رواية عشقت صعيدي قاسي الخاتمة

بعد مرور ٥ سنوات. ليان: هموت ياناس، هو في كده. رعد: في إيه. ليان: أنا اتجننت من عيالك. رعد: ما عيالك برضه. ليان: لا مش عايزاهم. ليان الصغيرة: مامي مالك بيعيط. ليان: بيعيط أنا مالي أنا ولا أمك ولا أعرفك. رعد: ليان حبيبتي تعالي. ليان الصغيرة: نعم. رعد: مش انتي. ليان: أنا مش فاهمة ليه اللخبطة دي، قولتلك عشق لما تكون معايا. رعد: لا ليان دايماً. ليان: براحتك، أنا هطلع أشوف ابنك دا. وطلعت. ليان: يعني جيت. رعد: حضانة.

ليان: وحشتيني. ليان: ممكن. رعد: هو في إيه يا ليان، كل كلامك بعصبية معايا ومع العيال. ليان: مفيش. رعد: بلاش تخبي عليا، قولي. ليان: احم... أنا. رعد: ها، قولي، انتي هتعترفيلي بحبك ولا إيه، قولي. ليان: أنا حامل يا رعد. رعد بغضب وصوت عالي: حامل إزاي، انتي مش المفروض بتاخدي زفت حبوب منع الحمل. ليان بخوف: ااه والله ما أعرف حصل إزاي. رعد بزعيق: إزاي يا ليان متعرفيش. ليان: طيب اهدا كده علشان أنا مش متأكدة.

رعد: طيب أنا هطلبلك الدكتورة. ليان: طيب فيها إيه لو كانت حامل يعني. رعد: يا حبيبتي أنا خايف عليكي، انتي في مالك كانت هتروحي فيها، كفاية كده. ليان: طيب يا رعد. *** أسامة واخد فرح في حضنه: أخيراً مراتي عقلت يا ناس. فرح: ما أنا ممكن أقلب عليك دلوقتي. أسامة: طيب ليه بس، ما إحنا حلوين، متيجي نخلف الواد. فرح: لااااا مستحيل. أسامة: ليه إن شاء الله. فرح: لما آدم يبقى عنده ١٠ سنين، يعني بعد ٥ سنين أبقى أفكر.

أسامة: ااه ومالو... متاخديش حبوب تاني يا فرح. فرح: على أساس إنك حنين أوي مع آدم دا، انت عصبي معاها بطريقة. أسامة: دا ابني يا فرح، وأكيد بحبه... آدم داخل. أسامة: قولتلك تخبط على الباب الأول. آدم: ابعد عن ماما دي حبيبتي أنا. أسامة بزعيق: ابعد إيه، ومتقولش حبيبتي، انت فاهم، يلا على أوضتك. فرح: في إيه يا أسامة، انت بتتكلم جد وبتزعق فيها علشان قالتلي حبيبتي. أسامة: ااه انتي حبيبتي أنا بس.

فرح: بس انت زعّلته ومشّيه بيعيط، ابعد يا أسامة أشوفه، والله مينفعش كده. أسامة: طيب... فرح: آدم حبيبي افتح. آدم: لا يا ماما مش هفتح، أنا هقعد لوحدي. فرح: ليه يا حبيبي. آدم: علشان بابا مش بيحبني. فرح: خلاص يا حبيبي افتحلي أنا ومش ندخل بابا. آدم فاتح: بتضحكي عليا يا ماما وبابا معاكي. أسامة شاله: أنا مش بحبك يا آدم. آدم: ااه يا بابا مش بتحبني. أسامة بسّه: يا قلب بابا، أنا بعشقك انت وأمك.

فرح: بابا بيحبك يا آدم، بس انت اسمع كلامه. آدم: حاضر يا ماما. أسامة: يلا بقا اجهزوا علشان نروح عيد ميلاد ليان. فرح: يلا يا دومي. أسامة: بالله بغير. فرح: هههههه، من ابنك يا أسورة. أسامة: ااه يا دكتورة فرح. فرح: دكتورة إيه بقا، ما أنا قاعدة في البيت. أسامة: يعني أنا اللي بروح الشغل أوي، ما أنا سايبه علشان أبقى معاكم. آدم: أنا هبقى زي خالي ظابط يا ماما.

فرح: لا يا روح ماما، بلاش ظابط، خليك زي ماما كده دكتورة قد الدنيا في بيتها. أسامة: هههههه، ليه انتي عايزة تروحي المستشفى ولا تفتحي عيادة. فرح: لا يا أسامة، دخلت طب علشان أقعد في البيت. أسامة: حبيبتي احمدي ربنا إنك كملتي جامعتك. فرح: على فكرة بقا أنا لو عايزة اشتغل هشتغل، بس أنا اللي مش عايزة. أسامة: ومش عايزة ليه بقا. فرح: مش هقدر أقعد من غير دومي حبيبي دقيقة. أسامة: ااااه طيب يلا نجهز.

فرح: يالهوي على جوزي اللي بيغير من ابنه. أسامة: لا خالص. فرح: هههههه، انت هتقولي، بس على فكرة أنا بحبك انت أكتر. أسامة باسها: قلبي وربنا، وبعدين أنا وابني واحد. *** يوسف: يابني بطل عياط بقي، انت داخل مسابقة في العياط. شمس: بس يا سيف يا حبيبي. سيف: أنا عايز أروح عند روان. شمس: حاضر ياحبيبي، روان هتروح عيد ميلاد ليان وهتشوفه هناك. سيف: طيب أنا عايز خاتم علشان أخطبها. شمس: مروان لو سمعك هيتخانق معاك زي كل مرة.

سيف: أنا هتجوزها ومش هيقدر يتكلم. يوسف: إيه دااه، انت طالع لمين ياض. شمس: ليك يا حبيبي. يوسف: هتجوز فين بقا يا عم سيف. سيف: مش تيته وجدو سابوك وانت اتجوزت... انت لما تسيبني أنا هجوز هنا في الفيلا دي. يوسف: عايزني أموت علشان تتجوز. شمس: هههههه، معلش. سيف: أنا هبقى ظابط زي انكل حازم باباها روان وهتجوز. يوسف: ااه هتطلع زي ماما اللي مكملتش جامعتها. شمس: مين السبب يا يوسف. يوسف: سيف طبعاً.

شمس: لا انت علشان أنا كنت ها اتجوز بعد الجامعة وانت جيت وجوزتني. يوسف: طيب وانت مش حابة كده يعني. شمس: وأنا لو مكنتش حابة كده كانت سابت الجامعة. يوسف: ماتيجي بوسة. شمس: احم، لاحظ إن سيف موجود. يوسف: على فكرة أنا ممكن أستفرد بيكي دلوقتي وآخد بوسة. شمس: يوسف... يلا نجهز بقا علشان نروح الحفلة. يوسف: يلااا. *** حازم: غااااده. غادة قامت مفزوعة: في إيه، حريقة ولا إيه، في إيه. حازم: أنا زهقت من عيالك دي.

غادة: دلوقتي بقوا عيالي، ما كانوا متفقين عليا من شوية. حازم: تعالي شوفيهم، بس مروان عايز يضرب روان علشان سيف بيحبها وهي بتحبه، الولد دا عايش الدور أوي، وانت تقوليله إنه هو الأكبر وهو صدق. غادة: ااه هو الكبير عن روان. حازم: كبير بدقيقة هههههه... ااهو ضربها وبتعيط. روان بعياط: مروان بيزعق ليا يا بابي وضَرَبني. غادة: تعالي يحبيبتي متزعليش، ليه كده يا مروان. مروان: يا ماما هي مش شايفة إني أكبر منها وتشتمني.

حازم: كبير إيه ياض، دا انتوا توأم، إزاي هتبقى كبير. مروان: أنا الولد يبقى أنا الكبير. روان: انت عبيط وأنا مش هحبك تاني. مروان: بس يا أم نص لسان. غادة: مروان كفاية كده، حب اختك والعب معاها، مش تعيطها. مروان: حاضر يا ماما، تعالي يا روان نلعب. روان: ومش تضربني تاني. مروان: هههههه، ومش هضربك تاني. حازم: شاطرين... يلا نجهز علشان نروح عند رعد يا حبيبتي. غادة: ماشي يلاااا. *** رعد: هااا يا دكتورة حامل ولا لا.

الدكتورة: لا حمل كاذب ودي أعراض عادية... وأنا هكتبلها على شوية أدوية، أهم حاجة تاخدها الأدوية دي بانتظام. رعد: تمام، شكراً يا دكتورة. الدكتورة: العفو، دا واجبي... وخارجة. رعد: اهو سمعتي الدكتورة، لازم الأدوية بانتظام. ليان: ما أنا زهقت من أم الأدوية دي. رعد: معلش يا لي لي، لازم تاخديها علشان تبقي كويسة. ليان: انت ممكن تزهق مني وتسيبني. رعد وهو بيحضنها: أزهق منك وأسيبك، ياااه يا ليان ليه بتقولي كده.

ليان: لأني مريضة سكر. رعد: ليان بلاش تفكيرك يوصل لكده، انتي مش مريضة بمرض وحش، دا سكر بيجي لناس كتير، ولو حتى كنتي مريضة بمرض وحش أنا مش هسيبك، انتي بنتي قبل ما تكوني مراتي، أنا مقدرش أعيش من غيرك والله. ليان: أنا بحبك أوي يا رعدي. رعد: إيه اللي خلاكي تحبيني بقا. ليان: إيه دااه، هو كل يوم أم السؤال ده. رعد: يا روحي بحب أسمعك، امم قولي بقا.

ليان: هقولك يا سيدي، اللي خلاني أحبك حاجات كتير أوي، عندك مثلاً إنك عصبي وطيب وقاسي في نفس الوقت، وإنك بتخاف عليا، إنك بتهتم بيا، وإنك مش بتسبني زعلانة مهما حصل، بتخفف عني أي حاجة، بتخليني أعدي أي حاجة وأقدر أتخطاها وأنا معاك، بحبك وبس كده. رعد: أنا بقول بلاش ننزل الحفلة. ليان: لا ويلاا براا، عايزة أغير هدومي. رعد: طيب ما أنا جوزك يا حبيبتي. ليان: لا، والا أعرفك، يلا مالك بيعيط، روح شوفوا.

رعد غمزلها: حاضر، بعد الحفلة يعني انتي هتروحي فين. ليان: مش هتتغير، يلااا براا. في المساء اجتمعوا الجميع للاحتفال بعيد ميلاد ليان. رعد: حبيبت بابا كبرت، كل سنة وانتي طيبة. ليان: وانت طيب يا بابي. ليان: كل سنة وانتي طيبة ياروح ماما. ليان الصغيرة: وانتي طيبة يا مامي. قطعوا التورته والكل قعد شوية والعيال بيلعبوا، وعلي دخل عليهم هو ومراته وابنه. علي: كل سنة وانتي طيبة يا عشق. رعد: عشق إيه، مين قالك الاسم ده.

علي: جاسر ابني، وكمان جايين النهاردة نخطبها له. رعد حضن بنته: ومين قال إن هجوز بنتي. جاسر: متخافشي يا انكل، هحبها أوي والله وهنسافر بعيد. رعد: هههههه، لا مستحيل أسيب ليان حبيبتي. جاسر: لا عشق حبيبتي أنا، ابعد عنها بقا يا انكل. رعد: هههههه، طيب يلا روحوا العبوا. يوسف: ما تيجوا نتصور كلنا مع بعض. أسامة: يلااا. يوسف مسك الكاميرا وظبطها وكل واحد حضن مراته والعيال قدامهم وتصوروا. ليان بهمس: بحبك.

رعد همس لي ليان: حبك عدا كل حدود العشق والهوس، لدرجة إني مش لاقي حاجة أوصف بيها حبي، ربنا ميحرمنيش منك يا روح رعد، بحبك.