رواية عشقت ابن المارد الفصل الثالث 3 - بقلم مارينا عبود

روان قامت لقت نفسها في أوضة غريبة ومن غير هدوم وعلى السرير. روان بصراخ: عااااااااااااااا روان فضلت تصرخ وفجأة لقت مراد طالع من الحمام ولافف فوطة على جسمه. مراد بضحكة خبيثة: صباحية مباركة يا عروستي. روان بصدمة وصراخ: انت إزاي؟ أنا مش فاهمة حاجة وليه؟ ده أنا حبيتك وثقت فيك ليييييييه؟ مراد ببرود: دي البداية يا بنت طلعت خيري. البداية بس. صدقيني هحرق قلب أبوكي عليكي، هخليكي تتمني الموت ومطولوش.

روان بصدمة: مراد انت إيه اللي حصلك؟ ده أنا روان حبيبتك. مراد بصراخ: انتي مش حبيبتي ولا عمرك هتكوني. أنا بكرهك وعمري ما كرهت حد قدك انتي وأبوكي. واللي أنا عملته ده جزء بسيط من اللي هعمله فيكي. روان بصراخ: انت بتقووووول إييييييه؟ مستحيل، أكيد أنا في حلم، ده أكيد كابوس. انت مستحيل تكون كده، مستحيل. مراد ببرود: مش عاوز كلام كتير. اخلصي ادخلي غيري وتعالي عشان تعمليلي الفطار، وإلا هكمل اللي عملته فيكي امبارح.

غمزلها وأخد لبسه وطلع. روان كانت في حالة صدمة وكسرة قلب. قامت ولبست وفضلت تصرخ وتكسر في كل حاجة حواليها. مراد كان قاعد بره بيتكلم في الفون. سمع صوتها وحس بنغزة في قلبه. هو ما كانش عاوز يكسرها بالطريقة دي، بس هو كمان اتوجع واتوجع أوي. روان قامت ومسحت دموعها ودخلت الحمام وشغلت الدش وقعدت تحت الميه وهي بتعيط. في فيلا الأسيوطي. تميم قام ولبس بدلته ونزل من أوضته. لقى فهد والمحمدي وسوزي وفاطمة ونور وجورى قاعدين وبيفطروا.

تميم: صباح الخير. الجميع: صباح النور. كله رد عليه ما عاد جورى اللي ما رفعتش وشها ليه. أصلًا تميم كان بيبصلها وسرحان فيها. وفهد الأسيوطي كان ملاحظ نظرات تميم لجورى. فهد والد تميم: اقعد يا تميم عشان تفطر. تميم: هااا حاضر يا بابا. تميم قعد قصاد جورى وبدأوا أكل. وبعد دقايق خلصوا. ونور وجورى طلعوا يجهزوا عشان يروحوا الكلية. والمحمدي طلع عشان شغله. تميم كان هيمشي بس وقفه صوت والده فهد.

فهد والد تميم: تميم عاوزك توصل نور وجورى الكلية وانت رايح الشغل. تميم: حاضر يا بابا. فهد بجمود: يا ريت متفكرش مجرد تفكير إنك تضايق جورى يا تميم، لأنه وقتها مش هسامحك. تميم بتنهيدة: حاضر. بعد إذنك أنا هطلع وهستناهم بره. فهد: ماشي. خلي بالك من نفسك. تميم بابتسامة: حاضر. وانت كمان. تميم طلع ووقف قدام عربيته وفضل مستني نور وجورى قدام الفيلا. وبعد مرور دقايق نور وجورى طلعوا من الفيلا. تميم: تعالوا عشان هوصلكم الكلية.

جورى: لا يا تميم باشا مفيش داعي. إحنا هناخدوا السواق وهو يوصلنا. تميم برفعة حاجب: لا. أنا اللي هوصلكم. جورى ببرود: وأنا بقول مفيش داعي إنك توصلنا. تميم بتحدي: أنا لما أقول كلمة تتنفذ. جورى بعصبية: حضرتك مش ولي أمري عشان أنفذ كلامك. وقولت مش هطلع معاك. نور بهدوء: خلاص يا جورى. تعالي نركب مع تميم. جورى بعصبية: لاااا يعني لاااا. تميم بنفاذ صبر: جوررررى. اطلعى واخلصي عشان عندي شغل ومش فاضيلك.

جورى بهدوء: تمام. اتفضل روح شغلك وإحنا هنروحوا مع السواق ومفيش داعي توصلنا. فهد من خلفها: جورى اسمعي الكلام يا بنتي. كده كده كليتك قريبة من شركة تميم. فخليه يوصلكم. وأنا هعينلكم سواق من بكرة يوصلكم. جورى بيأس: حاضر يا عمي. أنا مقدرش أرفضلك طلب. يلاه يا نور. تميم ركب العربية. ونور وجورى ركبوا معاه. تميم بغيظ: واحدة عنيدة. جورى: بتقول حاجة؟ تميم بعصبية: بقول إنك واحدة عنيدة وعطلتيني على شغلي.

جورى بغرور: ههههه. انت تطول أصلًا إنك توصلنا. تميم بصدمة: نعمممممم ياختي. نور: عاااااااا بس خلاص اسكتوا. يلاه يا تميم اطلع عشان اتأخرنا. تميم: ماشي يا نور. بس قولي لأختك تقصر لسانها لما تتكلم معايا. جورى بصوت منخفض: لا على أساس هموت وأكلمك. تميم: سمعتك على فكرة. جورى بصتله بغيظ وسكتت. وتميم ساق عشان يوصلهم. وطبعًا نور فضلت تضحك عليهم وعلى تصرفاتهم الطفولية اللي مهما كبروا مش هيغيروها. في المستشفى.

حور صحت لقت اسر قاعد على الكرسي قصادها. اسر: انتي كويسة؟ حاسة ب إيه؟ ثواني هناديلك الدكتور. حور بدموع: تيته. تيته فين؟ اسر بحزن: حور. انتي مؤمنة بقضاء ربنا؟ وبعدين هي أكيد في مكان أحسن. حور بصراخ: انت كدااااب! هي أكيد ما سبتنيش. هي وعدتني هتفضل جنبي. انت أكيد بتكدب. حور قامت وحاولت تطلع بس اسر مسكها. حور بصراخ: اااااابعد عني! ابعد! أنا عاوزة أشوفها! ابعد عني انت واحد كداب! أنا عاوزة جدتي! ابعد!

أنا لازم أروحها. هي أكيد محتاجالي. ابعد. اسر بعصبية: حوررررر! افهمي بقااااا! داده فيروز خلاص مبقتش موجودة. اهدى أرجوكي. انتي لازم تكوني أقوى من كده. اهدى. حور فضلت تضربه على صدره: اااااانت كداااااااب! ابعد عني! انت مين أصلًا عشان تقول كده؟ انت انت. وفجأة اغمى عليها. اسر شالها وحطها على السرير وراح بسرعة ينادي دكتورة. وبعد دقايق الدكتورة دخلت وفحصت حور.

الدكتورة بحزن: هي دخلت في حالة صدمة وانهيار عصبي. ياريت تخلي بالك منها لأنها محتاجة رعاية. اسر بحزن: تمام. بس ممكن آخدها من هنا؟ الدكتورة: أكيد. بس ياريت متعرضش لأي ضغط نفسي. اسر: تمام. اسر شالها وطلع بيها من المستشفى. دخلها العربية وراح الفيلا بتاعته. بعد وقت في فيلا السيوفي. اسر داخل وهو شايل حور. اسر: نبيييييله. نبيلة الخدامة بخوف: نعم يا بيه. اسر: قولي لرعد يجيلى على مكتبي. نبيلة: أوامرك يا اسر باشا.

اسر طلع أوضته ونوم حور على السرير وقعد جنبها وفضل يتأمل ملامحها البريئة. قرب وشال خصلات شعرها اللي كانت نازلة على وشها. اسر بحب: ياترى حكايتك إيه يا حور؟ والقدر مخبيلنا إيه؟ اسر غطاها ونزل مكتبه. طق طق طق. اسر: ادخل. رعد: انت طلبتني؟ رعد مدير أعمال اسر السيوفي وصديق طفولته واللي عارف كل أسراره ودراعه اليمين. اسر: تعال يا رعد. رعد: إيه يا اسر؟ ف إيه؟ اسر: قولي جهزت ترتيبات الدفن بتاعة داده فيروز؟ رعد: ااااه وكله تمام.

اسر بخبث: تمام. والموضوع بتاعنا إيه الدنيا؟ رعد: متقلقش. مراقبين تحركاتهم كويس. لو حصل أي جديد هقولك. اسر: تميم. كلم تميم وقوله إني مش هاجي النهاردة وخليه ياخد باله من الشركة. رعد: تمام. بس مقولتليش هتعمل إيه مع البنت دي؟ اسر: ..... رعد بصدمة: إيييييه؟