رواية عشقت قطة الفصل الثاني 2 - بقلم فيروزه

بعد ساعه من نوم أسد سمع صوت جنب ودنه. "أنا بنت يا غبي... مشمش في عينك قليل الأدب.. أنا بنت.. بنت.. قولي يا قطة." أسد قام من النوم مفزوع. "مين.. مين اللي بيتكلم؟ بص في كل مكان مفيش حد. بيبص على نفسه لقى نفسه نايم على الأرض والقطة نايمة على السرير ومتغطية. أسد قام من مكانه وراح عند السرير وشال القطة وحطها على سجادة على الأرض ونام على السرير. صاحي الصبح على صوت المنبه. لقى نفسه نايم على الأرض والقطة نايمة على السرير.

أسد بصدمة. قرب من القطة وشالها. "انتي إيه يا قطة انتي؟ كل شوية تنامي مكاني بس الغريبة إزاي أنا بنزل على الأرض وأنتي بتطلعي على السرير؟ القطة. "بشيلك يا أهبل." أسد رَمى القطة بعيد. "بسم الله الرحمن الرحيم.. أستغفر الله العظيم يارب." وقرب من القطة وشالها تاني. أسد بخوف. "هو انتي بتتكلمي؟ ردي عليا يا قطة ردي." في الوقت ده باب الأوضة خبط. أسد قرب من الباب وفتحه. "صباح الورد يا ست الكل." أم أسد. "صباح العسل يا قلب ماما."

أسد بابتسامة. "ماما أنا جبت قطة." أم أسد بابتسامة. "بجد يا حبيبي؟ أسد شال القطة. "أهي يا ماما.. شوفي حلوة إزاي." أم أسد بابتسامة. "حلوة فعلاً يا حبيبي.. أنا هاخد القطة آكلها وأنت تعالَ أفطر." أسد بابتسامة. "حاضر يا ماما خدي أهي وخدي بالك منها." أم أسد بضحك. "إيه يابني هخطفها.. ده أنا هفطرها." أسد بابتسامة. "تسلمي يا قلبي." بعد أم أسد ما خرجت من الأوضة، وأسد قاعد لوحده، افتكر يوم الفرح. فلاش باك.

أسد بيتصل على ورد علشان خالص هيروح يجيبها من الكوافير مش بترد. بعد شوية أسد واصل عند الكوافير ومع الزفة. أسد داخل جوه علشان ياخد العروسة بس.. الصدمة إن العروسة كانت واقعة على سجادة الصلاة. "هو الموت ياخد مننا اللي كنا فاكرين إن الحياة هتكون معاهم.. وإننا مش هنشوف الحياة غير بيهم وليهم وبس." "بس دايماً الحزن بيكون قادر.. والفرح قادر.. والموت قادر ومصير." أسد قاعد في الأرض جنبها. "ورد ردي عليا ورد.. ردي عليا."

كل ده ودموعه بتنزل كأنها شلال.. كأنها عرفت طريق خروجها أخيراً من سجنها. أسد بدموع حضن ورد. "ردي عليا يا ورد.. ردي على قلبي." أسد فاق من الماضي على صوت أمه. أم أسد بحزن. "مالك يا حبيبي؟ وقربت منه وحضنته. "كفاية كده يا حبيبي علشاني." أسد مسح دموعه. "أنا مش بعيط دي عيني وجعاني شوية." أم أسد بحنان. "هعمل نفسي مصدقة.. خد يا أسد القطة بتاعتك.. مش عايزة تاكل." أسد بابتسامة. "خالص يا ماما أنا هتعمل معاها." أم أسد خرجت.

وأسد شال القطة. أسد بابتسامة. "مالك بقي يا مشمش؟ "مشمش في عينك يا ولاه.. قولي يا قطة." أسد بفزع. "رمى القطة.. بسم الله الرحمن الرحيم.. أي!! مالك ياسطا شوفت عفريت؟ أسد قرب منها. "انتي بتكلمي؟ "أومال بصوت." أسد بستغراب. "إنما قطة قليلة الأدب صحيح.. اتكلمي بأدب. مين دي يا عمررررر؟ أسد بضحك. "كمان عمر.. أنا أسد وأنتي.. أنا قطة." أسد بابتسامة. "بقي اسمك قطة؟ "لأ يا غبي.. اسمي مش قطة أكيد.. بس قولي يا قطة." أسد بابتسامة.

"قطة لسانها طويل.. صحيح عندي سؤال ليكي." "ولا سؤال ولا جواب.. أنا عايزة آكل الأول وبعدين اسأل براحتك يا برنس." أسد بضحك بصوت عالي. "برنس.. حاضر يا هانم تحبي تأكلي إيه؟ "اممم.. ربع فرخة ولا أقولك نص فرخة مشوية ومعاها رز.. وطحينة." أسد بابتسامة. "هو في قطة تاكل نص فرخة مشوية وطحينة ورز؟ "أومال آكل إيه.. تصدق أمك كنت عايزة تاكلني دري بتاع القطط." أسد بابتسامة. "مانتي قطة." "ثواني هطلب الأكل وأجي نرغي على الأكل ما يجي."

"أشطة." أسد طلب الأكل ورجع. أسد بابتسامة. "يلا يا قطة نتكلم." "مالك زعلانة ليه." "مالك يا قطة هانم." "لأ كفاية آنسة.. أوعى وإحنا لوحدنا تقولي قطة من غير آنسة." أسد بضحك. "حاضر يا آنسة قطة.. نتكلم." "أشطة نرغي." أسد بابتسامة. "عايز أعرف عنك كل حاجة." "كل حاجة كل حاجة.. بص بقي أنا في عالمي كنت أميرة.. وعملت غلطة واتلعنت لقطة.. وفي شرط علشان أرجع عالمي تاني." أسد بستغراب. "كملي.. الشرط."

"إني ألاقي حب صادق.. وساعتها هرجع لشكل.. وأرجع مع حبي.. لعالمي." أسد بابتسامة. "ولقيتي الحب؟ "لسه والله.. شوفي الأكل بقي هموت من الجوع." أسد بابتسامة. "ثواني." أسد جاب الأكل والقطة أكلت. "غمض عينك.. وقرب مني." أسد قرب منها وغمض عينه. "افتح عينك يا أسد." أسد لما فتح عينه شاف ورد قدامه. أسد وقف مصدوم. "القطة.. أنا حبيت أريح قلبك.. لأني حاسة بيك.. اتكلم معاها." أسد بدموع. "عملتي كده إزاي؟ القطة. "جزء من قدراتي."

أسد بدموع قرب من ورد وحضنها. "ورد وحشتيني." ورد بابتسامة. "وأنت أكتر يا حبيبي." أسد بابتسامة من بين دموعه. "كان نفسي نفضل مع بعض." ورد بابتسامة. "أنا هنا مبسوطة.. وعايزك تعيش حياتك.. هتوحشني أوي." أسد بحزن. "مقدرش من غيرك." ورد بابتسامة. "هتقدر." ومفاجأة ورد اختفت. أسد بدموع وصوت عالي. "هي فين يا قطة.. ورد فين؟ ردي عليا." القطة. "هي في قلبك.. غمض عينك." أسد بحزن. "طيب." القطة. "افتح عينك."

أسد فتح عينها في مكان كله بحر وطيور.. وكل حاجة في المكان كأنها خيال. القطة. "كل حاجة هنا تقدر تأكل منها.. الشجر والورد.. كل حاجة هنا شوكولاتة." أسد بابتسامة. قرب من القطة. "انتي ساحرة." القطة. "تؤ تؤ.. أنا خيالك وخيالي." أسد قرب من الشجرة وأخد ورقة وأكلها. كانت حلوة أوي.. طعمها خيال. فضل أسد والقطة في المكان ده لحد وقت الغروب.. وبعدين رجع لوضته مع القطة. أول ما رجع الأوضة خرج لأمه. أم أسد بابتسامة. "تعالي يا حبيبي."

"عندي ليك خبر." أسد بابتسامة. "قولي يا ست الكل." أم أسد بابتسامة. أسد بحزن.