رواية عشقت فهد الصعيد الفصل الحادي والعشرون 21 - بقلم الكاتبة المجهولة

في جناح فهد كانت ضحي قاعدة قدام التلفزيون بتسمع فيلم ومرة واحدة دخل فهد عليها. ضحي: يا ماما خضتيني. فهد: بعد الشر عليكي من الخضة يا قلبي. بتعملي إيه؟ ضحي: قاعدة بسمع فيلم. قرب فهد وأستلقى على الكنبة ووضع رأسه على رجلها، وبدأت ضحي تلعب في شعره. فهد: إيه في إيه؟ حاسك فرحانة حتة. ضحي بسرعة: أيوه فرحانة أصل نور... حولت الكلمة لأنها وعيت لما سوف تقوله. فهد: مالها نور؟

ضحي: ها مافيش دا أنا كنت بقول إن ربنا رزقني بنور وشيماء أخواتي بجد. فهد: ربنا يخليكم لبعض. محضرلك مفاجأة. ضحي: إيه هي؟ فهد: بعد العيد هنسافر. ضحي بفرحة: فين؟ ها فيين؟ فهد: هاتعرفي لما تروحي. ضحي: طب ماينفعش تولم... الكلمة ووجدت الباب خبط. اتعدل فهد وسمح للطرق بالدخول. الخدامة: هد بيه العشا جاهز، وسليم بيه قالي أقول لحضرتك تنزل. فهد: تمام نازل وهاتي العشا لضحي.

ضحي بسرعة: لا يا فهد هنزل معاك. اتفضلي إنتي أنا نازلة معاه. الخدامة: أوامرك يا هانم. مشيت الخدامة وبص فهد لضحي. ضحي: إيه في إيه؟ فهد: هتنزلي تحت ليه؟ ضحي: يا فهد أنا حابة آكل معاكوا. فهد: تمام يلا بينا. ضحي بتفكير: استحالة أفوت على نفسي المفاجأة دي. قامت ضحي ولفت حجابها وسندت على فهد ونزلوا لتحت. ◇◇◇◇◇◇◇ كان الجميع يتناولون العشاء لحد ما قطع عليهم صوت ضحي. ضحي: أحم يا جماعة في حاجة حبين نقول عليها.

حازم: حاجة ولا نصيبة؟ ضحي: هقوم أجيبك من شعرك. سالم: خير يابنتي. ضحي وهي بتبص لنور: قولي. بصت نور ليها بغيظ والجميع عمال يبص ليها. شيماء: خلاص يا جماعة هقول أنا. ضحي: لا اسكتي هقول أنا. شيماء: تمام قولي. ضحي: أحم أحم الأستاذة نور طلعت حااامل. بص الجميع لنور ونور كانت مكسوفة جداً. عمر: دا بجد ها؟ ضحي: أمال هزار يا خويا. عمر: يعني إنتي حامل؟ نور بكسوف: أيوه حامل. خدها عمر في حضنه وهو مبسوط أوي. عمر: ألف مبروك يا روحي.

نور وهي بتبعد: الله يبارك فيك. سالم وهو بياخد نور في حضنه: ألف مبروك يا بنتي ربنا يتمملك على خير يا بنتي. نور: الله يبارك فيك يا جدي. "جماعة أنتوا لو هتقولوا أكتر شخصية بحبها في الرواية هقول شخصية سالم لأنه بيفكرني بجدي الله يرحمه أدعوا له بالرحمة" فهد: ألف مبروك يا قلب أخويا. نور: الله يبارك فيك يا حبيبي عقبال ضحي. ابتسم فهد ليها ورجع بص لضحي بحب. فخرية: مبروك يا ضي عيني. نور: الله يبارك فيكي يا ماما.

وبدأ الجميع بالمباركة. ضحي: طبعاً لو بنت هتسميها ضحي صح؟ حازم: ولو ولد هيبقا حازم. عمر: دا بعينكوا مش كفاية في اتنين مجانين هيبقي في التالت. ضحي: تصدق إنك بارد وانت تطول أصلاً أنه يطلع زي عمته أو عمتها. ضحك الجميع عليهم. فخرية: يبقي يا نور يا حبيبتي نروح عند دكتورة عشان نطمن. نور: ماشي يا ماما. زينب: وإنتي يا ضحي يبقي روحي معاها. ضحي: وأنا أروح ليه إن شاء الله؟

زينب: عشان يا بنتي نطمن عليكي ونشوف الحمل عندك متأخر ليه. ضحي: لا أنا مش هروح. فاطمة: ليه يا بنتي دا الدكتورة دي شاطرة قوي والواحدة بتحمل عندها على طول. ضحي بزعل ممزوج بغضب: وأنا مش هروح بعد إذنكم. وبدأ ضحي تستند لحد ما تطلع لجناحها. زينب: هيا ضحي مالها؟ نور: هطلع أشوفها. فهد: لا خليكي إنتي أنا هطلع. "في جناح فهد" دخل فهد الجناح لقي ضحي دافنة وشها في المخدة وعمالة تعيط. قرب فهد منها وقعد جنبها. فهد: طب بتعيطي ليه؟

رفعت ضحي وشها ليه: معرفش بس أنا زعلت قوي لما قالوا إن أروح عند دكتورة عشان يطمنوا عليا. فهد: يا روحي مامتك وخايفة عليكي عايزة تعرف إن اتأخرتي في الحمل ليه. حتى أنا عايز أعرف ولله. وأنهى جملته بغمزة. ضحي: قليل الأدب. فهد وهو بيقرب: إنتي لسه شوفتي قلة أدب. ضحي: أنت بتقرب ليه؟ فهد: هشششش. "وهنا سكت شهرزاد عن الكلام" "في جناح شيماء" كانت شيماء قاعدة بتسرح شعرها وكانت سرحانة لحد ما خبط الباب. شيماء: أدخل.

دخل حازم وانصدم حازم من شكل شيماء من غير حجاب وهيا انصدمت أكتر منه. راحت جريت على طول جابت حجابها ولفته. شيماء: يخربيتك إيه اللي جابك. حازم: هوا دا شعرك بجد ولا بروكة؟ شيماء: حازم إيه اللي جابك؟ حازم: أحم كونت جاي أديكي حاجة. شيماء: في الوقت ده. قرب حازم منها وطلع خاتم من جيبه. حازم: بحبك. شيماء بحب: وأنا بموت فيك. لبسها حازم الخاتم وباس إيدها. حازم: أنا استأذنت من جدي إننا نخرج نجيب الشبكة ونتمشى شوية وهو وافق.

شيماء: بس هيبقي في محل دهب فاتح دلوقتي. حازم: يا ستي دا أنا مصدقت نخرج. شيماء: تمام نص ساعة وهنزل. حازم: ماشي يا قلبي مستنيكي. خرج حازم وابتسمت شيماء وذهبت لكي تتجهز. "بعد نصف ساعة" نزلت شيماء وهي ترتدي دريس من اللون البنفسجي مع نقشه من الزهور البيضاء وطرحة بيضاء. حازم: إيه القمر ده. شيماء: شكراً. حازم: يلا بينا. خرجت شيماء هيا وحازم. ◇◇◇◇◇◇ في الصباح "في غرفة الطعام" سالم: هنية. الخدامة: نعم يا حضرة العمدة.

سالم: أطلعي نادي لي فهد عشان ينزل يفطر عشان في ناس جايه تشوف الأرض وإحنا اتأخرنا. هنية: حاضر يا حضرة العمدة. طلعت هنية فوق. حازم بخبث: ولا يا عمر هوا الواد فهد اتأخر ليه مش عوايده. عمر: يابني خليك في حالك عرسان جداد وانت مالك بقي ابقي أعمل زيه. حازم: اممم قولتلي عرسان. شيماء: مش عارفة ليه بس حاسة في موضوع في التأخير ده. نور: ليه يعني عادي؟

شيماء: لا يبت فهد من ساعة ما طلع لضحي امبارح وهو منزلش لحد دلوقتي وكمان النهاردة متأخرين أكيد. وابتسمت شيماء. نور بضحك: ربنا يهنيهم وإنتي خليكي في حالك. ألاه صحيح إنتي كنتي فين امبارح روحت جناحك ملقتكيش. شيماء: اسكتي مش حازم جه. وحكت لها كل حاجة. "في جناح فهد" خرج فهد من الحمام وهو بينشف شعره ولابس الملابس الصعيدية. "الباب خبط"

الخدامة: الفطار جاهز والكل مستني من بدري وحضرة العمدة بيقول يلا عشان في ناس جايه تشوف الأرض وإحنا اتأخرنا. فهد: تمام روحي إنتي وأنا نازل. قفل فهد وراح عند ضحي اللي نايمة في سابع نومة. فهد: ضحي حبيبتي قومي يلا. ضحي بنوم: لا سبيني أنام شوية أنا منمتش امبارح. فهد بضحك: قومي يا ضحي الكل مستنينا تحت وشكلنا بقى يعر. ضحي بتوهان: خلاص قايمة أهوا. اتعدلت ضحي. فهد: صباحية مباركة يا عروسة. ضحي بخجل: الله يبارك فيك.

فهد: أنا هنزل دلوقتي عشان في ناس مستنياني في الأرض وإنتي قومي البسي عشان بعد ما تفطري تروحي إنتي والبنات المول عشان كتب الكتاب بكرة وأنا هقول ليهم يعملوا ليكم فطار. ضحي بخجل: تمام. فهد وهو خارج: يا خراشي على الجميل وهو مكسوف. قامت ضحي دخلت الحمام. ◇◇◇◇◇◇ نزل فهد تحت. سالم: إيه يابني اتأخرت ليه؟ فهد: معلش يا جدي راحت عليا نومة. سالم: ماشي يا ولدي بس فين ضحي؟ فهد: ضحي فوق يا جدي نازلة ورايا. سالم: طب يلا بينا يا رجالة.

محمد: لا بينا يا خوي. حازم بهمس: صباحية مباركة يا عريس. فهد: اتلم يلا. عمر بضحك: أه راحت عليك نومة اممم. فهد بغضب: قدامي عشان ما أعملش خريطة على وشك إنتي وهو. عمر: لا خلاص يا كبير. ومشوا الشباب. زينب: يلا بينا أحنا يا جماعة عشان نجهز لـ كتب الكتاب. فخرية: يلا بينا. فاطمة: إنتوا هتروحوا المول امتى؟ شيماء: أول ما ضحي تنزل هنتحرك. فاطمة: تمام يلا بينا أحنا. شيماء: مش قولتلك.

نور بضحك: ما خلاص يا بنتي إنتي ناقصة تعملي إعلان للبنت يلا ربنا يفرحها. ضحي: صباح الخير. شيماء بخبث: صباحية مباركة يا عروسة. ضحي بخجل: ها إنتي قصدك إيه؟ شيماء بضحك: قصدي إنتي فهمتي. نور بحب: مبروك يا حبيبتي ربنا يهدي سرك. ضحي بخجل: الله يبارك فيكم. شيماء: طب يلا بينا عشان اتأخرنا قوي وأحنا لسه ورانا حاجات كتير. ضحي: طب هفطر الأول وبعدها نتحرك. نور: تمام وأنا هطلع أجيب حاجة من فوق ونازلة. طلعت نور فوق وبدأت ضحي تاكل.

بعد دقايق خلصت ضحي فطار واتحركت البنات للمول.