رواية عشقت ملاكي الفصل الأول 1 - بقلم اية جميل

ليلي: يا ملااااااك يلا الدكتور مش هيدخلنا. ملاك: يلا يبت بسرعة الدكتور ده بيزعق لنا على أي حاجة، ده ما بيصدق. ليلي: عندك حق. ملاك: يلا يا أختي بسرعة. عندما وصلوا إلى الجامعة. أسد (الدكتور) : تقف عندك. من اللي متأخرين ليه؟ مش أنا قلت مش عايز تأخير ومنبه عليكم. ليلي: معلش يا دكتور آخر مرة هتأخر فيها وأنا أوعدك. أسد: ماشي. وإنتي يا ملاك متأخرة ليه؟ ملاك: معلش يا دكتور آخر مرة. أسد بغضب: أنا كنت بقول متأخرة ليه؟

ملاك: .... أسد: ردي ولا القط أكل لسانك؟ ملاك بعصبية: صحيت متأخرة شوية، فيها إيه؟ وإيه يعني لو اتأخرت خمس دقايق؟ وأقولك على حاجة، أنا اللي أخرت ليلي عشان هي كانت مستنياني، وريني بقى هتعمل إيه؟ وأعلى ما في خيلك اركبوا. أسد: إنتي بتعلي صوتك عليا؟ ملاك: آه، وأقولك أنا مش عايزة أحضر المحاضرة بتاعتك. يلا يا بت يا ليلي. وسحبت ليلي من إيديها. أسد: طيب ماشي. ملاك: هتعمل إيه يعني؟ هتشيلنا المادة عادي؟

ولا أقولك أنا همشي من الكلية دي خالص عشان أخلص من دكتور مغرور شبهك. أسد: أنا مغرور؟ ملاك: آه مغرور ومتكبر وبتاع بنات، جتك الارف. أنا نفسي أفهم إنت شايف نفسك علينا ليه؟ الطلاب: سقفوا لملاك وحيوها على شجاعتها. أسد: محسساني إن إنتي اللي ملكة جمال العالم، ده إنتي معفنة يبت، محدش يبصلك أصلاً. ملاك: أنا معفنة؟ ماشي، على الأقل مش مغرورة ومتكبرة وشايفة نفسي. وكمان هو أنا طلبت رأيك فيا؟

غير بقى لو إنت رأيك عكس كده، وقولت كده عشان تغيظني. أسد: قصدك إيه؟ ملاك: قصدي شبه ما إنت فاهم بالضبط، يعني أنا حلوة، بس إنت بتقول كده عشان تغيظني. أسد: إنتي هبلة يبت؟ ملاك: والله ما في حد أهبل غيرك. أسد: احترمي نفسك معايا، أنا ساكت لك من بدري. ملاك: هتعمل إيه يعني؟ ولا تقدر تعمل حاجة؟ ولا أقولك والله لأقعد وأحضر المحاضرة غصب عنك، وريني هتعمل إيه. أسد: قدامي على مكتب المدير. ملاك: في أحلامك. ولا أقولك يلا.

أسد: ومالك واثقة من نفسك كده ليه؟ ملاك: عادي، ولا أي حاجة. هقول للمدير على كل اللي حصل. ورفعت حاجبها. أسد: مش فاهم. ملاك: يعني إن أنا جيت متأخرة خمس دقايق واعتذرت من الدكتور، وهو مش راضي يدخلني، بس دخل ليلي صحبتي، ولما قولته اشمعنى هي، قالي أنا حر واعمل اللي أنا عاوزه. وتقوله اسأل أي طالب، الكل هيقف معايا ويبقى في شهود كتير، مش كده يا شباب؟ هو ده اللي حصل. الطلاب: صح. ملاك: يلا يا دكتور بينا، ولا إنت غيرت رأيك؟

أسد: طيب ماشي، حسابي معاكي بعدين. ويلا استعدوا عشان نبدأ المحاضرة. وعندما لف وأدار وجهه، ابتسم على حبيبته ملاك. نعم، فهو يعشقها ويعشق كل تفاصيلها. بعد المحاضرة... ليلى: يخربيتك يا ملاك! إيه اللي إنتي عملتيه مع الدكتور ده؟ بس كنتي جامدة يبت. ملاك: خليه يعرف مقامه، ولسه استني بس. ليلى: الله! ده إحنا شكلنا هنتسلى أوي. ملاك: نتسلى؟ طب يلا يا أختي عشان زمان بابا مستنيني. ليلى: يلا. في المنزل عند ملاك...

والدها: ملاك تعالي عايز أتكلم معاكي في موضوع. ملاك: نعم يا بابا. والدها: في عريس جاي لك عايز يتقدملك، وأنا سألت عنه أخلاقه حلوة وكويس وغني، وهي عيشك ملكة عنده. ملاك: يا بابا أنا قولتلك مية مرة أنا مش عايزة أتجوّز. والدها: ليه يا بنتي؟ طب إنتي بتحبي حد مستنياه يجي يتقدملك؟ ملاك: إيه يا بابا اللي بتقوله ده؟ هو إنت مربيني على كده؟ والدها: امال مش عايزة تتجوزي ليه؟

ملاك: كده أهو، عادي. حاسة إن أنا مش قد المسئولية دي دلوقتي. والدها: لا، إنتي قدها. اسمعي كلامي وشوفي العريس. ملاك: يا بابا مش عايزة أتجوّز. والدها بغضب: هو إيه لعب عيال ده؟ ده عاشر عريس يجي يتقدملك وإنتي ترفضيه. بقولك إيه؟ إنتي هتتجوزيه وخلاص. ده اللي عندي، وأنا أخدت قراري. ملاك: لا يا بابا مش هتجوزه. والدها: لو موافقتيش، لا إنتي بنتي ولا أعرفك. ملاك: إيه يا بابا اللي بتقوله ده؟ والدها: القرار ليكي دلوقتي، آه ولا لأ؟

ملاك: حاضر يا بابا. وكانت ذاهبة لتدخل غرفتها. والدها: استني. ملاك بدموع: نعم. والدها: كتب الكتاب بكرة. ملاك: إيه؟ بالسرعة دي؟ والدها: آه. هو شاريكي وبيحبك وهي شيلك في عينيه. ملاك: ماشي يا بابا. وتركته وذهبت إلى غرفتها، وظلت تبكي حتى نامت. في الصباح... ملاك استيقظت على صوت زغاريد وأغاني. وفجأة دخل والدها الغرفة. والدها: يلا يا حبيبتي، إنتي لسه نايمة؟ تجهزي بسرعة، أهل العريس قربوا يوصلوا. ملاك: ليه؟ حنينا إمتى؟

والدها: إحنا العصر يا بنتي. ملاك: هو أنا نمت كل ده؟ والدها: آه. ويلا جهزي بسرعة. ملاك: حاضر يا بابا. والدها: البسي الفستان ده. ملاك: حاضر يا بابا. وبالفعل جهزت ملاك. ووصل العريس وأهله، وجاء موعد كتب الكتاب. المأذون: نادوا للعروسة. والدها: حاضر. ونادوا على ملاك. وتم كتب الكتاب تحت صدمة ملاك، التي لم تستيقظ منها إلا عندما سمعت المأذون يقول: بارك الله لكما وجمع بينكما في خير. فسقطت دموعها حسرة على ما وصلت إليه.

وبعد فترة... العريس: يلا يا عروسة. ملاك: الصوت ده أنا سمعته قبل كده. وعندما نظرت له صُدمت. ملاك بصدمة: هو إنت؟ أسد: أيوه، أنا يا ملاكي. ملاك: لا، لا، لا، مستحيل. إنت أكيد بتهزر، قول إن إنت بتهزر. والدها: لا مش بيهزر يا ملاك. أنا عارف إن إنتي هتتصدمي عشان أسد قالي إنكم بتحبوا بعض، وعشان كده إنتي كنتي رافضة الجواز. وفجأة ملاك حضنت والدها وظلت تبكي وهي ماسكة فيه بقوة.

أسد: يلا يا ملاكي. وكان يسحبها من يدها، وهي تمسك في يد والدها بقوة، لا تريد أن تتركه، وكأنها كانت تطلب منه أن يجدها منه. والدها: يلا يا ملاك يا بنتي، روحي مع جوزك. وتركها، وذهبت ملاك مع أسد. في السيارة... أسد: إيه يا ملاك؟ هتخليكي ساكتة كده؟ ملاك: .....

أسد: ملاك، أنا بحبك من أول يوم شوفتك فيه. يمكن بحبك دي قليلة على اللي أنا بحسه. يمكن أنا بعشقك. ولو فيه كلمة أكبر من كلمة بعشقك، كنت هقولها. إزاي مش عارف. اللي عارفه إن من أول يوم شوفتك قلبي دق، وكان حبي بيزيد يوم وراء يوم. لما كنت بشوفك وأجي أتكلم معاكي وإنتي تصديني، عرفت إن إنتي بنت متربية، وعليتي في عيني أكتر وأكتر. ولما كنتي بتتخانقي معايا في الكلية، كنت بتضايق عشان إنتي بتعلي صوتك عليا، بس كنت بنسى زعلي منك أول ما بشوف ضحكتك. ملاك، أنا عايزك تنسي كل اللي حصل بينا ونبدأ حياة جديدة مع بعض، وتعيشي معايا لآخر يوم في حياتك. موافقة؟

ملاك: لا. أسد: إيه؟ ليه يا ملاك؟ ملاك: هو إيه اللي ليه؟ إنت مش بتفهم؟ أنا مش بحبك، بالعكس، أنا بكرهك. بكرهك، ابعد عني، مش عايزة أشوف وشك تاني. أسد بعصبية: شدها من شعرها: لا، أنا ما أحبش حد يعلي صوته عليا، فاهمة؟ ملاك بخوف منه: فاهمة. تركها أسد، وبعد فترة وصلوا إلى قصر جميل وفخم. أسد: يلا انزلي. ملاك: حاضر. وعندما نزلت، صُدمت من هذا القصر الضخم. ملاك: هو إحنا هنعيش هنا؟ أسد: آه. يلا. دخلت ملاك وأسد.

سارة والدة أسد: أهلاً، ازيك يا ابني. أسد: ازيك يا سوسو. سارة: الحمد لله. مين دي؟ أسد: ملاك، دي ماما. ملاك: ازيك يا طنط. سارة: الحمد لله. مين دي يا أسد؟ أسد: ماما، دي مراتي. سارة: إيه؟ مراتك؟ أسد: آه يا ماما، اتجوزتها النهارده. إيه رأيك؟ مش حلوة؟ سارة: دي قمر يا ابني، بسم الله مشاء الله. ربنا يخليكوا لبعض. أسد: ويخليكي لينا يا رب. سارة: تعالي يا بنتي. ملاك: ..........