رواية عشقت متهورة الفصل الثالث 3 - بقلم ميساء عنتر

في صباح يوم جديد، بدأت شهد تفتح عينيها بهدوء، وأدهم صحي على حركتها. بمجرد ما شافها مفتحة عينها، قرب باس شفايفها بخفة. توسعت عينيها بذهول، وهو ضحك بصوته كله على شكلها. أدهم: يلا قومي البسي، إحنا خارجين مشوار كده. شهد بعدم تصديق: أنا هخرج معاك؟ أدهم بابتسامة: أيوه، يلا بسرعة قبل ما أغير رأيي. شهد ضحكت وقامت بسرعة لبست وطلعت، لقت أدهم قاعد. شهد: يلا. مسك إيديها ونزلوا. في العربية. شهد: أدهم، إحنا رايحين فين؟

أدهم: شوية وهتعرفي. كشرت وسكتت، وهو بصلها وضحك. بعد شوية وقف العربية قدام مستشفى. شهد بخوف: أ أ أدهم، إحنا جايين هنا ليه؟ أدهم: تعالي بس. شدها ودخلوا. حازم: إزيك يا أدهم بيه. أدهم: أهلًا دكتور حازم، جهزت اللي قولتلك عليه؟ حازم: أيوه، تعالى. أدهم دخل بص للأوضة بنظرة ثاقبة و. أدهم: شهد، دكتور حازم هيطمن على حاجة بسيطة بس أنا مستنيكي بره، الممرضة معاكي أهي.

سابها ووقف بره، وبعد خمس دقايق سمعها بتصرخ. دخل بسرعة لقاها بتعيط. أدهم: مالك في إيه؟ شهد بعياط: عاوزني أقلع هدومي. حازم: أدهم بيه، أنت عارف الكشف ده. أدهم بهدوء: اتفضل بره دلوقت. حازم طلع، وأدهم قرب من شهد شد هدومها (الجزء العلوي) وركبت الأجهزة. وبعد شوية عدلها هدومها وأخدها وطلع. أدهم: حازم، كل حاجة جوه على الجهاز. أخدها وطلع. شهد بدموع: هو في إيه؟ أدهم: مفيش حاجة، كشف عام مش أكتر لأنك ضعيفة. تعالي بقى أقولك حاجة.

شهد: ممم. أخدها وقعدوا في مكان هادئ. أدهم: تعرفي جالي أكون دكتور في الجامعة. شهد بفرحة: بجد؟ أدهم: أيوه، إيه رأيك؟ شهد: وافق طبعًا. أدهم بصلها وبعدين ابتسم: حاضر. شهد: يلا نروح، أنا عاوزة أنام. أدهم: يلا. أخدها ومشيوا على البيت. في بيت هيام ويحيى. هيام قاعدة تعيط وتبص ليحيى بعتاب. يحيى بعصبية: ما تبصيش كده بقى، أنا ما كانش في إيدي حاجة. هيام بعياط: إزاي يعني؟ أومال مين اللي عمل كل ده؟ قعد حط رأسه بين إيده بتعب.

Flash Back فتح الباب وكان آخر حد يتوقعه. يحيى بصدمة: أنت! علاء: وسع كده. زقه ودخل جوه. يحيى: استنى عندك. هيام طلعت على صوته. هيام: في إيه؟ علاء: أهلًا أهلًا بالماما الجديدة. هيام دموعها اتجددت من تاني: يا رب ألاقيها. علاء بخبث: الله يرحمها بقى. هيام بصدمة: إييييه! هي مين دي؟ علاء بخضة مصطنعة: أنتِ ما تعرفيش ولا إيه؟ هيام بصراخ: ما أعرفش إيه؟ انطق! علاء: أصل يحيى فاكر إنها مش بنته وإداها لناس بتوع تجارة الأعضاء.

End flash يحيى بحزن: أنتِ مصدقة إني ممكن أعمل كده؟ هيام: أنا همشي من البيت ده، مش هدخله إلا لما بنتي تبقى في حضني، غير كده طلقني. وأخدت شنطة هدومها ومشيت. *** روان بهدوء: بابا. جمال: نعم يا حبيبتي. روان: أنا عاوزة أخرج شوية والنبي. جمال رفع إيده دليل على الاستسلام: آدم عندك، أنا مالي. روان بتكشيرة: شكرًا يا حاج، شكرًااااا. سابته ودخلت. طلعت بعد شوية وهي بتجري. روان: بابا، هأشتري من تحت وأطلع. ونزلت قبل ما تسمع رده.

فات ساعتين وأخيرًا رجعت. روان بترقب: إزيك يا بابا. جمال: أدخلي غيري عشان ناكل يلا. تنفست بارتياح ودخلت أوضتها لقت آدم قاعد على السرير وبيبصلها. روان بتوتر: آ آ آدم. آدم قرب منها و.