رواية عشقت غروره الفصل التاسع عشر 19 - بقلم اسماء صالح

حسام: أهلاً بيك يا خالد بيه. وأكمل بإعجاب: ويا ملك هانم. تهز برأسها بابتسامة ترحاب بخجل. ليكمل حديثه بنظرة لملك. يغضب خالد من نظراته لملك: هو ليه أنا حاسس أعرفك قبل كده يا ملك؟ ملك بصدمة: نعم أنا؟ لأ معرفش، أنا أول مرة أعرفك. حسام: ممكن برضه. خالد بضيق: احم، بعد إذنكم يا جماعة، في ناس مستنياني. الجد: طيب اتفضلوا انتوا يا بني. أخذ ملك وأمسك بيدها بقوة وخرج بها لجنينة الڤيلا. ملك وهي تكتم دموعها من قوة

يد خالد على يديها ومسكها: خالد في إيه؟ سبب إيدي وجعتني، آه. تركها بلهفة: إيه مالها؟ أنا آسف، آسف يا حبيبتي مش قصدي أوجعك. كملت وتمسح دموعها: خلاص مفيش حاجة. وبعدين في إيه لطريقتك دي وبتمسكني بعصبية كده؟ عملت إيه ده كله؟ خالد بغيرة: انتي مش شايفة كان بيبصلك إزاي ويعرفك من فين هو؟ ملك: وأنا أعرفه من فين؟ يمكن كان بيشبه. خالد بعصبية: أنا شوية وكنت هضربه. اقتربت منه وابتسمت بهدوء: خالد. خالد بغضب وينظر للجهة الأخرى: نعم.

ملك بدلع: انت بتغير عليا، ها؟ خالد بتوتر: ها... لا مش بغير بس حاجة عصبتني كده. أه يلا بينا. ملك بضحك وهي تذهب خلفه: هههههه أوك يلا. وظلت تنظر له طوال الحفل وهو يرتبك من نظراتها وينظر للجهة الأخرى. انتهى حفل الزفاف وذهب كل شخص لمكانه وعمله. أخذ مصطفى شهد لبلد بعيد لتتقرب منه أكثر وتفهم مشاعره اتجاهها. وخالد أخذ ملك لمنزله. وسافر الجد صالح مع زين وليلي لقصرهم بالصعيد. بشقة خالد.

ملك بغضب: لاااااا كده حرام بقي والله كده غش. خالد بغيظ: غش إيه يا بت؟ هو انتي شايفة إني بغش؟ مش بلعب قدامك. ملك بزعل: لا في حاجة مش مظبوطة، هو انت بتزود في الكوتشينة دي من دماغك؟ مش لاعبة. نهضت من أمامه بغضب طفولي ودخلت غرفتها وجلست على الفراش بزعل. ابتسم خالد على منظرها وذهب خلفها وجلس بجانبها. خالد: خلاص متزعليش.

ملك: لا زعلانة، أنا مليت من هنا بقالك أسبوع في الشغل وأنا في البيت مش بعمل حاجة، ويوم الإجازة في البيت عايزة أخرج أشم هوا، اتخنقت. خالد: اتخنقت مني يا ملك؟ ملك وتحاوط يدها بوجهه: لا يا حبيبي عمري ما اتخنقت منك، بس نطلع. خالد ابتسم: ماشي روحي اجهزي علشان نخرج. ملك تنكت بفرحة: بجد؟ هييييي. ضحك عليها خالد: هههههه مجنونة. عند مصطفى وشهد. بمنزل مصطفى بعد أسبوع من الزفاف. شهد: أنا زهقت من هنا وعايزة أسافر عند ماما.

مصطفى ببرود: مفيش سفر غير لما يعدي أسبوع. شهد: وأنا مقدرش أقعد أسبوع هنا وكمان وشي بوشك. قام بعصبية: ومالها قعدتك هنا؟ بقولك إيه، انتي تدخلي أوضتك ومسمعش صوتك. وصوتك تاني مرة ميعلاش عليا، انتي فاهمة؟ دخلت بغضب: اووووف. دخلت غرفتها وهي تتمتم بعصبية. مصطفى: والله لربيكي يا شهد، هنشوف. دخل خلفها الغرفة ليستفزها أكثر. مصطفى بحزن: انتي مش بتحبيني ليه؟ ولا عمرك حاسة بيا؟ مش شايفة مشاعري دي قدامك؟ مفيش دم.

انفجرت به بعياط: أنا مش وحشة للدرجة دي، كلكم بتكرهوني، عمر حد فيكم قرب مني وسألني إيه بيدايقك، إيه؟ كل همكم كلامكم يتنفذ وأنا لأ، ليه؟ لتكمل ببكاء أكثر: ليييييييها. اقترب منها بهدوء وأخذها بحضنه وهي متشبثة به ويهدئها بشهقاتها السريعة. شهد بهجل: ممكن يبقى فرصة مابينا من الأول وبلاش تعاملني كده. ابتسم بحب: حاضر، نبدأ من جديد، خلاص متبكيش. ابتسمت بحزن واحتضنها بفرحة من شهد التي اقتربت منه وأعطت له بعض الأمل من مشاعره.

عند خالد. تخرج ملك بفرحة من الغرفة مرتدية فستان جميل. خالد: إيه القمر ده؟ ملك بخجل: بجد شكلي حلو يا خالد؟ خالد بحب وإعجاب من شكلها: آه زي القمر. ملك بابتسامة: خالد. خالد بقرب: يا عيونه. ملك وتحاوط رقبته بيدها: أنااا بحبك أوي وبتمنى تفضل جنبي على طول، أنا بحبك وبعشقك. حاوط خصرها بيديه: حبيبتي أنا اللي مقدرش أعيش من غيرك. وأكمل بمرح: وبحبك يا بلوتي. ملك بضحك: هههههه أنا بلوتك.

ملك بكسوف: طيب في حاجة كده ضغننة عايزة أقولهالك. خالد: هي إيه؟ اقتربت من أذنه بهمس: في نونو قريب. خالد مبرق بصدمة. ملك بخضة: خالد انت كويس؟ انت مش بتتكلم ليه؟ خالد. خالد بلهفة: انتي متأكدة ولا بتهزري؟ ملك: أنا بتكلم جد، هتبقى أب وأجيب نونو كده قمر. خالد بفرحة اشتالها وحملها ويلف بها المكان: ياربي. ملك بضحك: ههههههه بس يا خالد بقي كفايا هقع. اقترب منها بقرب والتهم شفتيها بحب: ربنا يحفظك ليا يا روحي.

ملك بمرح: وانت كمان يا روح روحي. خالد بفرحة: يا وعدي على الدلع. ليضحكا سويا: هههههه.