رواية عشقت قمر الصعيد الفصل السابع والثلاثون 37 - بقلم ندي سامي

باسل: الأ قمر يا رامز، دا أنا أوديها في داهية. رامز: أنت حبيتها يا صاحبي، صح؟ باسل لسه هيتكلم، وخالد جاب القهوة لباسل ورامز عشان هو عارف طلبهم دايمًا. باسل: تسلم إيدك يا خالد. خالد: الله يسلمك يا باسل باشا. رامز: مظبوطة يا خالد. خالد: مظبوطة يا رامز باشا. رامز: شكرًا يا خالد، تسلم إيدك. ابتسم خالد ومشي يشوف شغله. رامز: نرجع للموضوع اللي كنا بنقول فيه، أنت بتحب قمر صح يا باسل؟

هي الصراحة تتحب وجميلة. قالها رامز بخبث ليرى رد فعل باسل. باسل: ما تحترم نفسك يااض أنت، بدل ما أ... رامز: هههههههه، أنا كده اتأكدت خلاص. باسل: أيوه يا سيدي، بحبها وما بحبهاش، بس دا أنا بعشقها. قمر بنت مختلفة عن أي واحدة شفتها قبل كده، بسيطة وجميلة أوي، حلوة من غير ميكب، ملامحها بريئة وهادية، بحسها طفلة، وحاسس إنها عاشت وجع كبير أوي، وهعرف منها كل حاجة إن شاء الله. رامز: يسيدي يسيدي، بقينا نقول شعر أهو.

باسل: تصدق أنا غلطان إني حكيت لك، أنا ماشي. رامز بسرعة: استنى بس يا عم، بهزر معاك والله، نتكلم جد بقى، إيه اللي خلاك تغير رأيك كدا بعد ما كنت بتكره البنات المحجبة بسبب... ولسه هيقول، بس افتكر إن باسل هيزعل. باسل: زي أي ما تقول زي ولاء، صح؟ رامز: أنا آسف، ما قصدتش والله. تعالوا نشوف مين ولاء دي وإيه حكايتها مع باسل.

ولاء كانت سكرتيرة عند باسم، وكانت بتبين إن أخلاقها كويسة، وباسل اتعلق بيها وحبها، وراح خطبها، وراحت خانته مع عدو باسل وهو ابن عمه وائل الدمنهوري، وهو على علاقة برضه بـ شيري، وهنعرف بعدين إيه اللي هيحصل بينهم. ومن يومها وباسل ما بيثقش في أي واحد مش أوبن مايند، أو أي واحدة عمومًا. نرجع بقى لباسل ورامز. باسل: متتأسفش يا صاحبي، أنا قررت أشيل الموضوع ده من دماغي وأدي فرصة لقلبي يحب ويثق تاني، وعارف إن تفكيري كان غلط.

رامز: هو ده صاحب عمري، أيوه كده، وقام حضنه. باسل بضحك: هههههه، يا عم الناس هتفهمنا غلط. رامز: تصدق عندك حق، ههههههه. باسل: وأنت يا صاحبي ناوي تعمل إيه؟ رامز: أعمل إيه في إيه يا صاحبي؟ باسل: في موضوع تالين، أنت بتحب تالين بجد؟ رامز: أنت شاكك في كده يا باسل؟ أنت عارف كويس إني بحبها من واحنا صغيرين، ونفسي تكون ليا، بس خايف عمي ميوافقش عشان إحنا على قد حالنا يعني، و... رامز لسه هيكمل، باسل قطعه.

باسل: أنت يااض أهبل أنت، عارف بابا بيحبك قد إيه وماما كمان، وتالين عايزآك برضه، وأنا مش هلاقي أحسن منك يحبيبي لأختي. رامز: متحرمش منكم يارب يا باسل، وإن شاء الله في أقرب فرصة هتكون ليا. باسل: إن شاء الله يا صاحبي. خلص باسل ورامز كلامهم، وباسل لسه هيحاسب و...