رواية عشقت جبروت الفصل الرابع 4 - بقلم سهيلة ياسر

اخ ليا مش اكتر وعمري ما شفته غير كدا. قولتها وسبتهم ودخلت اوضتي. انا عارفه اني صدمت طنط رقيه بس كفايه اهانه لحد كده. دقايق وكانت طنط استأذنت من ماما ودخلتلي الاوضه. واول ما دخلت طريت حضنتها وانا بعيط. _اهدي يا بنتي وفهميني حصل اي اللي شقلب كيانك كدا. _عارف يا خالتي، عارف اني بحبه وساكت وعامل نفسه مش عارف. بيقولي استعدي لجحيمك. بيقولي حلمك هيتحقق. وحكيتلها كل اللي قالوه وانا بعيط من كرامتي اللي كانت مداسة تحت رجليه.

_عارفه انا مبسوطه منك انك عملتي كدا. جدعه انك رفضتي. انا هخرج اقول اني اتحايلت عليكي وانتي مش موافقه ويعدي يوم ولا حاجه. واقول اني كلمتك وخليت رقيه كلمتك وبعد الحاح طويل وافقتي. هرجعلك كرامتك يا حبيبتي. حضنتها ومسحت دموعي وقولت. _هو انتي ليه واقفه في صفي اكتر منه. _عشان انتي خير ليا. يوسف في حاجات كتير بايظه في حياته انتي اللي هتصلحيها. انا اللي بعمله ده لمصلحة ابني. عايزك تاخديه من ايده للنور يا روز.

عايزه يرجع يضحك ويهزر ويخرج زي زمان. _هو اي اللي غيره كدا طيب. _بعدين بعدين اقولك. خرجت طنط من عندي سلمت على ماما. وانا خرجت سلمت عليهم ووصلتهم لحد الباب ومشيو. واتصلت بـ رقيه. حكيتلها اللي حصل. وانا بكلمها لقيت رقم غريب بيرن. قفلت معاها ورديت على الرقم. _الو. _بقا انتي مخليه امي تتحايل عليكي يا روز. هدفعك تمن اللي عملتي ده بس اصبري. _انت بتهددني ولا اي. انت فاكر نفسك مين. هو الجواز بالـ بـ العافية.

انا مش عايزك ومش شايفك اصلا. _مبقاش غيرك انتي اللي هتموتي عليا وتقولي كدا. انتي كنتي تطولي اصلا اني اسلم عليكي. لكن لكل فعل رد فعل يا روز. _يامي يامي خاف يا عيد. روح اعمل الشويتين دول على متهم عندك يا حبيبي. واي هـمـوت عليك دي تكون رشدي اباظه وانا معرفش. وبلاش انا تتحداني يا يوسف عشان انا دماغي تعبانه. قولتها وقفلت في وشه وانا فرحانه من نفسي. جبت الجراءه دي مني. اكيد عشان بكلمه في التليفون.

لكن انا لو قدامه هبقا عامله زي الكتكوت المبلول. ومـنـكرش اني خاېفه اشوفه هيعمل فيا. ومـنـكرش برضو اني فرحت انه كلمني. لأ وكمان جاب رقمي. فتحت الواتساب. كتبت تاريخ اليوم اللي جه اتقدملي فيه في البايو. وحطيت قلب احمر ودبله. وحطيت صورته خلفية الشات. اه انا مبينه اني مش عايزاه بس انا ھمـوت عليه. حبيب قلبي. عدا يومين وطنط كانت بتنفذ خططها. كل يوم تمثل انها تعبانه وتطلب منه انه يعمل اي حاجه عشان يتجوزني.

بس كان الغضب مسيطر عليه تقريبآ كرهني. وكانت كلمته الوحيده اني لو اخر بنت في الدنيا مش هتجوزني. في اليوم التالت طنط زودتها شويه. وخلتهم ينقلوها الـمـستشفى. خوفتهم عليها وطلبت انها تشوفني. لبست نفس الدريس اللي ضايقو اللي فاتت. روحت الـمـستشفى وانا بجري عليهم وعامله نفسي خاېفه. _هي فين يا رقيه هي فين. رقيه دخلتني ليها. وفضلنا واقفين شويه. وهو كان بره. واول ما دخل طنط قالت.

_اهون عليكي امـۏت وانا نفسي في حاجه. وافقي يا روز. ووافق يا يوسف. ريحوا قلبي. انا كنت عارفه انها بتمثل بس الأداء كان عالي اوي لدرجة اني صدقت. وعيطت وقولت. _خلاص يا خالتي موافقه بس قومي الله يخليكي اوعي تسبينا. مش عايزة تفرحي بينا. قومي بقا عشان تختاري معايا فستاني وتشيلي عيالنا. اوعي تسبينا بالله عليكي. تقريبآ هو اتأثر. فضلنا واقفين شويه لحد ما الدكتور جيه طمنا. وبعد شويه كنا خرجنا من الـمـستشفى.

طنط ركبت العربيه هي ورقيه. وكان هو لسه واقف وانا برضو كنت واقفه. طنط قالت. _يلا يا روز اركبي. _لأ يا خالتي انا هروح على البيت عشان ماما متعرفش وزمانها قلقانه. وبصيت ليه بتحدي وقولت. _استعد انت لـ جحيمك يا حضرت الظابط. عض على شفايفو وقال. _ده انا هقطعك. لفيت ومشيت على طول. خـۏفت منه وقرارت اني مش هعصبه تاني. انا مش قده. روحت البيت وحكيت لـ ماما اللي حصل. عدا يوم وجم انهارده عشان يتفقو ونلبس الدهب.

بعد كلام كتير واتفاقات اكتر. قطع كلامهم صوتو هو بيقول. _فترة الخطوبه دي انا مش بعترف بيها. فهو شهر ونكتب الكتاب. انا جاهز وهي جاهزه نستنى ليه. ردت ماما وقالت. _ماشي يا ابني عداك العيب. ردت طنط وقالت. _نقرا الفاتحه بقا. قرينا الفاتحه ولبسني الدبله. مسك ايدي جامد لدرجة انها كانت هتتكسر في ايده. عكسي تمامآ. مسكت ايده براحه ولبستو الدبله بهدوء. وبدأت الاغاني والزغاريط تملى الشقه. خلص اليوم. وقبل ما يمشي قال.

_استعدي انتي بقا لـ جهنم الحمرا. قالها ومشي. مش مهم جهنم جهنم المهم اني هتجوزه ونال قلبي مراده بعد طول الانتظار. فترة الخطوبه كانت فتره عبيطه. ولا بنخرج ولا بنروح ونيجي. ولا بيسأل رايحه فين وجايه منين. ولا اي حاجه كأني مش موجوده في حياته. كان فاضل اسبوع على كتب الكتاب. قطع اندماجي في دبلته اللي في ايدي صوت خبط الباب. فتحت وكان هو. كنت لابسه بيجامه نص كم. _ايوا في حاجه.