رواية عشقت براءتها الفصل الرابع عشر 14 - بقلم زولة وحيد

زينب: أنا اتكلمت مع مامت نغم وهي وجوزها موافقين. جاسر ونغم بصدمة: إيه! زينب: زي ما سمعت. جاسر: بس أنا ونغم مجرد أصدقاء يا جماعة ومفيش بينا حاجة. نغم أول ما سمعت كلام جاسر حست بكسرة، فهي تحبه بل تعشقه ولكن هو ربما لا يشعر بها. نغم: احم، عن إذنك. جاسر: على فين يا نغم؟ نغم: هروح البيت أنا اتأخرت. جاسر: طب هوصلك. نغم: لأ لأ متتعبش حالك، أنا هروح لوحدي. جاسر: بس... آسر: أوكي يا نغم، روحي مع السواق، أنا هقوله يوصلك.

نغم كادت أن تتحدث ولكن منعها آسر. آسر: قلت لك السواق هيوصلك يا نغم، اسمعي الكلام. نغم: حاضر. وطلعت. آسر بغضب: تعال يا شاطر. وأخذ جاسر وراح على الأوضة. آسر بغضب: أنت عارف عملت إيه بكلامك ده؟ جاسر: عملت إيه؟ آسر: أنت كده كسرت قلب بنت بريئة. جاسر باستغراب: أنت بتقول إيه؟ آسر: زي ما سمعت، البنت كان ظاهر عليها إنها اتكسرت من كلامك. جاسر: بس أنا ما قلت لها إني بحبها ولا لمحت لها بكده.

آسر: خلاص يا جاسر، البنت حبّتك، تعمل إيه؟ هي ملهاش ذنب. جاسر: وأنا كمان مليش ذنب أتجوّز بنت مش بحبها وبعتبرها زي أختي. آسر: أوكي يا جاسر، بس اتذكر كلامك ده بعدين. وطلع من الأوضة. محمد: احم، شباب إحنا هنروح. روح: بس يا محمد... محمد بمقاطعة: روح يلا، إحنا اتأخرنا. كيان: محمد بليز خليها تبات عندنا الليلة، في حاجات كتير عايزين نحكي فيها. محمد: بس... آسر: آه يا محمد، خليكم الليلة معانا. محمد باستسلام: أوكي.

روح بفرح: تعالي يا كيان. روح وكيان طلعوا على أوضة آسر وكيان. روح بدأت تحكيلها عن محمد وعن الحاجات الحلوة اللي اكتشفتها فيه. كيان بابتسامة: شفتي قد إيه أنتِ مبسوطة، يمكن لو كنتي مع إياد ما كنتيش هتكوني مبسوطة كده. روح: آه يمكن. كيان طلعت لها شيكولاتات من الشنطة. كيان: بصي جبت لك إيه. روح بفرحة: الله، حلو، النوع اللي بحبه، أنتِ إزاي عرفتي؟ كيان: آسر قال. روح: بجد؟ آسر ده قمر. كيان بغيرة: بطلي يا بت، ده جوزي أنا.

روح: غيرانة؟ كيان: آه، غيورة أوي كمان. روح: أديكي اعترفتي. كيان ابتسمت بكسوف. عند آسر. آسر: احم، محمد، هو أنت أخبارك إيه وكيفها روح معاكم؟ محمد: الحمد لله. آسر: طب بقول لك، أنا عايز أعمل صفقة مع شركتكم. محمد: طبعاً، ده يشرفني يا رفيقي. آسر بابتسامة: أوكي. عند جاسر. جاسر في نفسه: معقول هي تكون بتحبني؟

بس أنا حتى إذا اللي بحس بيه ده حب، أنا مش هتعرف بكده، أنا مش عايز أكذب على نفسي وعليها وأقول إني بحبها وأعلقها بيا وفي النهاية يطلع وهم وهي تتوجع بسببي، أسف يا نغم. عند كيان وروح. آسر دخل وراح قعد على السرير جنبهم وشد كيان عليه. آسر: إيه رأيك بالهدايا يا روح؟ روح: حلوة أوي. كيان بصوت منخفض: آسر كده عيب، أختك هنا. آسر بهمس: مليش دخل. روح: طب أنا هروح. كيان: لا، متروحيش، مخلصناش كلام. آسر: ممكن تكملوا رغي بكرة.

كيان بغيظ: أنت اسكُت. روح: آه نكمل بكرة يا حبيبتي، وبعدين آسر باين عليه على آخره ومنتظرني أطلع. آسر: صح والله يا روح. روح طلعت وهي بتضحك. كيان بصت على آسر بغضب. كيان: أنت كده كأنك قلت لها اطلعي. آسر وهو بيدفن راسه في رقبتها: مش بيهمني، المهم إنّي كسبت. كيان: كسبت إيه؟ آسر: امممم، قلبك. كيان: عايز تعمل فيها إنك رومانسي؟ ما حذرت، آسر الهواري، أنت مش رومانسي. آسر بعد: بجد؟ كيان: آه. آسر: تعالي معايا. كيان: فين؟

آسر: تعالي بس. وأخذها وطلعوا برا القصر وراحوا على الجنينة. كان فيه أضواء بالألوان وكان فيه واحدة واقفة بتغني، وطبعاً الحرص مفيش واحد بيتجرأ يبص لجوه. وكان فيه ترابيزة وكرسيين قدام المسبح اللي كان شكله جميل وهو فيه أضواء لجوه. آسر بابتسامة: اتفضلي يا أميرتي. كيان راحت قعدت وهي منبهرة من المكان. كيان: الله يا آسر، أنت إزاي ظبطت كل ده بالسرعة دي؟ آسر وهو بيقعد: أنا آسر الهواري، في ثانية بتلاقي كل حاجة مظبطة.

آسر: تطلبي إيه يا حبيبتي؟ كيان: امممم، عايزة عصير فراولة. آسر للجرسون: واحد فراولة. كيان: طب أنت مش عايز حاجة؟ آسر: أنتِ كفاية يا روحي. كيان ابتسمت بخجل. آسر حط إيديه على إيديها وفضلوا يبصوا في عيون بعض بحب. قاطعهم الجرسون. جرسون: احم، آسر بيه، اتفضل. آسر أخذ منه العصير وعطاه لكيان. آسر للجرسون: روح، ومش عايز حد يطلع من القصر، بالذات جاسر ومحمد. جرسون: حاضر. وراح.

كيان وهي بتشرب العصير: ما كنتش أعرف إنك بتغير عليا للدرجة دي. آسر: مش زي غيرتك لما هددتي بنت عمك. كيان ضحكت لدرجة إنها كادت تتشرق. آسر بخوف: متضحكيش وأنتِ بتشربي يا مجنونة. كيان: آه، كان يوم حلو، البنت خافت مني أوي، ولما كنت برقص كانت مش بتبص لي حتى من كتر الخوف. آسر بغيظ: آه، لو سمحتي، ماتجيبي لي سيرة الرقص ده تاني. كيان: بمناسبة الرقص، على فكرة فيه واحدة بتغني هناك، إحنا هنرقص ولا لأ؟ آسر: هنرقص طبعاً.

ومسكها من إيدها وراحوا جنب المسبح، وآسر حط إيديه على وسطها وهي حطت إيديها على رقبته. وبدأوا يرقصوا. بعد وقت كيان بعدت عن آسر. كيان: ياااه، أنا تعبت. وراحت جنب الكرسي عشان تقعد، بس محستش بنفسها غير وهي في المسبح. آسر بصدمة: ......