رواية عشقت طفله الفصل الثالث 3 - بقلم نورا محمود

فهد طلع يجري على غرفة المكتب وتصدم لما شاف سارة وروح بيتخانقوا. فهد: بس انتي وهي! سارة: ابعد عني يا فهد، خليني أعلمها الأدب.. الأبلة نايمة على الأريكة وماسكة تليفونه وبتقلب في الصور بتاعتك. روح: وانتي مالك؟ فهد: روح! روح (بحزن) : هخرج عقبال ما تخلصوا كلامكم. ومشيت. فهد (وهو ماسك يد سارة جامد) : انتي إزاي تمدي إيدك عليها؟ سارة: هي كانت بتقلب في... فهد: وانتي مالك؟

ده مكتبي وقاعد فيه اللي أنا عايزه، وتليفوني وماسكه اللي أنا عايزه بردك. سارة، أنا لحد دلوقتي هادي، بعتبرك زي أختي، بس لو مديتي إيدك عليه تاني هنسى إنك بنت عمي. سارة: ماشي. فهد: حاضر. ومشيت. فهد: منه، تعرفي روح فين؟ منه: شفتها كانت داخلة البلكونة. فهد: شكراً. ... في البلكونة. فهد: بتعملي إيه هنا؟ روح: ... فهد: ردي عشان ما زعلكيش. روح: مش زعلانة. فهد: واضح. جبت لك عصير عشان أ صالحك. روح: هات.

فهد: بصي، أي حد يزعلك أو يتخانق معاكي وأنا موجود، ما تتكلميش. لو ما جبتلكيش حقك ابقي اتكلمي ساعتها. تمام؟ روح (بابتسامة) : تمام. فهد: طيب يلا يا طفلتي عشان ورايا شغل كتير. ... سارة: يطردني أنا عشان طفلة؟ وربنا لأوريك يا فهد. منه: اهدّي بقى، ما انتي اللي غلطانة بتمدي إيدك على بت ليه؟

سارة: فهد مش بيحب يقعد معايا ثانية ومخليها هي قاعدة في مكتبه على طول. كان يشوفني أمسك التليفون بيشد مني، دلوقتي سايب لها تليفونه. كنت ممكن أفضل بالسنة زعلانة منه وما كانش يصالحني. ما هي لو زعلت ثانية بيروح يصلحها. منه: انسيه يا سارة. سارة: لا، فهد لي أنا وبس. هاتي رقم محمد. منه: محمد؟ ليه؟ سارة: هخليه يخلصنا منها. ... فهد: يلا يا كسلانة اصحى. روح: في إيه؟

فهد: قومي ننزل نشتري هدوم بدل هدومك اللي مخلياني نعمل مشكلة في كل حتة، وكمان عشان نرجع الفيللا. روح: لا، أنا عايزة أفضل هنا. مش حابة أقعد مع سارة قريبتك دي. فهد: مش هينفع أسيب ماما لوحدها كل ده. كمان الناس بدأت تتكلم علينا. قدامك 10 دقائق، لو ما كنتيش جاهزة هانزل وأسيبك. روح: دقيقة وهاكون عندك. ... فارس: في أخبار جديدة؟ واحد من الرجالة: لسه مراقبين الـ 24 ساعة بس ما فيش أي حاجة جديدة. فارس: انطق.

نفس الشخص: روح هانم اللي قاعدين بندور عليها طلعت مع فهد بيه. فارس: متأكد؟ الرجل: شفتهم وهم خارجين من المول سوا. فارس: شوية وهاكون عندك. ... فهد: روحي يا شيخة منك لله، بقى لنا أكتر من ثلاث ساعات بنلف. روح: ما انت اللي مش عاجبك حاجة. فهد: طيب أنا لازم أخرج عشان عندي شغل. روح: طيبة، هغير هدومي ونخرج سوا. فهد: مش هينفع تيجي معايا، بس ما تخافيش، مش هتأخر. روح (بحزن) : ماشي. ... بعد فترة قصيرة، الباب بيخبط جامد.

روح وهي رايحة تفتح الباب: انت قلت مش هتتأخر بس ما قلتش هتيجي بالسرعة دي. روح (بخوف) : ف.ا.ر.س.