رواية عشقت قمر الصعيد الفصل الأربعون 40 - بقلم ندي سامي

تالين طلعت تنام وقمر فضلت قاعدة في الجنينة. فجأة قمر حست بخطوات وراها، ولسه هتبص لقت قطة صغيرة. قمر بعد ما كانت مرعوبة جريت على القطة وحضنتها. قمر: الله قطة، تعالي هنا يا صغننة. شالت قمر القطة وقعدت تلعب معاها. باسل كان قاعد زهقان في أوضته ومش عارف ينام، طلع البلكونة وبيبص لقي قمر قاعدة ومعاها قطة صغيرة. ابتسم باسل على الطفلة اللي بيحبها ونزل ليها. باسل طلع الجنينة وراح عند قمر. باسل: إيه ده، إنتي بتحبي القطط؟

قمر اتخضت عشان باسل جه فجأة. قمر: حرام عليك يا باسل، خضيتني. باسل راح قعد جنب قمر. باسل: أوعي تخافي يا قمر، وإنتي معايا مستحيل أخلي أي حاجة تأذيكي. قمر حست بأمان من كلامه وابتسمتله. باسل: ده إنتي حبيتي مشمش أوي بقا. قمر باستغراب: مشمش مين ده؟ باسل: مشمش القطة اللي في إيدك دي. قمر: آه، هو اسمه مشمش؟ ده جميل خالص. باسل بهمس: والله إنتي اللي جميلة. قمر: ها، بتقول حاجة يا باسل؟ باسل: كنت بقول، مش ناوية تحكيلي حكايتك بقا؟

قمر مبتحبش تفتكر الموضوع، بس قررت تحكيله يمكن ترتاح وهو يرتاح. قمر: أنا هحكيلك كل حاجة عشان كل واحد فينا يرتاح. بدأت قمر بسرد حكايتها على باسل من أول ما أهلها ماتوا لعند لما جت عندهم البيت. باسل كان قاعد متأثر بكلامها أوي وزعل من نفسه جداً إنه كان ظالمها. قمر: بس دي كلها حكايتي، ولعند النهارده أنا بعاني منها، بس أنا مرتاحة وفرحانة إني عايشة معاكوا، إنتوا خلتوني أعرف أثق في الناس تاني، ربنا ميحرمني منكم.

مش زعلانة بقا، عندي أحسن أم وأب طيبين وحنينين وبيحبوني. وعندي أخت جميلة واقفة معايا دايماً. وأخ كان مبيطقنيش، بس دلوقتي بقا بيعاملني كويس. باسل بغيظ: أخ، آه أخ فعلاً، المهم أنا آسف يا قمر إني كنت ظالمك وجيت عليكي كذا مرة، بس ده مش بإيدي والله، وهحكيلك اللي خلاني أعمل كدا. بدأ باسل في حكاية قصته لقمر. باسل: بس يا ستي، هي دي حكايتي. قمر: معقولة فيه ناس وحشة كدا بجد؟

باسل: فيه أكتر من كدا يا قمر، بس عشان إنتي طيبة بتشوفي كل الناس كويسة. قمر: متزعلش يا باسل، هي اللي خسرانة، وإن شاء الله هتلاقي بنت الحلال اللي تصونك وتستاهلك. باسل بخبث: ما أنا تقريباً لقيتها، وإن شاء الله هتعرف قريب. قمر مفهمتش التلميح واضايقت وراحت على أوضتها من غير ما تقوله حاجة. باسل بابتسامة: والله مجنونة، بس قمر. باسل طلع نام، وكل اللي في الفيلا ناموا. أشرقت شمس يوم جديد على أبطالنا.

باسل نزل عشان يروح الشركة، لاقهم بيفطروا كلهم. باسل: صباح الخير. الجميع: صباح النور. باسل: أنا رايح الشركة. نادية: مش هتفطر يا حبيبي؟ قمر كانت زعلانة من باسل وهو عارف، بس فضل باصصلها وهي تجاهلته. باسل: لا يا حبيبتي، عشان أجي بدري للحفلة، سلام. الجميع: سلام. الساعة جت 10، وسليمان راح يقابل الشخص اللي اتصل عليه. المكان كان مهجور وملوش أي حد، دخل سليمان المكان، لاقى رجالة خدوه للأوضة اللي كان فيها.