رواية عشقت نسوانجي الفصل التاسع 9 - بقلم دعاء محمود

اياد: غزل الوقت اتأخر أوي. غزل: خلاص أهو، والله قربت أخلص. اياد: اوف، الله يخرب بيتكوا. بتغيبوا أوي. غزل: بجد؟ وانت بتقعد ساعتين بحالهم عشان تلبس وتسرح شعرك. مين فيهم اللي بيغيب؟ اياد: طب أنا مز. انتي مالك؟ غزل: ليه؟ هو أنا وحشة ولا إيه؟ اياد: مش قصدي، بس أنا جمهوري كتير أوي. غزل: جمهورك بنات صح؟ اياد: ما انتي شاطرة أهو. غزل ضربت اياد على صدره. اياد: اعاااااااااا! غزل: انت بتاعي أنا وبس يا عمري. اياد شد غزل ناحيته.

اياد: ولو حد قرب مني هتعملي إيه؟ غزل: هيبقى آخر يوم في حياتها. اياد: ياما! بت انتي مجرمة ولا إيه؟ غزل: أنا أعمل كل حاجة عشانك، حتى لو قاتلت. اياد: ينهار أسود! البت اتجننت. غزل قربت من اياد ومسكت في لياقته. غزل: أنا بحبك يااض وعايزة أكون معاك عالطول. اياد بابتسامة: بجد؟ غزل: إيه عندك شك؟ أنا بحبك أوي وأي بنت هتقرب منك هقتلها. اياد: ولو أنا اللي قربت؟ غزل: مش هتقدر، عشان هكون حابسك. اياد قرب من غزل أكتر.

اياد: للدرجة دي بتحبيني يا بت؟ غزل قربت هي كمان. غزل: فوق ما تتخيل يا نساونجي. اياد: نساونجي كده يا غزل؟ غزل: أنا آسفة يا حبيبي، بس انت بتاعي بس. اياد: طب هاتِ بوسة يلا. غزل: لا. اياد: بجد؟ طب ماشي. غزل: انت هتزعل ولا إيه؟ خلاص يا عم، هات خدك. اياد: مش خدي. غزل ضربت اياد. غزل: يا وسخ. اياد شد غزل ناحيته. اياد مسك غزل وباسها من شفايفها. غزل زقت اياد. غزل: يا وسخ. اياد شد غزل. اياد: مش مهم. غزل: خلاص، تعالى نتجوز.

اياد: إيه؟ جواز؟ لا ممنوع. غزل: ليه؟ انت تتقرب براحتك ولما تيجي سيرة الجواز تقول لا يا سافل؟ اياد: أنا آخد كل حاجة عايزها. غزل: أنا زعلانة منك. اياد: ليه؟ غزل: عشان بتعاملني زي البنات اللي تعرفها. اياد: مين قال كده؟ غزل: انت لسه بايسني ولما قولتلك تعالى نتجوز قولت لا. مش بتعمل كده مع البنات. اياد بص في ساعته. اياد: بقولك إيه، الوقت اتأخر أوي. غزل: اياد متتهربش، أنا عايزة أكون معاك، فاهم؟

اياد: نتكلم في الموضوع ده بعدين، أوك؟ غزل أخدت نفس عميق. غزل: خلاص، ماشي. اياد حط إيده في إيد غزل ونزلوا تحت. _العشاق وصلوا. اياد: بس يا كريم. غزل: نفسي أعرف مين كريم ده. _مفيش يا غزل، أخوي عنده حتة طايرة. اياد: بس يا كريم. غزل: إيده بجد، مين كريم ده؟ بليززز. _مفيش يا غزل، ده مجنون. اياد: طب اسكتي عشان مقولش. غزل: اياد، أنا عايزة أعرف. اياد: بصي يا قلبي، أختي الحلوة دي. _أهدي يا أخوي يا عسل، مينفعش كده.

اياد: ومن إمتى بقيت عسل، واخويا؟ _من زمان أوي، ده أنا بحبك أوي يا ايدوا. اياد: وكمان بدل عيني. _عشان انت أخويا العسل اللي ما بيحكيش حاجة لحد وبيصون السر. اياد: هو أنا كده بجد؟ _آه، وأحلى من كده كمان. اياد بغمزة: كل ده عشان ما أقولش على موضوع كيمو. _حبيبي يا أخويا، أهدا شوية، مينفعش كده. غزل: اياد، أنا عايزة أعرف، ماليش دعوة. اياد: بصي يا روحي، كيمو ده يبقى. _كلب. غزل: كيمو يبقى كلب؟ اياد بصدمة: وربنا لقوله.

_يبقى كلب مربياه عشان أخويا العسل ده. اياد: كلب؟ وربنا لأخليه يسيبك. غزل: يلا يا اياد بقا، كده هنتأخر. اياد: يلا يا حبي. _الحمدلله يا رب. اياد: هقوله يا كلب البحر. _امشي، إن شاء الله ربنا ياخدك. في الصباح التالي. _اياد! اياد! اياد: إيه؟ في إيه؟ أنا تعبان أوي من ليلة امبارح. _هو حد قالك تروح مع غزل؟ ما انت عارف بتحب المشاوير أوي. اياد: حرمت، سبيني أنام بقا. _ياسمين هنا، ودرسك هيبدأ. اياد قام عالطول. اياد: فين؟ فين؟

_لما قولت اسم ياسمين قام عالطول. اياد قام عالطول وباس أخته. اياد: صباح الخير واللوز يا أختي يا عسل. _كل ده عشان ياسمين هنا. اياد بيدور على أي لبس. اياد: بت، تعالي اختاري أي لبس بس يعجب ياسمين. _تعالي يا غزل اتفرجي. اياد: اخلصي، مش وقتك، شوفي أي لبس أحسن. _انهو أحلى؟ انهو أحلى؟ اياد: اخلصي يا كلب البحر. _قعدت على السرير، مش هساعدك. اياد: ليه يا أختي يا عسل؟ _عشان بتقول عليا كلب البحر. اياد: خلاص، أنا آسف، استعجلي بقا.

_خلاص، اللبس ده حلو أوي. اياد: هيعجبها. _وربنا أول مرة أشوفك كده، فين اياد بتاع الموضة والاستايل؟ اياد: معلش بقا، التوتر وكده. _ليه داخلة؟ اياد: بت، اطلعي برا، مش عايز أشوف وشك هنا. _أخدت اللي عايزه وطردتيني يا نساونجي. اياد دخل الحمام عالطول ووقع على الأرض من الاستعجال. اياد قام. اياد: اعاااا، ضهري وجعاني أوي. اياد قام بالعافية وخد شاور ولابس هدومه. اياد طلع من الحمام ووقف قدام المرايا وبيسرح شعره. اياد: الباف أحسن؟

لا لا، مش حلو كده، هبان صايع. اياد: يلا يا اياد، كده هتتأخر. اياد خلص ونزل تحت عالطول. ياسمين كانت قاعدة في المكتب ومستنية. ياسمين: اتأخر أوي. اياد: صباح الخيرررر. ياسمين: صباح الزفت. اياد بعصبية: ليه بقا؟ ياسمين: مخصوم في الدرجات. اياد: درجات؟ درجات إيه؟ ياسمين: انت ما تعرفش؟ اياد: لا معرفش. ياسمين: باباك اللي طلب مني أعملك درجاتك في ورقة وأدهاله. اياد: طب تاخدي بوسة ولا حضن وتزوديني في الدرجات؟

ياسمين: اعاااااا، اقعد. اياد قعد عالطول عشان خاف من ياسمين أوي. ياسمين: شاطر يا ولد، ما انت بتسمع الكلام أهو. اياد: ما تقوليش ولد، أنا راجل وسيد الرجالة. ياسمين: مش باين أبدا. اياد حط إيده على خده. اياد: تحبي تجربي؟ ياسمين ضربت اياد بالعصاية اللي معاها. اياد: اعااااا، أنا زعلان منك ومخاصمك. ياسمين: اعاااااا، أنا خلاص هروح لدكتور نفسي. اياد: أوصلك؟ ياسمين مسكت اياد من شعره. ياسمين: ولد! أنا بصراحة اتنرفزت أوي منك.

اياد: شعري يا وحشة، أنا سرحت فيه لمدة ساعة. ياسمين: هو أنا بكلم ابني ولا إيه؟ اياد: طب سيبي شعري. ياسمين سابت شعر اياد. ياسمين: جاتك القرف في شكلك وفي منظرك. اياد رجع شعره وراء. اياد: وكده قمر صح؟ ياسمين: اعااااا، الدرس هيخلص. اياد: خلاص خلاص، ابدأي. ياسمين فتحت الكتاب واياد مش معاها خالص. اياد ماسك التليفون ومشغل ميوزيك. ياسمين: اعاااااااااااااااا. اياد رن: إيه؟ في إيه؟ مين اللي مات؟

ياسمين: حد ياخد المجنون ده فوراً. اياد: هو مين؟ وأنا أخده؟ ياسمين ضربت اياد بالعصا تاني. ياسمين: ولد! أنا بصراحة اتضايقت أوي. اياد: خلاص خلاص، هسكت بس متزعليش يا وحش الكون. ياسمين خدت نفس عميق وبدأت تشرح الدرس. اياد: الله يخرب بيتك. ياسمين: بتقول حاجة؟ اياد: لا، مش بقول، كملي كملي. ياسمين وهي بتشرح الدرس، خصلة من شعرها جات على عينها. اياد شالها بإيده. ياسمين واياد قعدوا يبصوا لبعض. ياسمين: احم. اياد: قلبك بيتلحم؟

ياسمين: ههههه، ظريف أوي. اياد: عارف. ياسمين: طب ركز يا ظريف، ركز. اياد في سره: أنا لو ركزت كده هتخلص الدرس عالطول وهتمشي. اياد: اعاااااا. ياسمين: إيه؟ في إيه؟ اياد: صرصار. ياسمين جرت عالطول عند اياد. ياسمين حضنت اياد. ياسمين: أنا بخاف أوي من الصراصير. اياد قعد يضحك. اياد: اهدي، اهدي، أوعك تبصي عشان أعرف أمسكوا. ياسمين: حااااضر، بس استعجل والنبي. اياد: خلاص، مسكت الصرصار. ياسمين: الحمدلله، أنا كنت خايفة أوي.

اياد: اعترفي بقا إن الرجالة أقوى من الحريم. ياسمين: اياد، فين الصرصار؟ اياد: موته. ياسمين: أنا عايزة أشوفه. اياد: ليه؟ ده شكله يخوف وممكن يقرصك. ياسمين: مش انت بتقول موته؟ خلاص مش هيقرب مني، أنا عايزة أشوفه. اياد: أصلاً أنا رميته من الشباك. ياسمين: مفيش شباك هنا. اياد: الصراحة مفيش صرصار، وأنا كنت عايز أنرفزك. ياسمين ضربت اياد بالعصاية تاني. اياد: اعاااااا، والله حرام.

ياسمين: والله حرام عليك، انت أنا عايزة أخلص وانت عمال تعمل مقالب بيخة زيك. اياد: عشان مش عايزك تمشي. ياسمين: مش بقولك انت فعلاً مجنون. فين الحمام؟ اياد: ليه؟ ياسمين: هنام فيه؟ هو اللي بيدخل الحمام بيعمل إيه؟ اياد بغمزة: بيعمل حاجات كتير. ياسمين: اعاااا، فين الحمام؟ اياد: خلاص خلاص، على إيدك اليمين. ياسمين: جاتك القرف. ياسمين دخلت الحمام وكانت متعصبة أوي وغسلت وشها. اياد كان قاعد وعمال يشخبط في الدفتر بتاع ياسمين.

ياسمين: اعاااااااااااااااا. اياد بخضة: إيه؟ الصرصور رجع؟ ياسمين مسكت الدفتر وكانت زعلانة بجد. اياد: انتي زعلتي؟ ياسمين: ابعد عني، انت عارف الدفتر ده تمنه كام؟ اياد: كام؟ ياسمين: أنا مش بهزر على فكرة، يمكن الدفتر ده ليكم يا أغنياء رخيص أوي، إحنا فقراء وده بالنسبة لينا غالي أوي، وأنا بقولك ليه أصلاً؟ انت واحد متخلف، عن إذنك. اياد: أنا آسف. ياسمين خدت الدفتر ومشيت. اياد طلع يجري وراها. اياد: أنا آسف.

ياسمين: اسكت، انت واحد متخلف أصلاً، عن إذنك. اياد: مكنتش أعرف، أنا آسف. ياسمين خدت بعضها ومشت. اياد: أعمل إيه دلوقتي عشان أصلحها؟ غزل: صباح الخير. اياد: صباح النور. غزل: إيه مالك زعلان كده ليه؟ اياد: أصلاً. غزل: أصلاً إيه؟ اتكلم. اياد: لا، مفيش، عن إذنك. غزل: ماله ده؟