رواية عشقت صوتك الفصل الخامس 5 - بقلم لولو عوض

سلام.. ازيك يا أميرة؟ أميرة.. ازيك، مش انت أخو ملك؟ سلام.. أيوه، أنا عايزك في موضوع. أميرة.. اتفضل. سلام.. تقبلي تتجوزيني؟ أميرة.. اشمعنى أنا؟ سلام.. أنا من أول ما شفتك وأنا اتشديت ليكي لدرجة إني كنت براقبك على طول. أنا بحبك أوي والله، وكنت عايز أعرف رأيك قبل ما آجي لباباكي. أميرة.. وأنا موافقة. سلام.. مبروك مقدماً يا ميرو. أميرة.. الله يبارك فيك. في أجمل وأرق قاعات مصر، كانوا العرسان مولعين الدنيا رقص.

كانت خطوبة جميلة أوي، الكل كان مبسوط وفرحان، والكل بيغني ويرقص. وإسلام كان بيرقص مع أميرة اللي كانت مبسوطة أوي بوجود إسلام في حياتها. أحمد خد المايك عشان يقول حاجة. أحمد.. طبعاً يا جماعة، كلنا عارفين إن آلاء وسلمى وملك بيغنوا مع بعض، وهما لازم يغنوا لينا دلوقتي. آلاء.. عندك حق، يلا يا بنات. كان كل اللي في الجامعة معزوم على الخطوبة. كلهم اتفاجئوا لما كريم وأحمد جابوا الآلات الموسيقية اللي كانت في البيت.

آلاء.. يخربيتكو، انتوا جبتوهم ليه؟ أحمد.. في واحدة تقول لخطيبها يوم خطوبتها يخربيتك! ههههه. كريم.. سيبك منها، يلا نحطهم في أماكنهم. كله استعد في مكانه. آلاء وملك وسلمى غنوا أغنية (عيش بشوقك لتامر حسني) وهما بيغنوا، أحمد غنى معاهم حتة، كانت آلاء عاجبها صوته أوي. وبعدين كريم غنى معاهم. انتوا تخيلوا الموقف كده. آلاء وملك وأحمد وكريم وسلمى بيغنوا مع بعض، وكل المعازيم بيغنوا معاهم، والكل كان مبسوط.

غنوا أغاني كتير أوي، وبعدين المأذون جه عشان يكتب كتاب آلاء وأحمد. المأذون.. بارك الله لكما، وبارك عليكما، وجمع بينكما في خير. آلاء.. على فكرة بحبك. أحمد.. على فكرة بموت فيكي يا لوءلوء قلبي. الكل بدأ يبارك ليهم. كريم.. اشمعنى أنا يعني يا مولانا، اكتب كتابي أنا كمان. سلمى.. يا مجنون، اصبر شوية. أبو آلاء.. يا عم، متصبرك. كريم.. أصبر لي؟

المأذون موجود، والشهود موجودين، وهي لابسة فستان وأنا لابس بدلة، يبقى منكتبش الكتاب ليه؟ فعلاً كريم وسلمى كتبوا كتابهم، والكل بيضحك على كريم، بس سلمى اتأكدت إنها اختارت صح، وباين كده بتحبه. كريم.. أخيراً بقيتي ملكي يا قلبي. سلمى.. أخيراً يا حبيبي. كريم.. أخيراً قولتيها. سلمى.. أوعدك إني مش هحرمك منها أبداً. في بطل جديد، هو اتذكر اسمه بس في الفصول اللي فاتت. ها، ياترى عرفته؟ هو أسر ابن خالة أحمد وأميرة.

في جانب في القاعة، كان أسر واقف مع ملك. أسر.. على فكرة، انتي صوتك جميل أوي. ملك.. بكسوف.. شكراً جداً. أسر.. لا بجد صوتك جميل. ملك.. تعرف إن رقمك هو اللي وصلنا لكل ده؟ ههههه. أسر.. الصراحة حكاية غريبة، بس أنا مبسوط. ملك.. ليه بقى؟ أسر.. عشان اتعرفت عليكي. ملك.. وأنا بردو مبسوطة عشان اتعرفت عليك. أسر.. يعني في أمل ولا إيه؟ ملك ابتسمت. أسر.. ضحكت، يعني قلبها مال. خلصت الخطوبة على خير، قصدي الفرح. بعد سنة.

كان شهر العسل بتاع كل أبطالنا، لأن أحمد وآلاء وكريم وسلمى كتبوا الكتاب بس معملوش الفرح. عملوا الفرح كله مع بعض. (آلاء وأحمد) (كريم وسلمى) (أسر وملك) (أميرة وإسلام) كان الكل مبسوط وفرحان.