رواية عشقت المالك الفصل السابع عشر 17 - بقلم شهد علي

كانت قاعدة جنبه وهي شايلها 3 سنين كاملين وهو في غيبوبة. هو بيكرهها بجد مبقاش عايزها. عشق غمضت عينيها. Flash Back من 3 سنين. عشق بصريخ: قوم يا مالك أنا بحبك متسيبنيش قوم قوم. لأ يا مالك. البوليس وصل والاسعاف خدت مالك على المستشفى. عشق كانت شايلة بنتها وبتعيط ومالك في العمليات. بعد ساعتين كاملين خرج الدكتور. عشق: مالك كويس صح؟ الدكتور: الحمدلله قدرنا نخرج الرصاصة. عشق: بس؟

الدكتور: الرصاصة جت جنب القلب وده عمل مضاعفات والمريض دخل في غيبوبة ويا عالم هيفوق امتى. وسابها ومشي. Back عشق بدموع: قوم أنت وحشتني قوي وكمان غرام بتحبك، شوف حتى أول ما نطقت مندهتش غير عليك. فوق يا مالك. ونامت جنبه. تاني يوم عشق قامت دخلت الحمام وسابت غرام جنب مالك. غرام صحيت وبقت تحط إيديها الصغيرة على وش مالك. غرام: بابا بيبي (حبيبي) وحاولت تقوم من جنبه وقعدت على بطنه وبقت تشد شعره. غرام: بيبي.

مالك بدأ يفتح عينيه. غرام: بابا بيبي. مالك بص للبنت الصغيرة كانت ملامحها جميلة وفيها شبه منها. عشق خرجت وهي بتمسح وشها: إيه يا غرام أنت مبتحبيش غير بابا بس. وشالت الفوطة واتصدمت إنه فايق وبيوصلها. غرام نامت على مالك: بيبي. مالك بضحك: وأنت حبيبتي. وحضنها قوي. عشق دموعها نزلت وقربت منه ولسه هتلمسه، رفع إصبعه بمعنى "إياك". عشق: مالك اسمعني. مالك: اسمع إيه؟ إنك كنت بتديني مخدرات؟ ولا إنك كنت عايزة تنزلي الملاك دي؟

ولا إيه ولا إيه يا مالك؟ عشق بدموع: مالك أنت بتوجعني بكلامك. مالك: وأنت وجعتيني بأفعالك. عشق بقت تبكي ورأسها في الأرض. غرام: ماما. وبعدت عن مالك. مالك اتضايق إن بنته بعدت عنه: غرام. عشق بعدت عن غرام وغرام فضلت على السرير جنب مالك. مالك بص لعشق ولمحها لابسة السلسلة وافتكر من 3 سنين. مالك ابتسم ومسك السلسلتين وعطى عشق حرف M وهو خد حرفها E ولبسه. مالك: يوم ما هتبلسيها هعرف إنك بدأت تحبيني وتسامحيني.

مالك فاق من تفكيره ومسك غرام وحاول يقف وقرب من عشق وقال: لبستيها ليه؟ عشق: إيه؟ مالك: السلسلة. عشق بحب: عشان بحبك. مالك: سكت. غرام: ننه. مالك استغرب: بتقول إيه؟ عشق: هي عايزة تنام. غرام: اممم. مالك خد غرام وراح عند السرير وناموا. غرام: ماما ننه. مالك: هي عايزة إيه؟ عشق بتوتر: هي. غرام: ماما تنام. مالك: امممم. مالك خد نفس وساب لعشق مساحة فاضية. عشق بقت تقرب من مالك وهو بيلاعب غرام.

عشق كانت بتبص له بحب وبدأت تدّوخ وفجأة وقعت على الأرض. مالك بخوف: عشق. وقام بسرعة وحاول يفوقها ونده للدكتور. الدكتور كشف على مالك والدكتورة كانت بتكشف على عشق. الدكتور: حضرتك بخير يا أستاذ مالك. مالك شال غرام وراح ناحية الدكتورة: مالها يا دكتورة؟ الدكتورة: متقلقش دي مش أول مرة يحصل كده لمدام عشق بس كده غلط. مالك: عشق مالها؟ الدكتورة: نسبة السكر في جسمها قليلة ومناعتها ضعيفة بسبب قلة الأكل.

الدكتور قرب من مالك وقال: أنت زي ابني وهي باين عليها بتحبك ومكنتش بتسيبك أبداً كانت ديما جنبك وبشوفها بتعيط عليك سامحها لو آذتك يا ابني هي كويسة. وسابه وخرج هو والدكتورة. مالك قرب من عشق وهو شايل غرام. غرام: ماما ننه. مالك ضحك وقال: أنت مش حافظة غيرهم. غرام حضنته: بيبي. مالك: وأنت حبيبتي يا غرام. مالك قعد جنب عشق ونام وغرام في حضنه. تاني يوم عشق بتفتح عينيها لقيت غرام جنبها ومالك واقف بيقفل قميصه. عشق بتوتر: مالك.

مالك: متتكلميش يا عشق. عشق قربت منه وحضنته من ضهره: أنا بحبك يا مالك سامحني. مالك بعدها وخرج من الأوضة وعشق بقت تعيط. عدى وقت وعشق لمّت كل حاجة في الأوضة وخرجت من المستشفى وروحت البيت ولقيت عمها. عمها: مالك فاق يا عشق اطلعيلة. عشق سابت الشنط وطلعت وهي شايلة غرام ودخلت. مالك ببرود: إيه اللي جابك تاني هاه؟ عشق حطت غرام على السرير وجت قدام مالك: سامحني. مالك: لأ. عشق: يعني مش هتسامحني؟ مالك: أه. عشق فتحت البلكونة

وطلعت على السور وبزعيق: لو مقولتليش بحبك ومسامحك أنا هموت النهاردة يا مالك. مالك بخوف: طب انزلي يا مجنونة وبنتك. عشق: مالك. مالك: انزلي. عشق كانت هتقع مالك لحقها وشدها ليه، وقعت عليه. عشق مغمضة عينيها ودموعها نازلة. مالك مسح دموعها وقال: بحبك يا عشق. عشق فتحت عينيها ومالك قعدها وقعد. عشق: بجد؟ مالك: عمري ما قدرت أزعل منك يا عشق. عشق حضنته بقوة: بعشقك يا مالك. غرام وهي قاعدة على السرير: بيبي.

مالك ضحك وقال: هي ليه مبتقولش بابا وبتقولي حبيبي؟ عشق: عشان أنا طول عمري كنت بقولك حبيبي فهي بقت تقولك كده. مالك شال عشق وراح حطها على السرير وأخذ غرام وعشق في حضنه: بحبكم. عشق: وأنا عشقت المالك. مالك ضحك وغرام حضنت مالك وقالت: بيبي.