رواية عشقت الرعد الفصل السابع 7 - بقلم أسماء محمد

جميله بصدمه: نععععععععم؟ بقا المعفنه دي مراتك! رعد بغضب: جميله هانم، دي مش أي حد، دي مرات رعد الحناوي. ولو فكرتي تلعبي زي ما عملتي، وقرب من أذنها، مع أختك أسيل، قسماً بالله هنسى في يوم إنك أمي. جميله بصدمه وتوتر: ااااانت... قاطعها رعد: كلامي خلص. وشد عشق من إيديها وطلع فوق، ونورين طلعت معاه. جميله بغل: ماشي يا رعد، أما خليتك تيجي تبوس جزمتي مبقاش جميله. وخرجت من الفيلا. في المستشفى

كمال قاعد على الكرسي جمب أسيل وحاطط إيده على إيد أسيل. كمال بحب: سيلا، إحنا بقالنا سنين بعد عن بعض، ويوم ما نرجع تسيبني؟ يلا قومي علشان خاطري. وبيعيط: قومي، كفاية اللي بيحصل فيا ده. وحط دماغه على إيد أسيل، وفاق على صوت أسيل وهي بتقول: أسيل: وأنا مقدرش أسيبك. كمال بصدمه: معقولة؟ بيتهيألي؟ معقولة؟ لالالا. أسيل: هههههههههههه، كح كح كح، إنت اتجننت ولا إيه؟ كمال بينط من الفرحة: سيلاااااااا. وخرج ينده للدكتور.

في فيلا نسرين الباب بيخبط. جومانه فتحت الباب ودخلت جميله. نسرين بتوتر: إيه اللي جابك هنا؟ إنتي اتجننتي؟ جميله: أنا مش جايه أضيف، أنا جايه أعمل اتفاق وهمشي. ويا توافقي، يا هيكون ليا تصرف تاني. نسرين بزعيق: لا، مافيش خرا تاني، كفاية اللي حصل زمان. فلاش باك قبل 27 سنة كانت نسرين وآسيل جيران في الفيلا، وآسيل كانت حامل في عشق. نسرين قاعدة في بيتها، وفي الوقت ده نسرين ماكنتش بتخلف، وبقالها سنين على كده.

وفي يوم جت جميله بيتها. نسرين بحب: جميله، أهلاً بيكي. جميله بتكبر: أهلاً. نسرين: تشربي إيه؟ جميله: مش عايزة، أنا جايه أقول كلمتين، عجبكوا أو لأ، دا اقتراح. نسرين: خير، قولي. جميله: إنتي بقالك قد إيه مش بتخلفي؟ نسرين بوجع: 5 سنين. جميله بخبث: طب إيه رأيك لو تكوني حامل، ودلوقتي؟ نسرين باستغراب: مش فاهمه.

جميله وهي تمشي: يعني إنتي تقولي لجوزك إنك حامل، والناس كلها تعرف كده، وتكوني إنتي وآسيل حوامل، ولما آسيل تولد، تولدي إنتي كمان في نفس اليوم، ونقول إن بنت آسيل ماتت، أو ابنها، الله أعلم، وتاخدي إنتي الطفل. نسرين بغضب وعصبية: إنتي مجنونة صح؟ إنتي عارفة إنتي بتقولي إيه؟ إنتي مريضة نفسية.

جميله مبتسمة: براحتك، بس على فكرة، إنتي لو عملتي كده هتكوني أم. وغير كده، آسيل مش هتخسر حاجة، كلها سنة أو اتنين وهتخلف بدل الطفل عشرة، وإنتي هتفضلي كده. عموماً، هسيبك لحد بكرة تفكري. باي باي. تاني يوم نسرين اتصلت بجميله. جميله: قلتي إيه؟ نسرين بتاخد نفس: موافقة، بس هنعملها إزاي؟ جميله بخبث وغل: سبيها عليا. بااااااااااااااااااااااااااااااااااااااااك نسرين بدموع: حرام عليكي بجد، إنتي سم.

جميله: أنا اقترحت، وإنتي وافقتي. نسرين بغضب ودموع: عارفة تمن اللي دفعته إيه؟ جوزي عرف وطلقني، وخصوصاً بعد أما خلفت نور، وكانت أول فرحتي. جميله: إنتي اللي غبية. نسرين بغضب: أنا لسه مخلصتش كلامي. اتطلقت بسببك، عشت بعيد عن عشق 15 سنة بسببك، لما سافرتها بره علشان خايفة إن حد يعرف. بعيش في تأنيب ضمير ليل ونهار بسببك، وبسبب الحالة اللي آسيل فيها بسببي. وفوق ده كله، ربنا أراد إنه يجمع بين آسيل وعشق وكمال.

جميله باستغراب: يجمعهم إزاي؟ مش فاهمه. نسرين باستهزاء: إنتي متعرفيش ولا إيه؟ مش الدكتورة اللي مسؤولة عن حالة آسيل هي عشق؟ جميله مصدومة. نسرين بتكمل: لا، وإيه؟ واللي متجوزة ابنك عشق، وعايشة معاكي في نفس البيت؟ جميله بغضب وصدمه: إنتي بتقولي إيه؟ ققق قصدك إن مرات رعد تبقى بنت آسيل؟ نسرين باستهزاء: شفتي بقا. شفتي ربنا بيعمل إيه. سابتها جميله بصدمه ومشيت. نسرين بعياط: يارب، يارب. في المستشفى دكتور خالد: اسمك إيه؟

أسيل بتعب: أسيل. خالد: حاسة بإيه دلوقتي؟ أسيل: تعب جامد في كتفي. خالد: تمام، هديكي حقنة تخفف الوقع دلوقتي. وسابها وخرج، واتصل على عشق. في فيلا رعد الحناوي عشق واقفة أمام الأوضة. عشق: هنام فين؟ رعد ببرود: في أوضتي. وسابها ودخل. عشق دخلت وراه بعصبية: إنت فاكر إني مراتك بجد؟ ولسه هتكمل كلامها، اتكعبلت في السجادة وكانت هتقع. رعد لحقها. عشق على كتف رعد ومغمضة عينها، لتكون وقعت، ورعد مبحلق فيها وهي مغمضة 😂.

عشق فتحت نص عين، ولقت إن حد ماسكها، واتوترت إن رعد مقرب منها أوي كده، وبعدت عنه بسرعة. عشق بغضب: إنت إزاي تسمح لنفسك تمسكني كده؟ رعد بصدمه: نعععععععععم. عشق كانت لسه هتكمل، قاطعها رنة الفون. عشق: ازيك يا دكتور؟ خالد: تمام يا عشق، عندي ليكي خبر بمليون جنيه. عشق مبسوطة: بجد؟ خبر إيه ده؟ ورعد بيتابعها بعيون من تحت لتحت. خالد: المريضة أسيل فاقت. عشق بفرحة وبتنطط: بجد؟ خالد: آه والله. عشق بتلقائية: هييييييه!

إنت أجمل وأحلى وأشطر دكتور في الدنيا. أنا ثواني وهكون عندك. وراحت ناحية رعد بفرحة. عشق: رعد، سيلا فاقت! أنا رايحة ليها دلوقتي. رعد واقف وعينه هتطق شرار من كلامها مع الدكتور ومش مركز. عشق انتبهت لغضبه: أستاذ رعد، بقولك أسيل فاقت. رعد: تمام، تعالي، أنا أصلاً رايح المستشفى. وهما خارجين لقوا نورين واقفة بره، ولما عرفت إنهم رايحين، صممت تروح معاهم. في المستشفى

كان رعد كلم أسر وقاله إن أسيل فاقت، وأسر قاله هيكون في المستشفى. رعد وصل المستشفى، وعشق راحت تلبس البالطوا بتاعها. الكل متجمع حوالين أسيل ومعاهم كمال. وبعد دقايق دخلت عشق مع خالد 😈. عشق بابتسامة: مساء الخير على الناس القمر. أسيل بحب: مساء النور يا قمر. عشق: عاملة إيه؟ أسيل: الحمدلله. ريم اخت أسر بهزار: إحنا هنقضيها سلامات ولا إيه؟ رعد: إنتي إيه اللي جابك؟ أسر: شبطت فيا لما عرفت إن سيلا فاقت.

نورين وريم بصوا لبعض، وأسر ورعد بصوا لبعض، وفجأة كلهم ضحكوا. خااالد سرح في ضحكة ريم. وعشق سرحت في ضحكة رعد. أسيل كانت ملاحظة نظرات عشق لرعد. عشق فاقت: دكتور خالد. خالد: ها، نعم يا عشق. عشق: دي تقارير المريضة، بعد إذنك، أنا هروح عشان تعبانة وعايزة أنام. خالد: الف سلامة عليكي، تحبي أروحك؟ رعد بحدة: وإنت بقا شايف مدام سوسن واقفة قدامك؟ خالد باستغراب: عفواً؟ أسر: رعد مالك؟ نورين وريم واقفين جمب بعض. ريم: في إيه؟

نورين: دي مرات رعد. ريم بصدمه: نععععععععمرعد موجه كلامه لخالد: الدكتورة عشق تبقي حرم رعد الحناوي. خالد وأسر وأسيل وكمال بصدمه: نععععععععم. رعد بنفس الغضب والحدة: وممنوع تتصل بمراتي تاني، مفهوم؟ وشد إيد عشق وقال: أنا هوصلها. نورين خليكي مع سيلا. عشق ورعد وصلوا البيت. عشق في العربية مع رعد. رعد بحدة: اتفضلي انزلي. عشق نزلت من غير أي كلام، ورعد رجع المستشفى تاني. جميله كانت واقفة

في البلكونة وقالت بغل: لازم تموتي قبل ما أسيل تقوم.