رواية عشقت صعيدي قاسي الفصل الحادي عشر 11 - بقلم هاجر حسين

ايه اللي بيحصل هنا؟ إيه اللي بيحصل هنا؟ ليان بتعملي إيه هنا؟ ليان: مكنتش أعرف إنك مشغل ناس مش محترمة معاك. البنت: المش محترمة دي تبقى إنتي، عشان إنتي أهلك معرفوش يربوكي. ليان لسه هتضربها بقلم. رعد مسك إيدها وخدها المكتب. ليان بدموع وصوت عالي: إنت منعتني ليه؟ أنا أهلي معرفوش يربوني، سيبني بقى يا رعد. رعد ببرود: عايز أعرف جيتي ليه. ليان: أرفض البنت الباردة دي. رعد بغضب: بقولك جيتي ليه. ليان بخوف: عشان أتدرب في الشركة.

رعد: اممم. وحد قالك إني هخليكي تدربي؟ وبعدين أنا كلامي مع عمي إبراهيم. ليان: عم إبراهيم ملوش ذنب، أنا قولته إنك أنت كلمت. رعد: والخناقة اللي بره كانت ليه؟ ليان: أولاً هي مش محترمة ولبسة الزبالة دي، أنا معرفش شغالتها ليه عندي. رعد: أنا مش بقولك قولي رأيك فيها، أنا بقول اتخانقتوا ليه. ليان بمرح: أنا كنت بسأل عليك، إشطا؟ رعد: ليان اتكلمي كويس.

ليان: كنت بسأل عليك وهي قالت رعد حاف كده، وقولتله ردي على قد السؤال. وبدأت تقل أدبها وأنا مسكتش ورفضته. يلا! رعد: عم إبراهيم تحت، خليه يروحك يا ليان. ولسه حسابنا مخلصش. ليان: هتضربني يعني ولا إيه؟ ما إنت عشان مش راجل بتضربني. رعد ضربها بقلم. رعد: قولتلك لمي لسانك يا ليان، عشان إنتي اللي هتضربي. ليان بدموع: آآآه مش راجل يا رعد، مش راجل. رعد: إنتي أهلك مربوكيش فعلاً يا ليان.

ليان: آآآه فعلاً عشان اتوفوا. بس برضه يا رعد، إنت مش راجل. رعد ضربها كتير وهي مش بتسكت. يوسف كان عارف إن دا هيحصل وسمع صوت ليان، فتح الباب ودخل. حاش ليان من رعد. يوسف: إنت اتجننت يا رعد؟ هو إنت في وعيك؟ رعد: اطلع بره يا يوسف. ليان قامت وطلعت تجري. يوسف: إنت أي غبي. ويوسف طلع ورا ليان. يوسف: ليان، ياليان استني. ليان: إيه يا يوسف؟ يوسف: متزعليش واهدي كده.

ليان بدموع: لا أنا تمام، مش هزعل. يشتمني بأهلي وأنا مش هزعل، عادي خالص. يوسف: خلاص بقى اسمعي، زي ما قولتلك اتجنبي رعد خالص وروحي الكلية مع عمي إبراهيم، يلا روحي. ليان بابتسامة: ماشي، سلام. وراحت ليان. دخلت أوضتها وفضلت تعيط. ومن كتر العياط نامت. عند يوسف، راح عند أسر المستشفى. يوسف: إزيك يا أسر؟ أسر: تمام الحمد لله. أسر: مالك يا يوسف؟ شاكلك مضايق. يوسف: هو رعد ماله؟ بيعمل ليان كده ليه؟ أسر: ليه مالها؟

يوسف: ليان كانت النهاردة في الشركة. وقال له اللي حصل. أسر: تمام، أنا هكلمه. يوسف: ياريت بسرعة، قبل ما تضيع من إيده. أسر: حاضر. رعد رجع البيت. رعد: هي ليان فين؟ صفية: فوق يا بيه. رعد: آه طيب. صفية: معلش يا بيه، هو... هو يعني مالها الست هانم رجعت من بره بتعيط ومنهارة، وطلعت الأوضة وقفتل على نفسها. رعد: هي ما أكلتش؟ صفية: لا يا بيه. رعد: طب اطلعي قولي لها تنزل.

طلعت صفية وبتخبط على ليان ومش بتفتح. فتحت الباب ملقيتش ليان موجودة. نزلت قالت لرعد. صفية: رعد بيه، الست هانم مش موجودة. رعد: يعني إيه مش موجودة؟ أمال راحت فين؟ صفية: والله يا بيه، جات طلعت على فوق وملزلتش تاني. رعد طلع فوق ملقيش ليان. راح الأوضة التانية لقيها مقفولة. عرف إنها موجودة. رعد: ليان افتحي الباب. ليان كانت نايمة. رعد: ليان افتحي الباب، أنا عارف إنك جوا.

رعد عارف إنها مش هتفتح، راح طلع مفتاح وفتح الباب. لقي ليان نايمة وباين إنها كانت بتعيط. رعد: ليان، ليان قومي. ليان: إنت إزاي تدخل عليا؟ رعد: ما أنا خبطت وإنتي ما فتحتيش. ليان: عاوز إيه؟ عاوز تضربني تاني ولا عايز تهزقني تاني؟ رعد: ليان إنتي غلطتي فيا. ليان: آه يا رعد، اللي يستقوي على واحدة ست يبقى مش راجل. رعد: ليان متعصبنيش، ويلا عشان تاكلي. ليان: شكراً لحضرتك، بس أنا مليش نفس. رعد: يلا انزلي. ليان: مش نازلة.

رعد: براحتك، إن شاء الله ما تاكلي. رعد نزل وليان قفلت الباب وطلعت علبة بيتزا وقعدت تاكل منها. ليان لنفسها: شكراً يا يوسف، والله مش عارفة من غيرك كنت هعمل إيه. ... وأنبي الواد ده عسل، ههههه. إيه اللي بقوله ده؟ تليفون ليان رن. ليان بتتكلم زي الحرامية: ألو، يا يوسف؟ يوسف بضحك: مالك يا بنتي بتتكلمي كده؟ ليان: أصل رعد تحتي. يوسف: آه، وعملتي إيه؟ ليان: ....... قالت له اللي حصل. يوسف: تمام كده؟

ليان: بقولك إيه يا يوسف، ابعتلي واحدة بيتزا تانية. يوسف: ههههه، ليه مش لسه جايبلك اتنين؟ ليان: ههههه، اقفل يا عمي، خليني آكل قبل ما جعفر يطلع. سلام. يوسف: سلام. ليان بدأت تاكل. رعد أكل وتليفونه رن. رعد: ألو، إزيك يا أسر؟ أسر: بلا إزيك بلا زفت، إيه اللي أنا سمعته ده؟ إنت اتجننت يا غبي بتضربها ليه؟ عشان واحد موظفة ما احترمتهوش؟ رعد: لا مش عشان كده. أسر بعصبيته: إيه يا خي البرود اللي إنت فيه ده؟ إنت إيه؟

اسمع بقى يا رعد، فوق قبل فوات الأوان، عشان والله العظيم هتندم. وبعد كده كلهم مش زي بعض، هي عشان أمك كده يبقى ليان كده؟ لا يا رعد، ليان محترمة وبتحبك، فوق يا رعد، فوق قبل ما تخسرها. رعد: خلصت؟ أسر: آآآه. رعد: أنا ضربت ليان عشان بتقول علي مش راجل. أسر: من غير ما تعمل حاجة؟ رعد: لا عشان ضربتها. أسر: إنت ياما هتشلني يا أما هتشلني برضه، سلام يا رعد، سلام. وقفل السكة في وشه. رعد كان قاعد في المكتب وفضل يفكر في كلام أسر.

وبعد شوية راح نام. في الصباح. رعد صحي، قام أخد دش ونزل. ملقيش ليان. رعد: هي ليان فين؟ صفية: ست هانم مشيت، راحت الكلية يا بيه. رعد بعصبية: يعني إيه خرجت من غير ما تقولي؟ ماشي يا ليان. طلع الفون ورن عليها، مفتحتش. رعد: ماشي يا ليان، أنا هروحلك الجامعة. ليان كانت قاعدة في الكافتيريا وفرح جايه عليها. فرح: السلام عليكم. ليان: وعليكم السلام، اقعدي. فرح باستغراب: لا لا مش معقولة صحبتي اللي حبيتها بتقولي اقعدي.

ليان: عادي يا بنتي، ما إحنا بنات زي بعض. فرح: أكيد فيكي حاجة، إنتي سخنة؟ ليان: لا، اقعدي. فرح: طيب، أعضاءك تلزمك؟ ليان: لا مش محتاجة، خديها. فرح: لا، إنتي مش اللي شوفتها قبل كده، فين خفة الدم؟ ليان: أظهر إنك خدتي عليها. فرح: آآآه والله جدابعد شوية شاب جاهم عليهم. قامت فرح وحضنته. ليان لنفسها: أحيه، البنت طلعت منهم وجاية تعمل فيها شيخة.

فرح: أعرفك يا معرفش اسمك، حازم أخويا، وجاي ياخدني من الجامعة. أعرفك يا حازم، بس معرفش أنا إيه. ليان: أهلاً بحضرتك. حازم: أهلاً بيكي. إنتي متعرفيش اسم صحبتك ولا إيه يا فرح؟ فرح: والله معرفه لده دلوقتي. ليان: إنتوا هتخطفوني صح؟ فرح: ههههه، لا يا بنتي، ولو هنخطفك مش هيهمنا اسمك إيه. ليان: اسمي ليان الهلالي. فرح: بجد؟ أخت رعد الهلالي؟ ليان: لا مش كده، ر... قاطع كلامها رعد اللي ماسك إيدها. رعد: لا، جوزها.

ليان: خضيتني يا رعد. حازم: أهلاً بيكي. رعد: فيه إيه؟ مشكلة؟ فرح: لا أبداً، بس أنا زميلات ليان، وأخويا حازم كان بيندهلي عشان ياخدني معاها. رعد: اهااا، تمام. مشيت فرح وحازم. فرح: ههههههه، هموت. حازم: منك لله يا فرح، كانه هنروح في داهية. فرح: داهية إيه بس، دي البنت قمر، وربنا، وداخلت قلبي. حازم: ويوم ما تشوفيلي واحدة تبقى متجوزة.

فرح: احمد ربنا يا غبي، ده كانه هيروح في داهية، الحمد لله إنك مراحتش وطلبت منها، وكانت خدت علاقة منه زي الروايات، ههههه. حازم: وأنا أصلاً مش عايز أتنيل تاني، كفاية أوي أول مرة وفاشلة فيها. فرح: على فكرة عادي جداً، وأي واحدة تتمناك، إنت قمر أصلاً. وبعدين ما هي اتجوزت بعد ما طلقتها، وإنت كمان لازم تتجوز. حازم: إن شاء الله. طيب إنت ممكن توافقي على واحد كان متجوز قبل كده؟ فرح: وليه لا؟

بس أشوف ظروفه الأول، وعارفة كويس مش هتجوز وأتخزوق. حازم: طيب اركبي يختي. فرح: طيب، ونبي يا سطا وصلني المستشفى الأول، لأني طالعة المستشفى دي بتاعة الهلالي، دي أحلوت قوي. هههه. حازم: يعني أنا أتعب ده كله في الشرطة، وفي الآخر يتقالي يا سطا سواق الهانم، أنا أركب. ليان: إيه فيه؟ رعد: مين اللي كنتي واقفة معاهم دول؟ ليان: أنا معرفهمش، هي بتحاول تكلمني بس أنا مش بكلمها. رعد: طيب خرجتي ليه من غير ما تقوليلي؟

ليان: عشان اتأخرت في النوم، افتكرتك مش هتروح الشركة. رعد: طيب، خالصتي؟ ليان: لا، فيها محضرها تاني. رعد: بتطلعي ليه من غير فطار؟ ليان: مليش نفس. رعد: تعرفي، أنا عارف إنك بتاكلي بيتزا، أنا شفت العلبة بتعته. ليان: هو حرام ولا إيه؟ رعد: لا مش حرام، بس إنتي عاملة فيها إنك مش بتاكلي. ليان: رعد، إحنا قاعدين في كافتيريا الجامعة، ولو حد شافني هيفهم غلط. رعد: ميهمنيش والله.

ليان: لا، بقولك إيه، أنا مش عايزة حد يفتكرني إني مش كويسة وبمشي مع شبابه. رعد: طيب يا ليان، تعالي روحي معايا الشركة. ليان: لا، ويالا بقى أمشي. رعد: مش همشي، هستناكي. ليان: هو إيه التغيير المفاجئ ده؟ رعد: ولا تغيير ولا حاجة، دي طبيعتي. ليان: ياراجل، أنا لسه عارفك ولا إيه؟ ده إنت مش... رعد: مش إيه؟ لمي لسانك، إحنا مش في البيت عشان أضربك. ليان: وإيه الجديد يعني؟ رعد: تعرفي لو في البيت، أنا كنت ربيتك على قلة أدبك دي.

ليان: لو مش عاجبك، شد في حواجبك. رعد بغضب: ليان. ليان: رعد، خليك بكرامتك أحسن، قدام الناس. رعد: ههههه، المفروض أنا اللي أقولك كده. ليان: يعني إنت ممكن تعامل كده؟ رعد: وليه؟ ليان: طيب... أنا هروح المدرج. رعد: هستناكي. ليان: والله؟ وليه بقى؟ هو إنت متأكد إنك رعد ولا بدلو؟ رعد: ليان، روحي المدرج أحسن، وأنا همشي وهجيلك آخدك. أبقى كلميني. ليان: لا، خليني عم إبراهيم أحسن. مشيت ليان، وكان فيه شاب واقف وشايفها قاعدة مع رعد.

ليان ماشية والشاب خبط فيها قصد. ليان: أسفة. ولسه هتمشي، لقته في وشها، وكل ما تمشي كده يجي كده. ليان: هو إيه ده بقى؟ الشاب: اتعرف بيكي. ليان: لا يا سكر، مش بتعرف، وابعد عني بقى. الشاب: ما إنتي مقضياها، جات عليكي يعني. ليان ضربته بقلم: مقضياها يا حيوان، ابعد عني بقى. رعد كان قاعد ومش باصص عليها، ولما سمع الصوت، قام ورحله.