رواية عشقت معاق الفصل الحادي عشر 11 - بقلم نادين محمد

ماسه دخلت جوا وقعدت عالكنبه. ماسه: أنا عايزة أشوف صحبتي لو سمحتوا. ادم: مين دي يا ماسه؟ ماسه ببراءة: دي صحبتي رنا.. كنت عايزة أشوفها أطمنها عليا بس مش أكتر. ادم: آه طبعاً.. أديني عنوانها وأنا هجيبها. ماسه بفرحة قامت حضنته ورجعت مكانها تاني. ماسه: شكراً شكراً يا قمر إنت. عنوانها *****. ادم: ماشي.. استنيني. ماسه بابتسامة: ماشي. ادم مشي وماسه طلعت قعدت في الأوضة مع علياء ونادين. (عند سليم)

سليم بزعيق: إزاي ملهاش أثر لحد دلوقتي إزاي؟ كريم: يا بيه دورنا عليها في كل مكان ملهاش أثر.. سيبك منها وشوفلك أي بنت تانية. سليم مسكه من ياقته: إنت دلوقتي لعبت في عداد عمرك إنت فاهم ولا لأ. و ضربه بوكس. سليم بيحاول يهدي: يا غبي يا غبي هي أكيد هتعترف علينا.. يعني لازم تتمسك إنت فاهم ولا لأ. كريم: ه.. هحاول ألاقيها. (عند ماسه) ماسه كانت قاعدة ماسكة دبدوب وقاعدة مع علياء ونادين.

علياء: ماسه.. إنتي بجد مش زعلانة على وفاة مامتك؟ نادين ضربتها بكتفها جامد. علياء في سرها: يا كلبة. ماسه بابتسامة: أكيد زعلانة.. مين قال إني مش زعلانة. وبصت للدبدوب وكملت بدموع: أنا شبه الدبدوب ده.. حلو وجميل وكيوت. قامت شدت منه شوية فتل صغيرين.

ودول ماما.. اعتبري إن الحتة دي عيني ماشي.. والحتة دي شاورت على حتة تانية.. دي أنا.. ماشي.. الفتل دول ماما.. واتشالوا من عيني صح.. وده قلبي.. متشالش منه حاجة صح.. يبقى ماما هتفضل في قلبي مش شرط عيني.. يعني إني أظهر إني زعلانة دي حاجة مش لازم أظهرها فاهماني.. يعني ملهاش لازمة.. أنا زعلانة أوي بس جوه قلبي مش لازم أبين.. وحياتي مش هتنتهي على زعلي يا علياء.

ومسحت دموعها وكملت: أنا بحاول أتأقلم على حياتي الجديدة.. ادوني فرصة بقى ها. علياء ضحكت بدموع وحضنتها هي ونادين. وكده بقوا الثلاثي المرح 🤗❤️. (عند آدم) آدم نزل قدام البيت والبيت كان في حارة شعبية نوعاً ما يعني. طلع البيت وخبط على الباب. اللي فتح الباب كان ولد. أحمد باستغراب: مين حضرتك؟ (فاكرينه ده أخو رنا) آدم: احم.. كنت عايز الأستاذة رنا عش.. من قبل ما يكمل أحمد ضربه بوكس في وشه. رنا طلعت: نهاري إيه ده!

أحمد: شوفي الأستاذ ده بيسأل عليكي.. مين ده يا هانم؟ رنا: إيش عرفني أنا. وقعدت جنبه على الأرض. رنا باستغراب: مين إنت؟ آدم بص لها وركز في عينيها أوي وسرحان. رنا: احم.. مين إنت؟ وكملت بهمس: انجز عشان أخويا مش هيرحمك. آدم: ها.. آه. رنا: يخربيتك كنت هتجيب لنا مصيبة. أحمد: عايزني أشوفه.. بيسأل عليكي؟ رنا: أيوه مش تعرف هو بيسأل ليه الأول.. بتسأل ليه.. انجز بقى إنت كمان.

آدم: ماسه سألت عليكي وطلبت إني أجلك لحد هنا عشان عايزة تشوفك. رنا: هي ماسه معاكم؟ طب الحمد لله.. شفت يا أحمد.. اياك تقرب له تاني بقى ها.. اياك. أحمد اتحرج ودخل جوه. رنا: ييي معلش آسفة جداً بجد.. هو أخويا بقى معلش.. تعال. أسندته براحة ودخلته جوا وقعدته على الكنبه. رنا بضحك: إنت وشك متخربش خالص. آدم: آه.. اضحكي يا أختي اضحكي. رنا بضحك: معلش هخش أجيب لك تلج وجاية. رنا دخلت جوا تجيب له تلج وجابت له وطلعت.

رنا: التلج. أها.. آدم: هتعملي بيه إيه؟ رنا: مالك خايف كده ليه.. مقولتليش اسمك إيه؟ آدم: اسمي آدم. رنا: وأنا رنا. وبدأت تحط له التلج براحة. آدم: آه. رنا: أوبس.. معلش.. عارفة بيحرق.. استنى هحط لك مرهم بيخفف.. يالهوي إنت وشك متخربش خالص بجد.. يخربيتك يا أحمد. رنا جابت المرهم وحطت بيه على إيدها وبدأت تدهن له وشه برقة. آدم سرحان فيها خالص وفـ لمستها لوجهه. رنا: مقولتليش بقى.. في كلية إيه.. إنت بتدرس أصلاً؟

سرحان فيها برضو ومش بيرد. رنا: في إيه م.. قاطعها آدم اللي باسها من شفايفها و.... (عند ماسه) ماسه: هما اتأخروا كده ليه؟ نادين بزعل: أيوه يعني أنا مش مكفياكي..؟ علياء: قصدك "إحنا" يا ماما. ماسه: يا بنتي مش قصدي.. أنا قلقانة يعني. نادين: لا متخافيش.. إن شاء الله خير.. ده أخويا وأنا عارفاه.. اسكتي إنتي بس. ماسه: سكتنا أها. (عند رنا وآدم) رنا اتصدمت جداً لدرجة إنها متحركتش خالص.. فضلت متنحة.

آدم بعد ثواني استوعب اللي عمله وبعد عنها علطول. آدم بإحراج: اح.. أنا آسف جداً.. مش عارف عملت كده إزاي بس.. رنا بمقاطعة: بسسسس.. بس اسكت... خلاص مش مشكلة.. بس حاول تتحكم في نفسك بعد كده. (ملاحظة بس هي بتتكلم وخدودها شبه الطماطم أساساً 😂) آدم: احم.. حاضر. وأسف مرة تانية. رنا بكسوف: خلاص.. انزل إنت تحت و.. وأنا هلبس وأجي. آدم: ماشي.. ومتتأخريش.

آدم نزل تحت وهي جريت قفلت الباب بالترباس وفضلت واقفة متنحة شوية وحاطة إيدها على شفايفها... بعدين فاقت لنفسها ودخلت جوا. أحمد: كان عايز إيه الزفت ده؟ رنا: مش عايز حاجة.. هيكون عايز إيه يعني.. هلبس أنا وأنزل. أحمد: هتركبي مع ده.. لوحدك!!! رنا: وحياة أمك ليه هعمل إيه يعني... ولا إنت شمال يلا جتك القرف. ودخلت تلبس. لبست تيشرت قصير شوية لونه أبيض بكرانيش ولبست بنطلون بينك واسع شوية ولبست شوز أسود ونزلت تحت. آدم: اتأخرت.

رنا مردتش عليه ودخلت ركبت العربية ورزعت الباب. آدم لاحظ إنها زعلانة من اللي حصل فوق فمحبش يفتح مواضيع وساق علطول. "بعد شوية" وصل البيت وهي نزلت من غير ما تكلمه أصلاً ودخلت جوا. آدم: إيه إيه إيه حيلك حيلك.. فيه إيه؟ رنا: ملكش دعوة بيا... آدم: منا قولتلك آسف وخلاص يا رنا. رنا: أيوه وأحمد لو كان شافنا كان عمل مننا بفتيك... اوعى بقى. ودخلت جوا القصر. آدم نفخ بحيرة ودخل جوه. ماسه: رنا! نزلت تحت وحضنتها جامد.

رنا: وحشتيني أوي. ماسه: إنتي أكتر ياروحى والله... تعالي يلا. رنا: أجي فين؟ ماسه: تعالي اقعدي معايا أنا والبنات. رنا: في إيه يا بنتي.. مش أنا جايه هنا عشان أجيبك؟ ماسه بحزن: لا... ماما ماتت... هعيش هنا. رنا بصدمة: بتهزري صح... ياروحى.. آسفة والله ما كنت أعرف إن... ماسه بابتسامة: مفيش حاجة يا رنا خلاص.. تعالي. رنا بصت لآدم وراحت مع ماسه. (محدش يسألني لي هي جت في دماغي كده) آدم مسح شفايفه بإيده ومشي.

وعمر في الشركة وهو راح له الشركة يعني فهمتوا؟؟ (عند ماسه) نادين: دي صحبتك؟ ماسه: آه... رنا. نادين: قمر أوييي... تعالي ابت وخدتها في حضنه. ماسه: ما شاء الله عليكي بجد بتحبي الناس من أول نظرة. رنا بابتسامة: مش تعرفيني بقى؟ ماسه: دي نادين... أخت آدم اللي جالك ده. رنا بصدمة: دي أخته... وقالت في سرها: أخت المنحرف ده. نادين بضحك: أيوه.. فيه إيه؟ رنا مسحت شفايفها هي كمان وقالت: لا مفيش حاجة.

نادين بتخمين: اممممم.. حطيتي إيدك على شفايفك ليه؟ رنا بتوتر: ها... لا مفيش حاجة. نادين بضحك: بصي متحاوليش تخبي.. آدم ده أخويا وأنا عارفاه.. باسِك صح؟؟ رنا بصت لماسه بصة إن هي البنت دي بتقول إيه؟؟!! ماسه: باسِك بتهزري صح؟ رنا بصت قدامها تاني وبدأت تعيط. (منظرها شبه آدا اللي في مسلسل لعبة الحظ 😂) نادين: بتعيطي ليه يا نكد... انجزي بقى. رنا لسه بتعيط وهزت راسها بمعنى آه. نادين: يا منحرف يا آدم.

رنا: لو.. لو أحمد كان شافنا كان عمل مني بفتيك.. نادين: أحمد مين؟ ماسه: أخوها. نادين: سيبيهولي.. سيبوهولي أحمد ده. رنا: نادين إنتي اتجننتي... لا طبعاً... اياكي تجيبي له سيرة ها.. اياك. نادين: خلاص خلاص اهدي.. لا طبعاً متخافيش متخافيش. علياء: خلاص يا جماعة مش هنقضي الليلة كلها عياط.... خدي ده. ماسه: إيه ده؟ علياء: ماسه حبيبتي غبائك وصل للمريخ.. شايفة إيه يعني فشار؟ ماسه: أيوه لي يعني؟

علياء: رنا خدي البسي البيجامة دي... كلنا هنلبس بيجامات وهنتفرج على أفلام. رنا: تمام. رنا قامت لبست بيجامة وهما قعدوا كلهم عالسرير واتغطوا بالبطانية وشغلوا فيلم وسهرو سوا. "تاني يوم الصبح" رنا صحيت من النوم لاقتهم كلهم نايمين.. نزلت تحت اتسحبت ودخلت المطبخ عشان كانت جعانة. دخلت وقفت قدام التلاجة وفتحت الباب ووقفت تاكل. في الوقت ده آدم دخل المطبخ وافتكرها نادين وراح حضنها من ورا. رنا بخضة: يماما مين مين؟

ولفت لقت آدم في وشها. فضلو متنحين شوية كده.. بصوا تخيلوا مسلسل تركي هي أقرب شوية 😂. رنا: ابعد عني. آدم: آه.. آسف. وبعد عنها. رنا: آسفة بس كنت جعانة... هطلع ألبس أنا وأروح ماشي عشان زمان أحمد قلقان عليا دلوقتي. آدم: طب استني أوصلك. رنا بسرعة: لا بلاش.. وهمست جمب ودنه عشان أحمد. آدم: آه.. طيب ماشي.. هوديكي مع السواق. رنا: مش مهم والله.. هركب ميكروباص مش مهم خالص. آدم: لا هتركبي سواق.. أما أنا هوصل. رنا: ماشي خلاص...

إنت ع.. عشان أنا مش بأمن للسواق دول. آدم: تمام ماشي... اطلعي البسي على ما ألبس أنا كمان. رنا: ماشي. طلع آدم يلبس ورنا لبست برضو وراحوا هما الاتنين. رنا: شكراً ليك.. عن إذنكم. ونزلت طلعت فوق وهو مشي برضو. "بعد ساعتين" ماسه صحيت من النوم لاقت نفسها في أوضة ضلمة.. حواليها دم كتير.. اتخضت وجت تقوم تقف لقت نفسها إيدها مربوطة بسلسلة حديد في الحيط.. قعدت تعيط وتصرخ بكل قوتها. ماسه بصريخ: مين هناااااا...

وكملت بعياط: حرام عليكم لي كل أما أخلص من مصيبة تطلع لي حاجة تانية ليييه؟ شخص من بعيد: رجعتي ليا تاني يا بطتي...