رواية عشقت صعيدي قاسي الفصل السابع عشر 17 - بقلم هاجر حسين

رعد شال ليان بسرعة ودخل بيها الحمام، وشغّل عليها الماية. بعدين خرج بيها من الحمام وحطها على السرير وبدأ ينشّف جسمها وغيرلها هدومها. رعد: ليان فوقي بقا يا ليان، مش متعود عليكي نايمة كل ده، مش متعود عليكي ساكتة كدا. قومي حتى لو هتتخانقي معايا. طلع الفون ورنّ على أسر. أسر: الو. رعد: أسر ابعتلي دكتورة دلوقتي. أسر: في إيه؟ رعد: ليان سخنة أوي، عايز دكتورة بسرعة. أسر: طيب اعملها كمادات ميه ساقعة. رعد: ماشي.

قفل ونزل جاب له كمادات وقعد يعملها. وبعد شوية الدكتورة جات وأسر دخل. الدكتورة كشفت عليها وبعدين طلعت. رعد: طمنيني يا دكتورة مالها؟ الدكتورة: مدام ليان شكلها خدت برد جامد، وأنا هكتبلها على شوية أدوية تاخدها وهتبقى تمام. أنا شايف إن درجة حرارتها نزلت كتير عن الأول الحمد لله. رعد: الحمد لله. أسر: طيب يا رعد أنا هجيبلك الأدوية، وانت خليك مع مراتك. رعد: ماشي. مشي أسر والدكتورة، ورعد دخل لـ ليان. رعد: ليان فوقي بقا.

ليان بتعب: امم، أنا كويسة. رعد: أعراض كورونا وبدأت أخاف منك. ليان: هههههه، مش قادرة أضحك والله يا رعد. اسkat، مش هتروح أشرك. رعد: لا، أنا هنزل أجيبلك فطار ويكون أسر جابلك الدواء. *** في الصعيد. يوسف وصل. زينب: إزيك يا حبيبي؟ وأنا أقول الصعيد نورت ليه. يوسف وهو بيبوس ايدها: منورة بأهلها يا روحي. وسلموا على بعض ودخلوا. ويوسف كانت عينه بتدور على شمس. زينب: مالك يا يوسف يا حبيبي؟ يوسف: لا ولا حاجة.

زينب: طيب يابني روح ارتاح شوية على ما الكل يجهز. يوسف: ماشي. طلع يوسف وهو طالع شاف شمس. يوسف: إزيك يا شوشو. شمس: تمام الحمد لله... وحضرتك عامل إيه؟ يوسف: لا لا، حضرتك إيه؟ بقي بلاش حضرتك دي. شمس: خلاص يبقى أبية، انت زي رعد يعني أخويا. يوسف: نعااام يا أختي، أخوكي اللي هو إزاي يعني؟ شمس: مالك يا أبية يوسف؟ يوسف: أبية؟ امشي يا شمس من قدامي، وأنا بليل هعرفك أخوكي إزاي. امشي.

مشت شمس وهي مش فاهمة يقصد إيه بكلامه. ودخل يوسف أوضة ونام لأنه كان تعبان. وبعد شوية الأكل جهز. زينب: شمس معلش يابنتي روحي قولي ليوسف ينزل، معلش يا حبيبتي. شمس: طب خلي أي حد يروح. زينب: روحي يا شمس. شمس: حاضر. وطلعت شمس وخبطت. ما فتحش. خبطت تاني. يوسف كان طالع من الحمام والمنشفة على وسطه وفتح الباب. شمس أول لما شافته كده اتخضت. يوسف سحب شمس في الأوضة. يوسف: إيه مالك؟ شوفتي عفريت ولا إيه؟ شمس بغضب

وهي حاطة إيدها على عينيها: انت مجنون؟ إزاي تعمل كده؟ أوعى خليني أطلع. يوسف: لا عادي، ماتفهميش غلط. مش أنا برضه زي رعد. شمس: لو سمحت ابعد، وتيته بتقولك الأكل جاهز. وطلعت. يوسف لبس ونزل. يوسف: مساء الورد. الكل: مساء الخير. محمد: اقعد يابني، مالك؟ يوسف: لا مافيش، بس أنا عايز أقولكم حاجة الأول. محمود: طب اقعد الأول وبعدين نتكلم. انت شكلك تعبان من السفر.

يوسف: لا، أنا هتكلم الأول. بصوا بقى من غير لف ودوران، أنا طالب إيد الآنسة شمس. شمس اتصدمت. محمد: انت يا ابني شاب محترم وكويس، أنا موافق. شوف رأي محمود و شمس. محمود: وأنا أكيد موافق، بس الأهم رأي شمس ورعد. زينب: خلاص البت اتقلبت طماطماية، سبوها كام يوم تفكر... يبقى يا يوسف مينفعش تروح معاك القاهرة لوحدكم. يوسف: ليه؟ أنا بخاف عليها أكتر من نفسي.

محمد: لا، أنا هروح معاكم أقعد يوم عشان أشوف رعد بيعامل ليان إزاي، بس مش عايزو يعرف إني جاي. يوسف: تمام. بالنسبة لشمس اللي ما اتكلمتش، اعتبرها موافقة. شمس: آه... لا لا، مش موافقة، أنا لسه في جامعة وكده يعني. يوسف: نعااام يا أختي، اللي هو إزاي؟ محمد: مالك يا شمس؟ يوسف كويس وانتي هتكملي، يبقى عايزة إيه تاني؟ شمس: ممكن تسبولي فرصة؟ وجريت على أوضتها. محمد: مبروك يابني. يوسف: الله يبارك فيك يا جدي. زينب: مبروك يا حبيبي.

يوسف: الله يبارك فيكي يا روحي انتي. محمود: مبروك يا يوسف. يوسف: الله يبارك فيك يا عمي. *** عند رعد. نزل يجيب له الفطار، وأسر جاب له العلاج. رعد: مش عارف أشكرك إزاي يا أسر والله. أسر: على إيه يا صاحبي، دا واجبي. المهم خليك جنبها، ولو سخنة اعملها كمادات. رعد: ماشي يا صاحبي. ومشي. رعد أخد العلاج والفطار وطلع، ولقى ليان نايمة. رعد: ليان... ليان. ليان: امم. رعد: قومي خدي العلاج عشان تفطري يلا. ليان: طيب سيبني شوية صغيرين.

رعد: إيه اللي سيبني شوية صغيرين دي؟ قومي يا ليان يلا. ليان: .......... رعد بخبث: ماشي براحتك. وجاب الماية ورش عليها بس مش كتير. ليان: عاااااا... هو في حد بيصحّي حد كده؟ رعد: معلش بقى، قومي افطري وخدى العلاج. ليان: أنا تعبانة أوي يا رعد والله. رعد: معلش يا حبيبتي، هتاخدي الدوا دا وهتبقي كويسة. ليان: معلش يا إيه؟ رعد: حبيبتي. ليان: قول والله. رعد وهو بيحضنها: والله انتي روحي يا ليان.

ليان: لا كده كتير، يا رب اتعب كل يوم عشان أشوفك جنبي كده. رعد: بعيد الشر عنك، يلا بقا خدي الدوا. ليان: حاضر. رعد أدالها الدوا. رعد: يلا افطري. رعد بدأ يأكلها. ليان: كفاية بقا يا رعد. رعد: ماشي، اشربي دي. ليان: لبن؟ لا ونبي. رعد: ما انتي حباهالي. ليان: لا والله أبداً. شربته بالعافية. رعد: طيب عشان خاطري اشربيه. ليان: حاضر يا رعد. رعد: شطورة يا لي. ليليان: كنت عايزة أروح الجامعة النهارده.

رعد: لما تخفي إن شاء الله. أبقى أشرحلك أي حاجة عايزة. ليان: بجد؟ رعد: ااه. ليان: طلب العلم طلع صعب، أنا هطلب أكل. رعد: هههههه، طيب ارتاحي شوية. ليان: رعد... هو انت... رعد: أنا إيه؟ ليان: هتجوز غادة؟ بجد؟ رعد: ليه؟ فرح؟ مش قالتلك؟ ليان: قالتلي... طيب انت هتطلقني؟ رعد: ارتاحي يا ليان، هروح آخد دوش وأشوف موضوع غادة. ليان بزعل: وهتسيبني؟ رعد: مش هتأخر عليكي. ليان: ماشي يا رعد. رعد: خلاص مش همشي.

ليان: لا خلاص، أنا هنام أصلًا. رعد: ماشي. دخل رعد أخد دش وبعدين طلع، ولقى ليان نايمة. نزل، وكانت غادة قاعدة. رعد: صباح الخير. غادة: صباح النور... هي ليان مالها؟ داده صفية قالت إنها تعبانة. رعد: ااه، خدت برد. هي نايمة دلوقتي، ابقى خلي بالك منها. غادة: حاضر... انت رايح الشركة؟ رعد: لا، ومش هتأخر. غادة: ماشي، ربنا معاك. وخرج رعد. في المستشفى عند أسر. الباب خبط. أسر: ادخل.

دخل راجل كبير في السن، مش كبير أوي، بيشتغل في المستشفى. أسر: ادخل يا عم فتحي. فتحي: أنا جاي أتكلم في موضوع، بس ياريت من غير عصبية. أسر بابتسامة: اتفضل يا عم. فتحي بخوف: بص يا بني، المستشفى كله بتتكلم عليك انت والدكتورة فرح. أسر بصدمة: بيتكلموا إزاي يعني؟ فتحي: أنا لو مش خايف عليك ولا عليها مكنتش قولتلك. وانت زي ابني... بيتكلموا بيقولوا إن الدكتورة فرح مش كويسة، وإن في علاقة بينكم.

أسر بصوت عالي: مين اللي اتجرأ يقول كده؟ مين؟ وأنا أدفنه مكانه. فتحي: اهدي يا بني. وفرح بنت، والكلام الناس عليها وحش. ماتزعلش مني يا بني، كان لازم أقولك. أسر: لا مزعلتش ولا حاجة والله. فتحي: طيب يا بني، عن إذنك. أسر: اتفضل. خرج عم فتحي. وبعد شوية خرج أسر. فرح كانت بتتكلم ليان في الفون. فرح: صوتك ماله؟ ليان: تعبانة شوية. فرح: ألف سلامة عليكي يا روحي. ليان: الله يسلمك... مش عارف رعد اتغير معايا ليه؟

بقي يعاملني كويس جداً. فرح: بجد؟ يعني رعد بيعاملك كويس؟ ليان: ااه والله يا بنتي. فرح بصوت واطي: لولولولولي! طيب أنا هاجي أشوفك النهارده. سلام. ليان: سلام. فرح لفت وراها لقت أسر. أسر: زغرودتك حلوة أوي. فرح: طيب يلا شد حيلك واخطب ولا اتجوز علشان أزغرطلك. أسر: هو فيه عروسة بتزغرط يوم خطوبتها؟ فرح بصدمة: إيه؟ أسر: إيه؟