رواية عشقت جبروت الفصل السادس 6 - بقلم سهيلة ياسر

_ياريت _ياريت اي _ااا احم وفيها اي يا هانم وانا مش جوزك خشي غيري هدومك وحضريلي الغدا _طيب دخلت لبست ترينج محترم وخرجت دخلت المطبخ جهزت الأكل وخرجت بيه. سبته على السفرة وجيت أدخل وقفني صوته وهو بيقول _روز _نعم _شعرك _مالو _شكله حلو اوي وهو مبلول ابتسمت وسبته ودخلت الأوضة خلص أكل وعمل لنفسه الشاي وفضل شوية يتفرج على التلفزيون ونام على الكنبة وانا نمت في الأوضة كالعاده.

جيه تاني يوم صحيت بدري قبل منو عشان أحضر الفطار واعمل قهوته وأجهز بدلته. جيت أدخل الحمام اتفاجأت بيه خارج مش لابس غير بنطلون بس صدره كان عريان اتكسفت دارت وشي وانا بقول _اي يا يعم انت مش في بنت معاك في البيت _والبنت دي مش مراتي ولا اي _بقولك اي جوا النحنحة ده مش هياكل معايا فين الجحيم فين جهنم الحمرا ضحك قد إيه ضحكته جميلة وبيبقى شكله جميل لما بيضحك قال _شكلك قطة شرسة وبتحبي المشاكل _ااه دي حقيقة

_امم وانا مش الراجل اللي هيعيش مراته في جحيم ولا جهنم حمرا انا أه على أخري منك بس مش لدرجة إني أجي عليكي وعلى كرامتك ده انتي وصية الرسول يا روز قالها وخد فوطة نشف شعره وسابني وخرج. سابني وانا بفكر ازاي هو كدا انا مغلطش لما قولت عليه أعظم رجال الكون مغلطش لما قولت انه سيد الرجالة ونن العين. حضرت ليه فطار حلو وعملت قهوته زي ما بيحبها وسبته يفطر وجهزت البدلة شوية ودخل ورايا وقال

_على أخر النهار هيجيلي ناس صحابي عشان يباركولي ياريت تجهزي أكل حلو _حاضر _قولتي اي _قولت حاضر _يانهار أبيض القيامة الجمعة الجاية روز بتقول حاضر _يعني كدا مش عاجب وكدا مش عاجب _لا لا كدا عاجب اوي اوي انتي كدا سكرة قالها وقرب باسني في خدي وبدأ يلبس هدومه وانا واقفة مذهولة من اللي حصل قطع ذهولي صوته وهو بيقول _لبسيني جاكيت البدلة يا روز لبسته الجاكيت زي ما قال سرح شعره وحط برفانة ومشي وانا لسه قاعدة مذهولة.

دخلت حضرت الغدا زي ما قال وانا برضو مذهولة كان قرب يجي لبست اسدال عشان لو أصحابو معاه وانا قاعدة مش مصدقة اللي حصل قطع ذهولي صوت رن الموبايل كانت رقية حكيتلها اللي حصل _عليه حتت دين بوسة يا بت يا سلمى قطع كلامي معاها صوته وهو بيقول _لا ده احنا نعجبك اوي يا أنسة روز رميت التليفون وانا مصدومة من اللي حصل سمعني لا لا مش معقول _قولي انك مسمعتيش _لا سمعت _بتكلم بجد يا يوسف _والله سمعت

خدت الموبايل ودخلت الأوضة وقفلت الباب ورايا وانا مكسوفة ضحك على كسوفي وقال _مش عيب يا روزتي انتي قولتي الحقيقة مش أكتر قطع كلامه صوت رن الجرس كانو أصحابه قعدة معاه وحضرت ليهم الغدا ورجعت لأوضتي تاني وبعد شوية كانو مشيوا. كنت متوقعة انه هينام على الكنبة بس اتفاجأت بيه دخل الأوضة وقفل النور وخدني في حضنه بدون أي كلمة ونام جيت أتكلم قال _ششش ولا كلمة نامي

وفعلاً نمت ولأول مرة أنام في حضنه اللي مبقتش عايزة حاجة من الدنيا غيره. جيه تاني يوم مالقتوش جمبي صحيت عشان أحضر الفطار واعمل القهوة لقيته بيقولي _متعمليش حاجة مش عايز _طيب هتروح شغلك أجهز البدلة _وتجهزيها ليه هو أنا سي سيد وانتي أمينة ولا إيه هجهزها لنفسي يا هانم _هو في أي يا يوسف _في إيه ف إيه _معاملتك متغيرة _والمفروض أعاملك ازاي يا ست هانم _متعالمنيش انت إنسان مريض أصلاً _روز متستفزنيش _انت عايز إيه دلوقتي

_مش عايز حاجة أبقي حضري نفسك هنخرج بعد يومين مع ناس صحابي _لا مش خارجة دول صحابك انت مش صحابي أنا _وانتي مراتي وهتيجي معايا _مراتك على الورق بس _ومالو نخليها ورق ورسمي ده حتى عيب في حقي ولا إيه قالها وهو بيقرب مني _يوسف ابعد _مش هبعد _متقربش بقولك _لا هقرب

مبقاش فيه حاجة ورايا غير الحيطة قرب مني وانا بحاول أبعده عني وبعد ثواني بحر عينياه خدني لدنيا تانية ودوبت بين إيديه مكنش بقاوم قرب مني عشان يبوسني مكنتش مانعه ولا مكسوفة بس فجأة ببعده عني وهو بيقول _مش انتي اللي تلفتي نظري وتخليني أقرب منها يا روز أنا بس حبيت أوريكي انك معايا بتنسي كل حاجة كبريائك ولسانك الطويل وكرامتك حبيت أوريكي تأثيري فيكي _انت لا يمكن تكون إنسان طبيعي انت مريض مريض

قولتها ودخلت الأوضة قفلت الباب ورايا وانا بعيط. عدا كده يوم وانا ماليش دعوة مش بتعامل معاه خالص وانهارده كان اليوم اللي المفروض هنخرج فيه عشان أصحابو جيه وقالي _أجهزي عشان كلها ساعة ونخرج _وانا قولتلك لا مش خارجة معاك .. أنا عايزة أطلق _نعم !! _اللي سمعته _واحنا معندناش رجالة بتطلق مراتها يا روز _هخلعك _هو انتي مستوعبة لكلامك .. أوعي تكوني فاكرة اني معرفش انك كنتي هتمتي عليا ويوم ما بقيتي مراتي بقيتي خلاص عايزة تطلقي

_ااه دي حقيقة يا يوسف أنا فعلاً كنت هتمت عليك كنت بعشق حاجة اسمها يوسف قلبي كان بينبض باسمك عيني ومشاعري وكل حاجة فيا كانت معمية عن كل البشر عشانك .. بس أنا كرهتك أنا فعلاً كرهتك ومش عايزاك