رواية عشقت طفولتها الفصل الثاني والعشرون 22 - بقلم حنين محمد

في الليل، بتول بتفضل تعيط وهي ضامة رجلها. كمال بيدخل بيجري عليها وبيخدها في حضنه. "مالك يا بتول؟ بتول بعياط وشهقات: "يا يا كمال أنا وحشة أوي أوي، صح؟ كمال: "هش هش، اهدي. ليه بتقولي كده؟ بتول بعياط شديد: "أنا عارفة كده. أمي وحشة، يبقى أنا كمان كده. ده أنا كنت سلعة لكل مرة. أهلي الأصليين يبعوني، وأمي بعتني ليك. وأنا أصلاً مش عارفة بنت مين. اللي أعرفه إن أنا بنت حرام وخلاص، بسبب أهلي."

كمال بدموع: "يا بتول، متوجعيش قلبي عليكي. خلاص، أنتِ مش بنت حرام ولا حاجة. وبعدين، خلاص أنا موجود، وماما وكلنا بنحبك أوي." بتول بشهقة: "بس أنت يا كمال هتطلقني، وأنا هبقى لوحدي." كمال: "متفكريش في الموضوع ده دلوقتي. يلا تعالي على السرير." بتول: "ليه؟ كمال: "يلا تعالي. حطي راسك على رجلي ونامي، ومتفكريش في أي حاجة." بتول الدموع كانت بتنزل من عينيها: "حاضر." كمال: "ينفع كدا؟ البنطلون كله بقى ميه من دموعك." بتول: "آسفة."

كمال بيبوس راسها: "خلاص يا بتول، يلا نامي." بعد وقت، بتول بتنام وكمال بيغفل، ويفضل هو وهي نايمين كدا لحد الصبح. بتول: "يتفوق كمال." "يا كمال." كمال: "آه يا رجلي. يا بتول منك لله يا شيخة. رجلي منملة، مش قادر أحركها." بتول: "معلش، أنا آسفة. أنت نايم بملابس الشغل." كمال: "آه، علشان ست هانم كانت بتعيط." بتول: "معلش." كمال: "خلاص يا ستي، أنتِ مفيش في بوقك حاجة غير معلش."

بتول: "أنا هروح ألبس وأشوف لو ماما عايزة أي مساعدة تحت." كمال: "بتول." بتول: "نعم؟ كمال بيروح عندها وبيديها بوسة طويلة في خدها، وهمس في ودنها: "أنتِ أجمل وأرق وأطيب بنت شافتها عيني. أنتِ مش بنت حرام ولا حاجة." بتول بكسوف بتحضن كمال: "شكراً يا كمال." كمال بضحكة ظهرت غمزته: "يلا انزلي." بتول بتنزل. "أسعدك في حاجة يا ماما؟ سعاد: "لا يا حبيبتي." جنات بتجيب الأكل. بتول: "خلاص، هروح أساعدها." نهال: "صباح الخير يا ماما."

سعاد: "صباح الفل يا حبيبتي." كمال بينزل. نور بتحاول تنزل. معاذ: "كمال، استنى أنا هساعدهم." معاذ: "أنا كويس يا جماعة والله." بتول: "انزل براحة يا معاذ." وبيتفتح ليه الكرسي. معاذ: "شكراً." بتول: "العفو." كل العيلة بتاكل. بعد الأكل، بتول بتطلع الأوضة وبتاخد من نفس الدواء اللي اشترته. كمال: "أنتِ بتعملي إيه؟ بتول بتوتر: "م م مش بعمل حاجة." وبترمي العلاج تحت الدرج. كمال: "آمال، ليه اتخديتي؟ بتول: "لا، أنا بس كنت سرحانة."

كمال: "آه سرحانة، ماشي. هعمل نفسي صدقت." بتول: "أنت هتروح الشغل انهارده؟ كمال: "آه. ليه؟ وبيمسكها من وسطها. "هوحشك ولا إيه؟ بتول: "تؤ تؤ، بسأل عادي." كمال: "لا مش عادي." وأنفاسهم قريبة أوي من بعض. بتول بتوتر: "يا لهوي." كمال باستغراب: "إيه يا بت؟ بتول: "نسيت أذاكر عليا درس بكرة." كمال: "اتهربي، اتهربي. مسيرك يا ملوخية تبقي تحت المخرطة." بتول: "أحم." وبتقعد على المكتب علشان تذاكر. كمال بيروح الشركة.

سلام: "الحق يا كمال." كمال: "خير يا رب." ياسر: "طرد السكرتيرة هايدي." كمال: "ليه إن شاء الله؟ ياسر: "علشان اتلغبطت في شوية أوراق. وغير كدا، ياسر قافل قلبه، وهي باين عليها بتحبه. فهو مش بيحب كدا." كمال: "أنا هروح أشوفها." "سلام." "ده لو كلمك أصلاً." وبيخرج. كمال بيدخل لياسر. ياسر: "مش تخبط يا جدع." كمال: "ليه يا ياسر؟ طردت هايدي؟ هي غالباً و شغلها حلو." ياسر: "كدا مش طايق وشها النحس ده."

كمال: "أنت انهارده هتروح بيتها وترجعها الشغل تاني. بس كدا. أنا قولت اللي عندي." ياسر: "بس." كمال بيخرج. ياسر: "استغفر الله العظيم يا رب." في القصر، معاذ: "عمي، أنا طالب إيد نور للجواز." سعاد: "يوه يوه، مستعجل على إيه. استني كمال ييجي." معاذ: "إيه رأيكم طيب؟ عزت: "أنا عن نفسي موافق جدًا، بس القرار يرجع لنور." نور بكسوف: "موافقة." بتول: "ألف مبروك مقدماً." عزت: "بس لما ييجي كمال نشوف هنعمل إيه."

معاذ: "أنا عايز أتطوّع على طول، مش لسه هخطب." نهال: "اهدي شوية. البنت باردو تاخد وقتها." معاذ بيتجاهل كلامها. "ها يا عمي، قولت إيه؟ عزت: "قولت لما كمال ييجي نشوف كل حاجة." وبيروح على الأوضة بتاعته. نور: "متقلقش يا معاذ، إن شاء الله كمال يوافق." معاذ: "يا رب." بتول بتطلع فوق، وبطنها هتتقطع من الوجع، وبتكلم نفسها: "كل العيلة هنا مبسوطة. أنا مليش مكان هنا أصلاً، ولا حتى ليا مكان في بيت أهلي. مش عارفة أروح فين بجد."

في الشركة، يوسف: "كمال، أنت بتحب بتول؟ كمال: "ليه؟ يوسف: "أصل أنت علطول بتدور وراها، وعايز تكون ليها عيلة حلوة." كمال: "يا عم والله هي فيها حاجة بتسحر كدا. لما ببص في عينيها بنسى أي تعب وأي حاجة وحشة." يوسف: "بتحب يا معلم؟ كمال: "مش عارف بجد. وكمان نهال، أنا شايل ذنب نهال علشان هي مراتي باردو. بس أنا هديها كل حقوقها النهارده." يوسف: "بجد يا كمال؟ كمال: "أعمل إيه؟ طب يلا بقى علشان أروح علشان أشوف بتول."

يوسف: "ماشي يا عم الحبيب." في الحارة، سمية: "أنت يا بت يا جميلة." جميلة: "نعم، نعم." سمية: "بعد خمس أيام بالظبط وهتتجوزي. يلا جهزي نفسك." جميلة بدموع: "لا يا ماما، إزاي؟ سمية: "لا يا أختي، اتجوزي ورجلك فوق رقبتك." جميلة: "يا ماما، عايزة تعملي زي ما عملتي في بتول؟ كمال بيوصل القصر. معاذ: "خد يا كمال يا حبيبي." كمال: "في إيه؟ يلا اتعدل قدام." معاذ: "أنا عايز أطلب منك طلب، بس أبوس إيدك وافق." كمال: "خير."

معاذ: "طالب إيد نور، بس هي." "عزت قال نشوف رأيك لما تيجي." كمال: "آه، ماشي. موافق." معاذ بفرحة: "إيه ده؟ بكل سهولة كدا؟ وبينط على ظهره. "حبيبي يا كمال." كمال بقرف: "إيه يا معاذ ده؟ أنت عيل صغير. اوعى كدا يلا. ألف مبروك، والصبح نحدد كل حاجة." معاذ: "أوك." كمال بيدخل الأوضة. "قاعدة لوحدك ليه؟ ما تروحي تقعدي مع نور ونهال." بتول بنعس: "لا، أنا بذاكر. مش عايزة أقعد مع حد." كمال بيمسك إيدها. "هو في حد زعلك؟

بتول بدموع: "لا يا كمال، سيبني لوحدي." كمال بيحضنها: "هو كل يوم نفس الشريط." بتول: "يا كمال، عرفت انهارده من جميلة إن ماما هتبيع جميلة لواحد أكبر منها باردو زي كده." كمال: "لا يا بتول، أنا هخليها تيجي تعيش هنا معاكي، ومش هتجوزها حد." بتول: "مش هتعرف يا كمال. ماما ممكن تعملي أي حاجة." كمال بيحسس على شعرها: "مش عالي." بتول: "شكراً يا كمال بجد." كمال: "العفو يا حبيبي." وبيرجع في كلامه. "أقصد يا بتول."

كمال: "طب أنا هروح أنام انهارده عند نهال." بتول: "امم، ماشى." كمال بياخد ترينج وبيخرج. بتول بتكمل مذاكرة. نهال بتلبس قميص قصير أحمر. كمال بيخبط. نهال بدلع: "تعال يا حبيبي." كمال: "أحم، ممكن أدخل؟ نهال بتحسس على خده: "آه طبعاً يا حبيبي." بتول من ورا، وخدها أحمر. "معلش يا كمال، أنت نسيت تليفونك." كمال: "أحم، آه. شكراً يا بتول." نهال: "مع السلامة بقى يا عسل أنتِ."

بتول بتخبط: "أنا بقى عايزة أنام معاكي انهارده هنا يا نهال." نهال: ".....