رواية عشقت طفولتها الفصل السابع 7 - بقلم حنين محمد

عزت بتوتر: نهال يا كمال، تبقي مراتك. بتول: نعم، والأطباق بتقع منها. وفجأة بيغمى عليها. كمال بيجري عليها: بتول، بتول! وبيشلها وبيطلعها الأوضة. سعاد بتجري وراه: استنى يا كمال، نكلم الدكتورة. كمال: بتول، خليكي معايا. أنتِ كويسة؟ بعد وقت، كمال بيكلم الدكتورة. الدكتورة: هي مدام بتول مالها؟ كمال: هو أنا جايبك علشان تسأليني؟ ما تشوفيه. معاز: اهدي يا عم، في إيه. عزت: هتبقي كويسة إن شاء الله. كمال بيبص له بقرف.

الدكتورة: هي كويسة، بس الضغط عندها واطي أوي. أنا أديتها حقنة وشوية وهتبقي كويسة. كمال: ماشي. سعاد: شكراً يا حبيبتي، وصليها يا نهال. نهال: أوف، حاضر. الدكتورة بتمشي. كمال: اطلعوا بره لو سمحتوا. معاز: يلا يا جماعة، وإحنا شوية وهنبقى نطمن عليها. سعاد: يلا يا عزت. كمال بيقعد جنب بتول. على فكرة يا بتول، أنا مش عارف أنتِ عملتي فيا إيه. هو ده حب ولا شفقة على حالتك ولا إيه بالظبط؟

أنا خوفت عليكي زي ما خوفت على حاجة غالية عليا أوي. بتول بتعب بتقوم: آه يا راسي، وآه يا دراعي. كمال: بتول، اهدي واقعدي مكانك. دراعك وجعك بس علشان الحقنة. بتول بدموع: بجد يا كمال، أنت متجوز نهال؟ كمال: والله يا بتول، وأغلى حاجة عندي. أنا مش عارف اتجوزتها إمتى وفين، أنا اتغفلت زيي زيك بالظبط. عايزة تصدقي صدقي، مش عايزة أنا عملت اللي عليا.

بتول بزعل بتمسك إيده: أنا مصداقك يا كمال، بس أنت كدا هتفضل على طول مع نهال، ما هي خلاص مراتك. كمال بضحك ظهرت غمزته: لا يا بتول، أنا اللي أعرفه إنك أنتِ مراتي الأولى. لكن أنا مش عارف أصلاً نهال تبقى مراتي إزاي. أنا نازل وراجع علطول. بتول ضحكة ضحكة خفيفة: ماشى. كمال: جنات، حضري لي بتول الأكل وأنا هاجي أخده منك. جنات: حاضر يا بيه. كمال بيدخل أوضة المكتب بتاعت عزت. أنا عايز أعرف يا بابا إزاي نهال تبقي مراتي.

عزت: بص يا ابني، أنت كتبت الكتاب على نهال قبل ما نهال تسافر. كمال بسخرية: آه، وأنا كنت نايم وقتها، صح؟ عزت: بصراحة، أنا خليتك تمضي على الورق وسط الشغل. كمال: اتغفلت يعني؟ طب اتجوزت بتول ليه إن شاء الله، طول ما أنا متجوز واحدة أصلاً مكنتش أعرف إن هي مراتي. عزت بتوتر: كمال، أنا تعبان، بكرة نتكلم. وبيسيبه وبيطلع. كمال بصوت عالي: أنا مش هسكت على الكلام ده، وأنا مش لعبة في إيد حد علشان تبقي فاهم. نور بتطلع جري.

بتول: أنا عرفت إنك تعبانة، عاملة إيه دلوقتي؟ بتول: أهدي، أهدي يا حبيبتي، أنا كويسة زي القردة أهو. نور: يا بتول، قولت لك قبل ما أروح الكلية، أي حاجة تعرفيها خليكي قوية. بتول: يعني أنتِ يا نور كنتي عارفة إن كمال متجوز نهال؟ نور: بصراحة آه، بس والله كمال مش عارف، مفيش غير نهال وبابا عزت اللي عارفين. ماما سعاد مش عارفة ولا حتى معاز. بتول: أنتِ مقولتيش لي ليه؟ نور: مكنش ينفع. المهم، أنا هروح أغير وأجيلك. بتول: ماشي.

نور بتخرج. كمال بيدخل ومعاه أكل كتير. بتول: ما شاء الله يا كمال، أنت عامل عزومة. كمال: لا ياستي، أنتِ هتاكلي الأكل ده كله. بتول: نعم. كمال بضحك: عليكي، يلا ناكل سوا. يلا، هم افتحي بوقك بسرعة، هم. بتول بضحكة من قلبها: إيه ده يا كمال، هو أنا صغيرة؟ كمال بيفضل باصص لبتول شوية. شوية ضحكتك حلوة أوي أوي يا بتول. بتول بكسوف: يلا يا كمال، أنت مالكش، يلا كل. بعد وقت، كمال وبتول بياكلوا، وكمال بيروح الشركة.

عند بتول، نهال بتدخل أوضة بتول. بتول بعصبية: نعم، عايزة إيه؟ نهال: إيه ده، أنتِ زعلانة علشان كمال اختارني وسابك؟ بتول: تؤ تؤ يا قمر، عايزة إيه، أنجز. نهال: أنتِ عارفة كمال اتجوزك عليا ليه؟ بتول: مش عايزة أعرف. نهال: لا لازم تعرفي، علشان يجيب منك حفيد للعيلة، بيبي صغير يعني، وبعدها يرميكي رمية الكلاب. أصل بعيد عنك، أنا مش بخلف، فهيخد منك البيبي وتبقي في الشارع. بتول بصدمة: نعم...