رواية عشقت ابن عمي من الصغر الفصل الثاني 2 - بقلم جاسمين محمد

بليل زين: أيوه ياقلبي. ملك: اتأخرت ليه يازين؟ زين: بلبس أهو وجاي. ملك: تمام يا حبيبي، هستناك. زين: تمام ياقلبي، باي. ملك: باي. في أوضة فرح: فرح: حبيبتي عاملة إيه؟ _: كويسة يا عمري، انتي اللي عاملة إيه؟ فرح: كويسة الحمد لله. _: يارب دايماً يارب. فرح: يارب. على فكرة، هو طالع يسهر. _: هو مين؟ فرح: لا والله، عليا أنا برضه. _: ههه، هو عامل إيه؟ فرح: كويس، بس مستني لما إنتي تيجي عشان مافيش حد هيرجع زين القديم غيرك.

_: ههه، زين خلاص بقى بيحب واحدة غيري، ده حتى مش فاكرني ولا فاكر شكلي، خلاص نسيني. فرح: زين اتغير أه ونسيكي، بس أنا متأكدة أول ما ترجعي هيرجع زين بتاع زمان اللي كان بيخاف عليكي وبيحبك. _: إن شاء الله. ابقي سلميلي على عمي بس. فرح: حاضر. هو انتي هتيجي إمتى؟ _: إن شاء الله الأسبوع الجاي عشان أبعت الورق بتاعي وأشوف هتقبل ولا لأ في الكلية. فرح: انتي هتبقي في كلية علوم، صح؟ _: أه، ليه؟

فرح: إشطا، يبقى اتقبلتي خلاص. باريس وهيبقى ليكي وسط كمان في الكلية. _: ليه يعني؟ العميد بتاع الكلية عمي، وأنا معرفش؟ فرح: ههههه، لا، زين دكتور في الكلية دي. _: انتي بتتكلمي بجد؟ بس أنا عاوزة أبعد. فرح: ليه؟ _: عشان مش عاوزة أقرب ويجرحني. فرح: يمكن ربنا كاتب إنكم تتجمعوا وتكونوا من نصيب بعض. _: مش عارفة، بس أنا أحاول أبعد عشان مش عاوزة أرجع أحن زي الأول، مدام هو بيحب واحدة غيري. فرح: هنشوف الموضوع ده بعدين.

_: تمام، يلا هروح أشوف آخر صبري ده. فرح: روحي يا أختي، باي. _: باي. فرح: مساء الخير. أحمد: مساء النور يا عمري. فرح شافت زين نازل من على السلم. فرح: بابا، تصدق نسيت أقولك، مش بطة جاية الأسبوع الجاي. فرح لاحظت إن زين أول ما سمع كده ملامح وشه اتغيرت. زين: أنا طالع. فرح: يعني ما سألتش بطة هتيجي ليه؟ زين: وأنا مالي، تيجي براحتها، ده بيت عمي. أنا ماشي. فرح: تمام. أحمد: سيبك منه، هي هتيجي وهتقعد كدا إيه؟

فرح: هتيجي وهتقعد طول العمر هنا. أحمد: بجد، كيف؟ فرح: بطة هتدخل كلية علوم هنا، وهتيجي عشان تقدم الأسبوع الجاي. أحمد: بجد، أحلى خبر سمعته من فترة. منال: أنا مش عارفة حبيبنا على إيه، بس أنا بقولكم أهو، قبل ما تيجي محدش يخصب على زين في حاجة، ولا حد ليه دعوة بيه. أحمد: أه، مانتي عاجبك ست ملك دي، وعاجبك المهزلة اللي هو فيها. منال: محدش ليه دعوة بيه وبحياته، مانتو السبب في تغيير حياته دي، ابعدوا بقى عنه.

أحمد: إحنا ولا إنتي؟ إنتي اللي هتدمرى حياتك ابنك، وأنا قلتلك أهو. وسابه وطلع على أوضته. فرح: ماما، بابا عنده حق، إنتي اللي هتدمرى حياته. منال: بت، انتي مالكيش دعوة، أنا مستحيل أدمرها، انتوا اللي هتدمروها، بس ابعدي عنه انتي والفلاحة اللي جايه دي. فرح: فلاحة؟ يا ريت أبقى نص الفلاحة دي، إنتي تطولي أصلاً تبقي مرات ابنك. منال: طيب، امشي من قدامي طيب عشان متصرفش تصرف غلط وأزعلك. فرح: أنا طالعة أصلاً، سلام.

ملك: زين، يازين، مالك سرحان في إيه؟ _: ههه، أكيد فيكي، يعني هو في حد يسيب الجمال ده ويسرح في حد؟ ملك: بس انت يامصطفى. زين: أنا تعبان، هقوم أروح. ملك: في حاجة؟ انت اتخانقت مع عمو قبل ما تيجي ولا إيه؟ زين: لا، بس تعبان ومخنوق شوية. هقوم أروح، يلا سلام. ملك: زين، يازين. بس هو مردش عليها. مصطفى: هو في حياته حد تاني ولا إيه؟ ملك: مافيش حد ممكن ياخده مني أبداً. زين طلع ركب العربية وفضل سايق وعمال يفكر فيه.

زين: زين، كفاية يازين، إنت بتحب ملك، متفكرش في حد غيرها، وهي هتيجي فترة وهتمشي، وأنا أحاول مش أشوفها خالص لحد ما تمشي. هو ده الحل الصح. أروح بقى عشان أنام. في الصبح على طاولة الأكل: فاطمة: صباح الخير. محمد: صباح النور يا عمري، رايحة فين كده على الصبح؟ فاطمة: رايحة أنا ورحمة نشتري لبس. مصطفى: مش رحمة دي البت أم خدود؟ فاطمة: ههه، أه، ليه بتسأل؟ مصطفى: مدام هي، يبقى أجي معاكم عشان أوصلكم.

فاطمة: ههههه، توصلنا، بس لأ، عمو ربيع السواق هيوصلنا. مصطفى: مينفعش أجي أنا؟ فاطمة: واد إنت، أنا مخنوقة على الصبح ومش طايقاك خالص، لم نفسك. مصطفى: بقى في حد يقول لأخوه كده، بدل ما تديني رقمه عشان أتعرف عليه. فاطمة: ههههه، حاضر، هديك رقمه، بس تدفع كام؟ هدي (أم فاطمة) : بس أنا مش عارفة إمتى وهتعقلوا، أنا زهقت منكم، وانت ده منظر واحد خلاص قرب يبقى مهندس، بعقلك ده. فاطمة: ههه، والنبي قوليلو يا ماما.

هدي: ما أقولك انتي الأول، إنتي المفروض منتقبة، يعني صوتك ما يكونش عالي على أخوكي الكبير، وتبقي هادية. مصطفى: هههههههههههه، أحسن. فاطمة: بقى كده يا ماما، طيب أنا ماشية. خالد: طيب، افطري الأول. فاطمة: بعد إيه، ما مراتك سدت نفسي. هدي: لا، والنبي، إنتي نفسك بتنسد؟ دانتي بتاكلي أكتر من عشر مرات في اليوم، وسبحان الله مش بيبان عليكي. فاطمة: خمس وخميس، إنتي هتحسديني ولا إيه؟

مصطفى: بنصحك تجري، بدل الشبشب يسلم عليكي على الصبح. فاطمة: بجد، شكراً على النصيحة، سلام. هدي: خدي يا بت. محمد: 🤣🤣 خلاص بقى، مشت، يلا نفطر. هدي: دقيقة، والأكل يكون جاهز، يابوي. محمد: طيب.