رواية عشقت ملاكي الفصل الرابع والعشرون 24 - بقلم فرحه محمد

فهد: عاوزة تعرفي المفاجأة؟ ليلى: اه. فهد: ماشي بس بشرط. ليلى: إيه؟ فهد شاور على خده. ليلى: إيه لا، أنا عملتها مرة وإنت خدعتني، وغير كدا أنا ديتهالك مرة علشان تقول ومقولتش. فهد: لا، المرة اللي فاتت محمد أخوكي قاطعنا ومخليناش نكمل. ليلى: لا والله. فهد: إحنا في دلوقتي هتديهالي ولا لأ؟ ليلى: لا. فهد: يبقى مفيش مفاجأة. ليلى: إيه؟ فهد: دا اللي عندي. ليلى والدموع تتجمع في عينها: ماشي خلاص، أنا هروح أنام.

وتركته وذهبت وجلست على السرير. فهد بندم: ليلي. ليلى: …… فهد وهو يلفها إليه: أنا آسف. ليلى: ابعد، عاوزة أنام. فهد: خلاص بقى أنا آسف، وتعالي هقولك على المفاجأة. ليلى: بجد؟ فهد: اه بجد، بس مش عاوز أشوف الدموع اللي في عينيكي دي تاني. ليلى: ماشي، بس إيه المفاجأة؟ فهد طلع ظرف وأديهولها. ليلى: إيه ده؟ فهد: افتحي وشوفي بنفسك. ليلى وهي تفتحه: إيه ده، تذاكر لأستراليا؟ فهد: اه، علشان نسافر أنا وإنتي. ليلى: ليه؟

فهد: إنتي هبلة يا بنتي، إحنا لسه عرسان يعني المفروض في شهر عسل، وعلشان عارف إنك بتحبي الأجواء الباردة دي الشتاء قولت نروح أستراليا. ليلى: إنتي بتكلم جد؟ فهد: اه. ليلى وهي تقفز على السرير: هيييييه هييييييييييه. فهد: اقعدي يا هبلة. ليلى: أنا مش مصدقة، شكرا يا فهودي، شكرا. فهد: إنتي قولتي إيه؟ ليلى: قولت شكرا. فهد: لا اللي بعدها. ليلى: فهوديييي. فهد: هو إنتي سبتي فيها فهودي دا؟ إنتي ليلتك عنب. ليلى: إيه؟

فهد: تعالي أقولك على كلمة سر. ليلى: إيه لا. فهد: تعالي بس أقولك، وبعدين في حد يشكر حد كدا؟ ليلى: أمال هاوزني أشكر إزاي؟ فهد وهو يسحبها إليه: كدا اهو. وسحبها في قبلة طويلة. ليلى: إنت قليل الأدب. فهد بزعل متصنع: أنا قليل الأدب، ماشي. ليلى: فهد إنت زعلت؟ فهد: …. ليلى: فهد مكنش قصدي. فهد: خلاص يا ليلي، ويلا نامي. ليلى: طب بصلي كدا. فهد وهو ينظر لها: نعم في…

وقاطعته ليلى في قبلة، وعندما حاولت أن تبعد قربها منه أكثر حتى غرق في بحور عشقهم. ملاك: أسد. أسد: نعم. ملاك: إيه رأيك تيجي نتفرج على فيلم؟ أسد: ماشي. ملاك: عاوز تتفرج على فيلم إيه؟ أسد: أي فيلم. ملاك: ما أنا مش عارفة، خلاص شغل فيلم إيه. أسد: أي واحد، شوفي أي أسطوانة وحطيها. ملاك: حاضر. وأخذت ملاك أسطوانة وشغلتها. ملاك: إيه ده؟ أسد: أممم، استنى نشوف. وبعد فترة قليلة. أسد: دا الفيديو بتاع الفرح بتاع محمد وفهد.

ملاك: اه، بس هو بيعمل معاك إيه؟ أسد: كان فهد مديه لي أعشيله معايا ونسيت أديهولو. ملاك: ماشي، بص كدا البنات كان شكلهم حلو أوي، وكان كل اتنين ليقهم على بعض، شكلهم حلو وهما مع بعض. أسد: اه. ملاك: خلاص هشغل أسطوانة تانية. أسد: ماشي. وظل أسد يفكر هل ظلم محبوبته، هل حرمها من ذلك اليوم الذي تحلم بيه جميع الفتيات، وقرر أن يعوضها. أسد: هروح أعمل تليفون وأجي. ملاك: ماشي. أسد اتصل بمحمد. محمد: الووو. أسد: أيوه يا محمد.

محمد: أسد إيه في حاجة؟ أسد: لا معلش، أنا آسف لو اتصلت في وقت مش مناسب. محمد: عادي ولا يهمك، إحنا إخوات. أسد: الله يخليك، كنت عاوز مساعدتك. محمد: أنا ليه؟ أسد: عاوز أعمل مفاجأة لملاك وهحتاج مساعدتك. محمد: طالما لملاك فأنا موافق. أسد: طيب ماشي… وأخبره ماذا سيفعل. محمد: حاضر، بكرة كل حاجة هتكون جاهزة وهبعت لسن علشان تكون مع ملاك. أسد: ماشي سلام. محمد: سلام. لين: في إيه يا محمد؟ محمد أخبر لين بكل شيء. لين بفرحة: بجد؟

ربنا يخليهم لبعض. محمد: يارب، يلا ننام بقى علشان غدا مجهود كبير بكرة. لين: ماشي يلا. أما أسد اتصل بفهد. ليلى: فهد تليفونك بيرن. فهد: مش مهم سيبيه. ليلى: فهد بطل بقى وشوف مين بيرن، يمكن في حاجة مهمة. فهد بتنهيدة: حاضر. أسد: ألوو. فهد بعصبية: الو، إيه في إيه، بتتصل ليه؟ أسد: مالك متعصب ليه، اهدي كدا. فهد: علشان دا مش وقت ترن فيه. أسد: الظاهر إني عطلتلك عن حاجة مهمة. فهد وهو ينظر لليلى: اه مهمة أوي.

أسد بضحك: ماشي يا عم أنا آسف. فهد: عادي، كنت بتتصل ليه؟ أسد: محتاج مساعدتك إنت وليلى. فهد باستغراب: أنا وليلى؟ أسد: اه. فهد وهو يفتح الاسبيكر: عاوزنا نساعدك في إيه؟ أسد: عامل مفاجأة لملاك بكرة وعاوز مساعدتكم فيها. ليلى: قول واحنا نساعدك. أسد: … شرح كل شيء. ليلى بفرحة: إيه بجد؟ ربنا يخليكوا لبعض. أسد: يارب. ليلى: دي ملاك هتفرح أوي. أسد وهو ينظر لملاك: عارف. فهد: ماشي سلام، وبكرة هنكون عندكم.

أسد: ماشي سلام، وآسف إني اتصلت بوقت مش مناسب. ليلى: لا عادي ولا يهمك. أسد: ماشي سلام. فهد: سلام. ليلى بفرحة: أخيرا يا فهد هشوف ملاك بالأبيض، دا كانت بتحلم بيه من زمان. فهد: الحمد لله. ليلى: طب يلا ننام علشان نصحى بكرة بدري وأروح لملاك. فهد: حاضر، بس لما نخلص كلامنا. ليلى: كلام إيه؟ فهد بغمزة: كلمة السر اللي كنت بقولها لك. ليلى: بطل قلة أدب بقى، ويلا ننام. فهد: طيب ماشي، بس تعالي نامي في حضني.

ليلى: حاضر بس من غير شقاوة. فهد: حاضر يلا بقى. ملاك: أسد كنت بتكلم مين؟ أسد: كنت بكلم فهد علشان الشغل بتاع بكرة. ملاك: اه ماشي، يلا تعالى نتفرج على الفيلم. أسد: نتفرج عليه في يوم تاني علشان أنا تعبان وعاوز أنام، واليوم بكرة هيكون متعب. ملاك: ماشي يلا ننام. ماكس: دارين إنتي سامحتي ملاك؟ دارين: اه خلاص، وبعدين أنا اترفضت من الكلية، كفاية أنا كدا بدمر مستقبلي، وإنت كمان انسى ملاك دا من رأيي. ماكس: حاضر هنساها.

دارين: ماشي أش… وقطعتها رنين هاتفها. دارين: الوو. المجهول: أيوه يا قلبي، إنتي فين؟ إحنا مش كنا هنتقابل في المكان ***** ده، مجتيش ليه؟ دارين: نص ساعة واكون عندك. المجهول: مستنيكي. وأغلقت دارين الهاتف. ماكس: مين ده؟ دارين: دا الشخص اللي فبرك الصور. ماكس: إنتي هتروحيله؟ دارين: اه، وهديله ضعف المبلغ علشان يسيبني. ماكس: ماشي. دارين: خلاص أشوفك بعدين. وذهبت دارين إلى الشخص المجهول. المجهول: اهلا اهلا، أخيرا شرفتي.

دارين: خد فلوسك اهي، ودا ضعف المبلغ علشان اتأخرت. المجهول: إنتي نسيتي اتفاقنا ولا إيه؟ دارين: لا مشت بس خد ضعف المبلغ اهو وسيبني في حالي. المجهول: تؤ تؤ، ما بحبش الغدر. دارين: دا اللي عندي سلام. ولسه هتخرج مسكها المجهول. المجهول: إنتي رايحة فين؟ دارين: سيبني أمشي. المجهول وهو يغلق الباب: مش بعد ما أخد حقنا، لسه مخلصناش اتفاقنا. دارين: لا مستحيل. المجهول وهو ينظر لها بوقاحة: لا محبتش كدا، خليكي ساهلة والا.

دارين: والا إيه؟ المجهول: ماما الحلوة اللي في المستشفى ممكن يحصل معاها حاجة وتموت، فاجأة وأختي الصغيرة اللي بص ف عليها دي بقى إيه؟ دارين: لا والنبي ملكش دعوة بيهم، هما ملهمش دعوة بحاجة. المجهول: يبقى خلاص نكمل، اتفقنا براحة. دارين: حرام عليك، إنت ليه بتعمل كدا، أنا عملتلك إيه؟ المجهول: ولا أي حاجة، بس إنتي دخلتي دماغي، وغير كدا خلاص أسد طار يعني عادي مبقتش فارقة معاكي. دارين: علشان خاطري سيبني.

المجهول بشر: يلا ادخلي غيري. دارين: مش معايا هدوم. المجهول: في جوا أنا عامل حسابي. دارين بخوف على أختها: لا لا خلاص. المجهول: يبقى يلا غيري. دارين بخوف: حاضر. وفعلت دارين ما يريد ورمت نفسها في الجحيم، واعتبرت دارين إن هذا عقاب الله لها على أعمالها. ونام جميع أبطالنا، منهم السعيد ومنهم الحزين، ولا يعرف ماذا يخبئ له القدر.