رواية عشقت المالك الفصل الثاني عشر 12 - بقلم شهد علي

عشق عينيها دمعت وهي بتبص لمالك وهو هيشرب. وبعدين قربت منه ورمت الكوباية وحضنته وبقت تعيط. مالك: إيه في إيه؟ مالك بتعيطي ليه؟ أهدي. عشق كانت بتعيط. مالك: طب فيه إيه؟ عشق بتهرب: حبيت أحضنك. مالك بفرحة: بجد؟ عشق هزت راسها وهو شدها لحضنه جامد. مالك: بحبك يا عشق. عشق في نفسها: لأ يا عشق مالك. مالك: يلا قومي. عشق: على فين؟ مالك: يلا. مالك أخد عشق وخرجوا برة وكان عامل لهم قاعدة زي السينما. عشق: مالك أنت بتعمل كل ده إمتى؟

مالك: أنا أعمل أي حاجة وفي أي وقت. وبعدين قعدوا والفيلم اشتغل والليل ليل. عشق بدأت تعيط عشان البطل مات. مالك: عشقي. عشق بعياط: نعم؟ مالك: لو أنا مت هتزعلي عليا؟ عشق بعياط: بعد الشر عليك يا مالك متقولش كده. مالك انبسط: ده أنا هموت وأنا مبسوط. فضلوا يتفرجوا لحد ما ناموا. تاني يوم مالك صحي ودخل جوة وشاف عشق بتحط حاجة في الأكل. مالك: بتحطي إيه يا عشق؟ عشق اتخضت والكيس وقع من إيدها. مالك قرب ومسك الكيس وشافه.

مالك بصدمة: مخدرات. عشق ساكتة. مالك: عشق أنت كنتي بتحطيلي منها صح؟ أنا بقيت حاسس إني تعبان. عشق دموعها نازلة وبتبص لمالك. مالك رفع إيده وهي غمضت عينيها وهو ضرب إيده في الحيطة. مالك بزعيق: طب ليه ها ليه يا عشق؟ ومسك دراعها جامد. عشق: أنت السبب يا مالك. أنت نسيت عملت فيا إيه؟ خدت أهم حاجة عندي. نسيت إنك غصبتني أتجوزك.

مالك ساب دراعها: غلطت فعلا. بس حاولت أفهمك إني بحبك. بس لأ يا عشق أنت كان عندك حق في حاجة قلتيهالي. الحب مش بالإجبار يا عشق. عشان كده هريحكم. مالك خد نفس وقال: أنت طالق يا عشق. ارتاحتوا كده؟