رواية عشقت محجبة الفصل الأول 1 - بقلم فاطمة احمد

ذهب ليفتح الباب ليجد والده ومعه خالة العروس. دخلا ووالده يقول: معلشي يا سيف يا ابني بس نسينا نسيب لكم عشا. خالة العروسة صممت إنها تطلع العشا. بعدين الحمد لله إنك لسه بملابسك. محصلش حاجة أو مقاطعينكوش عن حاجة. سيف: إيه يا بابا؟ خالة العروسة بخجل: هي عروستنا فين؟ فتوتر سيف ولم يجيب. فنظرت إليه خالة العروسة وهي تقول: هي سالي فين يا سيف؟ سيف: آه لحظة، هي دخلت تغير. أنا هناديها. خالة العروسة: لأ خليك أنت وأنا هناديها.

سيف: لأ مش هينفع أصلها بتغير وقالت عايزة تبقى لوحدها. فنظرت إليه خالة العروسة بتعجب وهي تقول: يا ابني أنا خالتها اللي مربياها. والد سيف: معلشي بقى هقولك إيه، ابني مش فاهم حاجة. ادخلي روحي نديها. وذهبت خالتها إليها. ونظر والد سيف إليه قائلاً: إيه الخيبة اللي أنت فيها دي يا ض؟ سيف: مش فاهم حضرتك تقصد إيه. والد سيف: ولا هتفهم. اومال عامل فيها فاهم الدنيا ومقطع السمكة وديلها يا قبطان يا اللي لفيت الدنيا وأنت خيبة.

انت سايب مراتك تغير لوحدها ليلة دخلتها. كانت عيبك يا ض. هي فرصة أجمل من إنك تهدي من البداية وتكون معاها وهي بتغير فستان الفرح. سيف: هو إيه اللي أنت بتقوله ده يا بابا. بعدين الكلام ده كان زمان، دلوقتي العروسة بتغير لوحدها عادي. والد سيف: يخربيت زمنكم وزمنا. طيب أبقى طمني بعد ما تخلص. سيف: أخلص إيه؟ والد سيف: غور يا ض من قدامي. سيف: هو إيه اللي حصل دلوقتي؟ والد سيف: ورحمة أمك هضربك لو مغرتش من قدامي.

يعني هيكون هتطمني على إيه، على خابتك. طمني بعد ما تدخل على عروستك. أنا مش عايز أقولك وريني وكده زي ما بنعمل في بلدنا. سيف: بابا لو سمحت بلاش تكلمني في الكلام ده. بعدين أوريك إيه وبلدنا إيه، الكلام ده جهل وحرام وأنا مش هعمل كده في مراتي. والد سيف: آه أنت شكلك نسيت أصلك وعاداتنا يا قبطان. سيف: أكيد لأ، بس مش هفرغ الخلق على مراتي ولا على اللي حصل بينا. والد سيف: بقولك إيه، اعمل اللي تعمله. يلا غور هاتلي شوية ميه.

وفي أثناء ذهاب سيف ليجلب الماء، سمع خالة سالي وهي تصرخ بها قائلة؟