رواية عشقت ملاكي الفصل الخامس عشر 15 - بقلم فرحه محمد

أسد لنفسه: مش عارف هعمل إيه معاكي يا ملاك لما أشوفك النهاردة بس أكيد إن أنا مش لازم أكلمك ولازم أبعد عنك النهاردة. وجهّز أسد وذهب لـ فهد. أسد: يلا يا فهد بسرعة علشان ما نتأخرش. فهد: أنا جهزت أهو شكلي حلو. أسد بضحك: أمر يا أختي هاتي بوسة. فهد: لا علشان هي بتغير وأنا مش هخلي حد يبوسني غيرها. أسد بصدمة: إيه اللي إنت بتقوله ده الله يخربيتك لو حد سمعك هيقول عليها إيه دلوقتي. فهد: هيقول واحد ومراته بتبوسه عادي. أسد:

على أساس إنك اتجوزها دا إنت لسه رايح تقرا الفاتحة. فهد: وبكرة كتب الكتاب. أسد: إيه. فهد: أيوه أنا هتفق معاهم على كدا. أسد: تتفق معاهم على إيه إنت أهبل. فهد: هو دا اللي عندي ويلا بقى. أسد: الصبر من عندك يارب يلا بينا. _ملاك: حلو دا يا ليلي. ليلى: أه جميل بس شوفي حاجة أحلى. ملاك: تعالي اختاري. ليلى: حاضر أمممم البسي دا مش شفتوش عليكي قبل كدا. ملاك: أه في هدوم كتير ملبستهاش. ليلى: ماشي ادخلي البسيه كدا. ملاك:

حاضر وبعد فترة. ليلى بصفير: إيه الأمر ده. ملاك: بجد حلو. ليلى: قمر يا ناس دا أسد مش هيشيل عينه من عليكي لما يشوفك. ملاك: بجد. ليلى: أه والله يلا بينا علشان أجهز أنا كمان. كانت ملاك ترتدي فستان أحمر ضيق من الصدر وينزل باتساع وحجاب بيج. وذهبت الفتيات للمنزل. ليلى: ازيكوا يا لي هنا. رقية: يابنتي اكتمي أنا عاوزة أفهم مين العريس اللي اتعملي علشان يجي يتقدم. ليلى: يوووه يا ماما أنا مش هرد. ملاك: ازاي حضرتك يا طنط. رقية:

ازيك يا بنتي عاملة إيه. ملاك: كويسة الحمد لله. ليلى: إمال فين لين. رقية: جوة عندك في الأوضة. ملاك: طيب هروح أشوفها وأسلم عليها. رقية: ماشي يا بنتي. ودخلت ملاك للغرفة. لين: إنتي ملاك. ملاك وهي تسلم عليها: واو إنتي تعرفيني. لين: أه محمد حكالي عنك. ملاك: بجد. لين: أه والله. ملاك: ماشي بس تعرفي أنا لما شوفتك عرفت محمد بعشقك كدا ليه. لين بكسوف: هو قالك عني. ملاك: أه أصلاً احنا مش بنخبي حاجة على بعض. لين:

ربنا يخليكي في بعض. ليلى: يا بشر نحن هنا إنتوا نسيتوا ولا إيه فهد زمانه على وصول. لين: احنا نقدر ننسى عروستها الليلة. ملاك: طيب ماشي هروح أسلم على محمد وأجي. لين: استني خديني معاكي. ليلى: وانا كمان. ملاك وهي تدخل غرفة محمد: أنا جيت. محمد وهو يحضنها: أهلا ازيك يا حبيبتي عاملة إيه. ملاك: كويسة الحمد لله. لين بغيرة: طب يلا يا ملاك علشان نجهز ليلي. محمد وهو ينظر لها: استني عاوز أقولك حاجة. ليلى:

خلاص هنروح أنا وملاك علشان نجهز يا يا ملاك. ملاك: يلا. وعنما غادروا. محمد: مالك متعصبة ليه. لين وهي تمسكه من قميصه: إنت ازاي تحضنها كدا وكمان بتقولها حبيبتي. محمد: إيه ده احنا بنغير ولا إيه. لين والدموع تتجمع في عينها: لا مش بغير. محمد وهو يحضنها: ملاك أختي يا هبلة واحنا تربين مع بعض من صغرنا. لين: بس أنا مش بحب أشوفك بتحضن حد غيري. محمد بضحك: ماشي خلاص بقى علشان مش بحب أشوف دموعك دي. لين: .....

محمد وهو يرفع وجهها إليه: خلاص بقى وقبلها قبلة صغيرة. لين: بطل قله أدب. محمد: هو لسه قليل أدبي. لين: أنا ماشية راحة عند ملاك وإنت كمان غير بقى علشان زمان فهد على الطريق. محمد بعصبية: مسمعيك بتقولي اسم راجل تاني على لسانك. لين بابتسامة: حاضر. وغادرت الغرفة وذهبت لملاك وليلى ووجدت ليلى جهزت. لين: إيه القمر ده. ليلى: بجد شكلي حلو. لين: أه جامد. ملاك: أه بس فاضل تحط ميكب. ليلى: لا أنا مش عاوزة أحط. لين: ليه. ليلى:

كدا مش بحب أحط. ملاك: اسكتي يابت يلا يا لين نحطلها. ووضعوا لها ميكب خفيف وجهزت لين. محمد: خلصتوا يا بنات. ليلى: أه فاضل لين مستنينها تخرج. محمد: ماشي تعالوا علشان تعملوا العصير على ما يوصل. ليلى: حاضر. ملاك: طب ولين استني على ما تخرج. محمد: روحوا إنتوا وأنا هستناها. ملاك: حاضر. وغادروا وفجأة خرجت لين. لين وهي تعدل ملابسها دون النظر للي يقف أمامها: أنا جهزت يا بنات بس عاوزة حد يقفل لي السوستة علشان مش طايقاها. محمد:

إيه القمر ده. لين وهي تنتبه للصوت: محمد. محمد: محمد قلبي وروحي. لين: إنت بتعمل إيه هنا والبنات فين. محمد: البنات راحوا يعملوا العصير وأنا خلتني مستنيكي. لين: ماشي إيه رأيك فيا. محمد: قمر يا ناس. لين: والله ما فيش حد قمر غيرك. محمد: بجد. لين: أه طب يلا روح وابعث حد من البنات. محمد: ليه علشان تقفلك السوستة. لين: أه روح بقى. محمد: طب ما أنا ممكن أقفلها لك. لين: إيه لا. محمد: عادي تعالي بس. لين:

بس بقى يا محمد علشان خاطري. محمد: اشششش. ولف لظهرها وأغلق لها السوستة وفجأة حضنها من ظهرها. لين: محمد ابعد مينفعش كدا. محمد: حاضر يلا بينا علشان ما تتهورش. لين بضحك: يلا. وخرجوا للبنات وفجأة رن الجرس. ملاك: شكله وصل روح يا محمد افتح الباب بسرعة. محمد: حاضر. وذهب محمد وفتح الباب. محمد: أهلا وسهلا ازيك يا فهد. فهد: الحمد لله تمام. محمد: وانت يا أسد عامل إيه أخبارك. أسد: تمام الحمد لله أنا عامل إيه. محمد:

أنا تمام الحمد لله. رقية: اتفضلوا يا ولاد. ودخل فهد وأسد كان يسير ببطء بكي يراها يبحث عنها في كل مكان ولكن لم يجدها. وعنما جلسوا. فهد: طبعا يا محمد أنا عارف أنا جاي ليه مش هنضيع وقت كتير. أسد: أهدي يا ابني براحة. فهد: استني بس. أسد: إنت تسكت خالص وأنا اللي هتكلم. فهد: يوووه حاضر. محمد: بتوشوشوا بعض في إيه. فهد: ولا حاجة. أسد: محمد احنا جايين علشان نطلب إيد الأنسه ليلى لـ فهد. محمد: ودا شيء يشرفنا. فهد:

إمال فين العروسة من هنشوفها ولا إيه. أسد بصدمة: يا ابني اسكت. محمد بضحك: مستعجل على إيه أهدي أهي جاية أهي وغير كدا ما أنا شوفتها كذا مرة يعني عادي. فهد: لا ما أنا عاوز أشوفها برضو أنا مش بشبع منها. محمد بعصبية: ما تحترم نفسك. فهد: حاضر. رقية بضحك: روح يا محمد نادي لأختك. محمد: حاضر يا أمي. وذهب محمد إليها. محمد: يلا يا بنات. ليلى: يلاه ي يلا إيه أنا مش عاوزة أخرج. محمد بضحك: تعالي هنا يا هبلة إنتي رايحة فين. ليلى:

بص ملاك ولين أهمهما يخرجوا أنا لا. محمد: دا على أساس إن ملاك ولين هما العروسة. ليلى: يا محمد اعفيني. محمد: أهدي يا قلبي يلا خدي عصير واخرجي. ليلى: حاضر. ملاك: أنا هروح الأوضة أجيب تليفوني وجاية. محمد: ماشي. وخرجت ليلى ومحمد ولين. ليلى: السلام عليكم. فهد: وعليكم السلام. ونظر لها بصدمة من شدة جمالها. أسد: أحم أحم احنا نسي العرسان لوحدهم بقى. محمد: أه يلا. وتركوهم وغادروا. فهد: هو إنتي مش عاوزة تبوسيلي.

ليلى وهي تنظر له: حلو كدا. فهد: إيه القمر ده إنتي عاوزة تموتيني. ليلى بتسرع: بعد الشر عليك. فهد بابتسامة: طيب عاوزة تسأليني على حاجة. ليلى: أه. فهد: اتفضلي. ليلى: بتصلي. فهد: أه بس مش كل الأوقات. ليلى: طيب بتقرا قرآن. فهد: لا. ليلى: طيب أنا عندي شرط. فهد: اتفضلي. ليلى: هنصلي بعد كل الصلوات مع بعض وهنقرا قرآن مع بعض برضو موافق. فهد بابتسامة: موافق. ليلى: طب إنت عاوزني حاجة أو ليك شروط أو أي حاجة. فهد:

عاوزك تقومي تنادي لأخوكي علشان ما تتهورش ويعمل حاجة يندم عليها. ليلى بكسوف: حاضر. وخرجت ليلى وخرج خلفها فهد. _ملاك لنفسها: ياربي أعمل إيه أنا خايفة أخرج طب أعمل إيه أنا هخرج وخلاص أنا لازم أكلمه واللي يحصل يحصل. وخرجت ملاك. ملاك: السلام عليكم. الجميع: وعليكم السلام. ورفع أسد وجهه لها ونظر لها وجدها تنظر له وظلوا ينظرون لبعض وهنا رأتهم لين. لين: ملاك مالك. ملاك: ولا حاجة. أسد: لو سمحت أنا داخل البلكونة شوية. محمد:

ماشي. ودخل أسد تحت نظرات ملاك له. ملاك لنفسها: ياربي هو ش طايق يشوفني للدرجة دي بس أنا أكيد مش هستسلم أنا لازم أكلمه. أسد: يخربيت حلوتك استني بس لما الأمور بينا تتصلح والله لاعلمك الأدب. ملاك: هتعلم مين الأدب. نظر لها أسد نظرة عشق وكأنه يريد أن يسحبها إليه يأخذها إلى حضنه ولا يخرجها منه أبدا في هو اشتاق لها كثيرا. أسد: ولا حد سلام. ملاك: بس أنا عندي. تنهد أسد: عاوزة إيه. ملاك بصدمة: إنت بتكلمني كدا ليه. أسد:

عايزاني أكلمك ازاي. ملاك: هااا خلاص انسي. أسد بتنهيدة: كنتي هتقولي إيه. ملاك: أنامش هترجع البيت ولا إيه. أسد: لا أنا وعدتك إن أنا مش هخليكي تشوفيني قدام وإنتي اللي اخترتي فخلاص متنساش إنها فترة وهنطلق فمينفعش نقعد مع بعض. ملاك بصدمة: هنطلق. أسد: أه مش هو دا قرارك. ملاك: أه عندك حق. أسد: تمام.