رواية عشقت قمر الصعيد الفصل الخامس والثلاثون 35 - بقلم ندي سامي

تالين: مين دول يا ابيه؟ باسل: اللي بعت الناس دي هيتحاسب حساب شديد ومش هرحمهم. صالح: اهدي يا ابني، متوديش نفسك في داهية. الشرطة هتحاسبهم، إحنا مش بلطجية عشان نعمل اللي في دماغك. باسل: يعني يا بابا، انت مش شايف هما كانوا هيعملوا إيه في قمر؟ دول جم على حد يخصني. الكل واقف مصدوم من كلام باسل. باسل: إيه، بتبصولي كده ليه؟ تالين: أصل انت يا بيه قلت "بابا". باسل: عن إذنكم، أنا هخرج أروح مشوار وأجي.

صالح، برغم إنه كان زعلان إن باسل اتهرب منهم، إلا إنه كان فرحان بالكلمة أوي. نادية طبطبت على كتف جوزها وقالت: معلش يا حبيبي، هو والله بيحبك، متزعلش منه. وإن شاء الله ربنا هيهديه، وده وعد. تالين: إيه يا بابي؟ حد يبقى عنده بنتين زي القمر كده ويزعل؟ صالح بابتسامة: لا طبعاً، والله. وحضن قمر وتالين، وباس راسهم وحضن مراته برضو وقال: ربنا يخليكم ليا يا رب، أنتم وباسل. الكل بصوت واحد: آمين يا رب. نروح عند باسل.

باسل سايق العربية وبيفكر في الكلمة اللي قالها. باسل: غبي يا باسل، ليه متقولش يا بابا؟ هو مش باباك ولا إيه؟ وكلام ماما أكيد صح، هو خايف عليا عشان عايزني أطلع راجل، وإن شاء الله أقولهاله على طول. فجأة تليفونه رن. باسل: الو يا راضي. راضي: الو يا باشا، إحنا عرفنا مين اللي عمل كده. باسل: مين؟ راضي: شيري هانم يا باشا. باسل: ماشي يا راضي، واستنى مني مكالمة. راضي: أؤامرك يا باشا.

باسل قفل الفون وكان بيفكر في حاجة هنعرفها بعدين. نروح فيلا مجدي الكيلاني. وفاء وشيري قاعدين قدام التليفزيون. دخل مجدي وهو غضبان جداً. وفاء: إيه يا مجدي، مالك؟ مش طايق حد ليه كده؟ شيري: فيه إيه يا بابي؟ زعلان ليه؟ مجدي: الزفت اللي اسمه باسل، أنا مش هرحمه. شيري ووفاء: ليه؟ عمل إيه باسل؟ مجدي حكالهم على كل حاجة. وفاء: معقول باسل يعمل كده؟ شيري: بقا كده يا باسل؟

ماشي، الحرب بينا منتهتش، أنت والجربوعة دي، ولسه اللي جاي أكتر. مجدي: إنتي عملتي حاجة يا شيري؟ وفاء: صحيح يا شيري، إنتي قولتي هتحكيلنا على موضوع لما مجدي يرجع من الشركة. شيري: أها، فعلاً. أنا النهارده عملت... وبدأت تحكيلهم. فلاش باك:

شيري شافت باسل وهو نازل وشايل قمر وبيدخلها العربية. استخبت ورا عربيتها لحد لما اتحركوا. واتصلت على واحد من رجالة مجدي وقالتله يضرب نار على قمر لحد لما تتق*تل. وطبعاً معرفوش عشان باسل كان بيحميها. واحدة من رجالة مجدي: الو يا شيري هانم. شيري: الو، عملت إيه؟ الشخص: معرفناش يا هانم نعمل حاجة. باسل باشا كان بيحميها، وإنتي قولتي محدش يقرب منه. وغير كده، كان بيضرب علينا نار هو والحراسة، وهربنا قبل لما نتمسك.

شيري: أغبياء، اقفل وغور من وشي. نعود للواقع. مجدي: إنتي إزاي عملتي كده من غير ما تقوليلي؟ وفاء: مش مهم يا مجدي، المهم محدش يعرف إن هي اللي ورا كل ده. شيري: متقلقوش، محدش هيعرف. في الصعيد، في بيت العمده بالتحديد. تليفون سليمان بيرن. الشخص: ........... سليمان: إنت بتقول إيه؟ .........