومازن. فارس بخضة لفاطمة:

فاطمة، فيه إيه وفين زينة؟ فاطمة بصت فوق. فارس باستغراب: بتبصي على إيه؟ بيبص لاقى ياسمين متشعلقة وبتفك الستارة. فارس بعصبية: أنتي بتعملي إيه فوق؟ ياسمين بخوف: فيه إيه؟ بفك الستارة، لونها مش حلو. فارس بعصبية: انزليييي. ياسمين بخوف بدأت تنزل بس مش عارفة. فارس: قلت انزلي يلا. ياسمين بعياط: مش عارفة. مازن: فارس اهدى، وقرب لياسمين عشان يساعدها تنزل. مازن: زينة حاولي تتمسكي فيا وتنزلي. زينة: حاضر. وبتحاول برضه مش عارفة.

فارس: مازن اوع. وراح مقرب عليها وشالها وراح منزلها على الأرض. ياسمين بعصبية: أنت إزاي تشيلني كدا وتمسكني؟ فارس بعصبية: أنتي مش عشان قاعدالك هنا يبقى تتصرفي براحتك، لا هنا كل حاجة تفضل زي ما هي، انتي سامعةهههه. ياسمين اتخضت من زعيقه وبعياط: حاضر. وطلعت تجري على أوضتها. مازن: فارس اهدى، مينفعش كدا. فارس: مازن مش عاجبك خدها عندك، أنا مش ناقص وجع دماغ. مازن: اهدى طيب وتعال ندخل أوضة المكتب نتكلم ونفكر هنعمل إيه. فارس:

ماشي يلا. ودخلوا أوضة المكتب. فارس: ها، هنعمل إيه دلوقتي؟ إحنا منفهمش صورتها عشان ننشرها، واللي يلاقيها يدلنا عليها. مازن: أنت اليوم اللي شفتها فيه وعجبتك، مشوفتش ملامح وشها؟ فارس وقف ساكت وقعد يفتكر اليوم اللي شافها. فلاش باك. مازن: فارس، فارس واقف بره وسايب الحفلة ليه؟ فارس: شوي وجاي وراك، هعمل مكالمة. مازن: ماشي بس بسرعة. فارس: حاضر. ها، الو. أيو. فينك كدا؟ فارس: عندي حفلة، ولما أخلص هاجي.

بص شوية ويبص على الصوت ده، سلام. مشي شوية يشوف الصوت اللي جاي من ورا الشجرة، وبيبص لاقي بنت قاعدها وحواليها خمس بنات صغيرين. ياسمين: لا، أنا اللي كان عليا الدور في اللعب. : لا، أنا عليا الأول. ياسمين بقمصة: لا، أنا اللي عليا، حتى اسألي مريم. مريم: أه، ياسو اللي عليها الدور. ياسمين حضنت مريم وبحب: قلبي يا بت يا ميرو. : إيه ده، يعني حضنتي مريم واحنا لا؟ ياسمين بحب: ههه، مقدرش، تعالوا يا حبايبي.

فارس واقف يتفرج عليها وهي بتلاعب الأطفال ومبتسم، وأعجب بيها. بيبص لاقي حد بينادي عليه. : فارس بيه، مازن بيه عايزك. فارس: حاضر. مريم: بابا، بابا. وراحت حضنت العامل. : حبيبتي، بتعملي إيه هنا؟ مريم: بلعب مع طنط ياسمين. : خليكي معاها، هي حلوة خالص، ويا رب تكوني زيها. مريم: إن شاء الله هكون حلوة وجميلة زيها. فارس راح لمازن وحضروا الحفلة. وبعد ما الحفلة خلصت. : فارس بيه، هتعوز حاجة تاني؟ فارس: لا، شكراً. : تمام، بعد إذنك.

ومشي. شوي وفارس: خد دقيقة. : نعم يابيه. فارس: هي مين البنت اللي كانت بتلعب مع بنتك مريم؟ : ياسمين، أخت أستاذ أحمد صاحبك. فارس: ياسمين، أخت أحمد؟ أه، تمام، شكراً. : العفو يابيه، بعد إذنك. فارس قعد يفتكر في ياسمين وتصرفاتها ويبتسم. الحاضر. مازن بصوت عالي: فارررررس، فارررس. فارس فاق من السرحان: إيه، فيه إيه؟ مازن: أنت سرحت في إيه؟ أوعى تكون سرحت فيها. وغمزلوا. فارس: اتلم. مازن:

يا عم اتلهي، مقولنا إنك معجب بيها من زمان، مش مصدقني. فارس: مازن روح، روح من قدامي عشان مزعلكش. مازن: خلاص، هسكت. فارس: يلا. مازن: حاضر، خلاص. ومشي، بس عدى من قدام أوضة ياسمين فوقف وخبط على الباب. مازن: زينة، زينة. فاطمة: سيبها ترتاح شوية، ممكن تكون تعبانة. مازن: حاضر، بس خلي بالك منها. فاطمة: حاضر يا ابني، سلام. بالليل، فارس خلص شغله وطالع على السلم، فبص على أوضة ياسمين، لاقاها مقفولة. فارس: فاطمة، فاطمة. فاطمة:

نعم يا ابني. فارس: هي مطلعتش خالص ولا إيه؟ فاطمة: لا، خبطت عليها كتير، مرة ترد وتقولي سيبيني لوحدي يا دادة، ومرة متردش. فارس: ماشي، تمام. وطلع دخل أوضة ونام.