رواية عشقت طفولتها الفصل الرابع عشر 14 - بقلم حنين محمد

بتول يا رب دا الساعة 11 وكل ده ولا جنه جت، وحتى ياسر مجاش. الباب بيخبط، أكيد دي جنه. بتفتح بتول. بتول: كمال! كمال: أنتِ إزاي تخرجي بشعرك كده؟ مش يمكن ياسر هو اللي بره؟ بتول: بزعيق: والله بتتكلم على شعري؟ كان يبقى عندك دم لما ترمي مراتك بره البيت وحد غريب ياخدها وينيمها في بيته. كنت مرتاح ها؟ رد. لا وكنت شايف منظري عامل إزاي ومصدق مراتك ست هانم؟

نهال: يا عم ده أنا قولت أنت أول واحد هتوثق فيا وتاخدني في حضنك، بس طلع حضنك ده لناس غلط. كمال بيحط إيده على بوق بتول وبيقول: إيه؟ بتول: أممم. وبتِعض إيده. كمال: آه إيدي يا حيوا*نة. بتول بتضربه في صدره: بس أحسن، أطلع بره بقى وسبني في حالي. أنت جاي ليه؟ كمال: جاي آخدك معايا. بتول: نعم يا خويا؟ كمال: في إيه يا بت؟ أهدي، أنتِ بتشوحي لي؟ بتول: أنا مش هاجي مع حد، أنا عندي كرامة. مش بعد كل اللي أنت عملته ده.

كمال: طب اركني الكرامة على جنب وتعالي. أنا مش جاي آخدك عشان جمال عيونك، عشان بابا بس هو اللي قال لي. بتول: يا عيني يا حبيبي بابي. كمال بعصبية: بتول لمي نفسك. أنا كل ده هادي. ادخلي البسي بدل ما أفتح لك دماغك هنا وأرتكب جريمة. بتول: اوف، بقيت أبو شكلك بارد. كمال: بتقولي حاجة؟ بتول: بقول يخرب شكلك قمر. كمال: آه، بحسب. بعد وقت، بياخد بتول ويروح على الأقصر. نهال نازلة على السلم: هو أنت برضه يا كمال روحت جبت البنت دي هنا؟

بتول: في إيه يا بت؟ أنتِ اتكلمي عني حلو. وأنتِ إيه اللي حرق جبنك، ولا لأ؟ أنا عارفة إني المشطشطة 🌶️🌶️. نهال بتسكت بغيظ. كمال: بس بس بقى، أنا صدعت. نور بتجري عليها: بتول حبيبتي، عاملة إيه؟ بتول بفرحة: الحمد لله يا قلبي. عزت: أهلاً أهلاً بمرات ابني. بتول: يا عمي بالله عليك طلقني من كمال بتعكم ده، عشان أنا مش مستحملة. كمال: والله، اومال أنا أعمل في نفسي إيه منك؟ أولع 🔥 في نفسي. معاذ بضحك: خلاص يا بتول اتجوزيني أنا.

عزت: فكرة دي. كمال: احترم نفسك يا معاذ. نور: والله. عزت: بس بس، المهم إن النهارده في حفلة ليا، عايزك يا بتول تبقي زي القمر عشان أشوف لك عريس غير كمال عشان لما تتطلقي. كمال: استغفر الله العظيم. وبيطلع. نهال: وأنا يا عمي أجي معاها؟ عزت: لا، كمال وبتول بس. نهال بقرف: ليه إن شاء الله؟ عزت: أنا قولت اللي عندي. نور: يلا يا حبيبتي تعالي أجهزلك. معاذ: نهال تعالي عايزك. نهال: خير؟ بتول بتدخل الأوضة بتلاقي كمال من غير تيشرت.

بتول: يا نهارك أسود! إيه ده؟ وبتغمض عينيها. كمال: في إيه؟ دي الأوضة بتاعتي وأعمل اللي أنا عايزه. بتول: نعم؟ ما في حمام؟ ولا ده للزينة؟ كمال بيقرب: طب إيه رأيك أعرف بنفسي أنت مظلومة ولا لأ من ناحية الخطف. بتول: مش فاهمة. إيه ده؟ أنت جاي عندي ليه؟ وبتغمض عينيها بسرعة. كمال: أنا لبست على فكرة. بتول: يا كداب. كمال بيفضل يمشي لحد ما بتول بتخبط في حيطة. كمال: إيه رأيك بقى؟

بتول: يا عم أوعى بقى. والله أنده لي عمي وأقول له عليك. كمال: بابا ملوش دعوة، أنا ومراتك. بتول بتخبطه في بطنه وبتخرج. كمال: آآآه يا بطني يا بنت ال** نور: يلا يا بتول تعالي أجهزك. بتول: حاضر. (حنين محمد) عند معاذ: أنا عارف يا نهال إن أكيد ليكي يد في اللي حصل لبتول. نهال بتوتر: إيه؟ لا استحالة. وبِتطلع جري. معاذ: لا، أنا لازم أفتح عين كمال عليه. بعد وقت، بتول بتلبس فستان أسود منفوش وطرحة بيضا، وشكلها شبه الأميرات.

نور: بجد أنتِ كده إزاي؟ بتول: إيه؟ نور: وحشة. بتول: قمر قمر بجد. كمال بيخبط. نور: ادخل. كمال بيدخل بيفضل يتأمل في بتول. نور بتاخد بالها: كمال، إيه رأيك في بتول؟ كمال مش واخد باله: جامدة أوي. بتول بكسوف: يلا، أنا خلصت. كمال: احم احم، يلا. نور: سلام يا بتول. يا رب خطتي أنا ومعاذ وعمي تنجح. بتول بتركب مع كمال: هو إزاي أنا وأنت وعمي بس؟ مش دي تكريم لعمي؟ يعني المفروض العيلة كلها. كمال: وأنا هعرف منين؟

أنا كمان اقعدي وأنتِ ساكتة. بتول: أحم، ماشي. بيوصلوا المكان. عزت: تعال يا كمال. كمال: هي فين الحفلة يا بابا؟ عزت: آه، هي في الدور اللي فوق. بس هات تليفونك بس أعمل مكالمة. كمال: ليه؟ مش معاك تليفونك؟ عزت: لا، نسيته. أنتِ مش معاكي يا بتول؟ بتول: آه، مش معايا. عزت: آه تمام. كمال: خد. عزت: اطلع في الأوضة دي ظبط لبسك. وأنتِ يا بنتي روحي مع جوزك. كمال: أنا مش فاهم حاجة، بس ماشي. بتول: حاضر. كمال: هات المفتاح طب يا بابا.

عزت: خلي الباب، وأنا هطلع أيدك لما أجيبه من الأمن. كمال: اوف، ماشي. كمال وبتول بيطلعوا. بتول: إيه ده؟ هو ليه الأوضة فيها كل الورد ده؟ كمال: أنا مش فاهم. وحد بيقفل الباب وبتول وكمال مش واخدين بالهم. بتول: كمال، الباب اتقفل. كمال: إحنا مش معانا المفتاح؟ يالهوي! وتليفوني مع بابا. أنا فهمت دلوقتي، هو اللي عامل كده. بتول: مين اللي عامل كده؟ عمي؟

كمال: استني بقى يا بتول. بجد مش عارف أعمل إيه. وما فيش تليفون والبالكونة مقفولة. وبيفضل ينادي، محدش بيفتح. عزت بيقول للأمن: محدش يفتح الباب ده غير لما أنا أجي الصبح أفتحه. الأمن: حاضر. بعد وقت. بتول: أنا زهقت من الفستان ده، عايزة أغير. كمال: شوفي في الدولاب. بتول: ما فيش غير القميص ده. كمال بضحك: أحسن البسي بقى. بتول: لا طبعاً. وفي مشكلة كمان، ما فيش غير سرير واحد. هنام فين أنا بقى؟ كمال: جنبي. بتول...