رواية عشقت منتقبة الفصل الخامس 5 - بقلم شهد ناصر

هههههه لأ برافو بجد، أحسن ممثلة في مصر. أنا اتصدمت. "إنتي بتقولي إيه؟" قالت بغل: "بقولك إيه يا شاطرة، أنا مبيضحكش عليا." أنا مفهمتش حاجة وقولت باستغراب: "إنتي قصدك إيه؟" قالت بسخرية: "هو إنتي فاكراني مش عارفة إنك عايزة توقعي بيني وبين ليث؟" وضحكت بسخرية. "هه، تبقي غلطانة، العبي غيرها." أنا اتصدمت من تفكيرها وقولت: "تصدقي إني غلطانة إني بدافع عنك؟ أقولك، يكش تولعوا في بعض." ومديتش لحد فرصة وخرجت وأنا سامعة زعيقهم. بعد نص ساعة زعيق سمعت كلمة مقدرتش أنساها. "مش إنتي اللي قولتيلي اتجوزها علشان فلوس أبوها؟ جاية دلوقتي وأنا اتزنقت وتقولي إنتي السبب." قالت بغل: "لأااا بقولك إيه، أمال ملييش دعوة، إنت اللي خططت." قال بعصبية: "نعم يا روحي، أنا مخططتش لحاجة، إنتي اللي زنقتيني في الورطة الزفت دي." أما مستحملتش اللي سمعته.