رواية عشقت طفولتها الفصل الثاني والثلاثون 32 - بقلم حنين محمد

كمال: صور إيه دي يا بتول؟ بتول: (بتوتر) اه اه اه. كمال: (بصوت عالي) هتفضلي تتاهي كتير؟ انطقي. يوسف: اهدي يا كمال. كمال: اخرس انت خالص، حسابك معايا بعدين. بتول: يا كمال، دي صور الشغل. كمال: كدابة، وعينك كشفاكي. هاتي يا بتول الصور، علشان أنا كل ده ماسك نفسي، ألاقي مراتي عند مكتب واحد غريب ليه؟ يوسف: (بسخرية) أنا غريب يا كمال؟ ماشي يا أبو الصحاب. (ويوسف جاي يخرج) بتول: استني يا يوسف، الغلط مش غلط يوسف.

كمال: يا بتول، ما تعصبنيش، وما تنطقيش اسم راجل غيري. يوسف: بجد يا كمال، أنت كده أوفر أوي. استني، اسمعها الأول. كمال: اللهم طولك يا روح. بتول: بص يا كمال، من الآخر كده، أنا بهدد نهال بصور. كمال: (بصدمة) صور! صور إيه يا بتول؟ هاتي أشوفها. بتول: لو اديتها لك يا كمال، ما تتعصبش عليا وتفهم كل حاجة، وما تسألش أنا عملت كده إزاي. يوسف: يلا يا بتول، ادي لكمال الصور. (كمال بياخد الصور وبيشوفها وبيشهق لما بيشوف نهال مع عامر)

بتول: بص يا كمال، قبل ما نهال تخلي عامر يقتلني، كنت رايحة لماما بالصدفة، لقيتها قاعدة مع عامر في العربية، فصورت، وفضلت ماشية وراهم لحد ما وصلت العمارة، ويوسف ساعتها هو اللي داخل من ورا الشباك وحط كاميرات علشان نعرف نشوفهم، واكتشفنا بقى إن هي مش كويسة.

كمال: آه، وأنا كل ده مغفل من أول ما أنت ما دخلتي غيبوبة، أنا كل ده مغفل، مش عارف أي حاجة. حلو قوي يا بتول الكلام ده، وحلو يا أستاذ يوسف، بتشوفني كل يوم وبتكدب نفسك الكدبة، ولا كأنك عملت أي حاجة. يوسف: ما كانتش ينفع أقول لك، لأن بتول ساعتها كانت في غيبوبة، فهي كانت مأمناني إني ما أقول لكش غير لما هي تعرف الحقيقة كاملة وتقول لك. ما كنتش ينفع أقول لك يا كمال، فاستنيتني لما تفوقي، وكنا متفقين إننا هنقول لك. بتول: (بدموع)

والله يا كمال، أنا كنت هقول لك على كل حاجة، بس اليوم ده أنا كنت هقول لك، بس عامر كان هيحاول يموتني، بس ده اللي حصل. كمال: (بعصبية شديدة) اطلعي بره يا بتول، اطلعي بره المكتب. بتول: صدقني يا كمال، كنت هقول لك. اعمل إيه؟ أنا أول ما طول كنت بتبقى معايا، أقول لك. يوسف: خلاص يا كمال، هي ما كانتش تعرف كل حاجة حصلت فجأة. كمال: أنت تخرصي خالص، واطلعي بره. مش هكرر كلامي مرة تاني، اطلعي بره، وخلي السواق يوصلك. بتول:

(بدموع بتاخد شنطة وبتطلع بره) وقبل ما تطلع، كانت حاسة بدوخة. كمال: (لاحظ إنها مش متزنة، كانت هتقع وجاي يلحقها) بتول: أنا كويسة. (وبتخرج) يوسف: بتول يا كمال، كانت هتقول لك ما تغلطش نفس الغلطة اللي أنت عملتها قبل كده. يلا روح ورا بتول وافهم كل حاجة منها. الكلام أخذ وعطا.

كمال: خليها تتعلم شوية من غلطها يا يوسف. مش هقول لك حاجة علشان أنت وقفت معاها، ولا كده كان زمانها ضاعت، لأني عارف إنها طفلة. تاني حاجة بقى، أول ما أروح، أنا أعرف منها كل حاجة واحدة واحدة، وأعرف إزاي أخليها تنتقم من نهال، ويبقى جوزها هو اللي حاميها، مش حد غريب. (وبيروح) يوسف: ماشي يا صاحبي. بتول: (بتوقف تاكسي وبتركب) لو سمحت، خدني على أقرب مستشفى هنا. مجدي: حاضر يا مدام. (بعد وقت قصير بتوصل المستشفى)

بتول: لو سمحت، أنا عايزة دكتورة نساء. (بعد وقت بتقول، بتدخل الأوضة) الدكتورة نانسي: إزيك يا بتول؟ تعالي اقعدي. بتول: أنا حاسة إني تعبانة أوي. الدكتورة نانسي: إيه الأعراض بالضبط؟ بتول: بطني بتوجعني، وعلى طول برجع. الدكتورة نانسي: آه، تعالي نعمل لك تحليل حمل. بتول: إيه؟ حمل إيه؟ نانسي: زي ما بقول لك كده. بتول: تمام، اللي تشوفيه. (بعد وقت التحليل بتظهر) نانسي: ألف مبروك يا بتول، أنتِ حامل. بتول: (بفرحة) يا نانسي!

(بتحضنها) أنا هبقى أم. نانسي: آه، هتبقي أم. بس خدي العلاج اللي كتبته لك ده، وامشي على الأكلات دي عشان ما تتتعبيش، أنت عندك أنيميا. بتول: حاضر. (وتاخد الشنطة وتخرج جري عشان تقول لكمال) في القصر سعاد: إزيك يا بتول يا حبيبتي؟ مالك وشك مصفر كده ليه؟ بتول: ما فيش حاجة يا ماما، أنا كويسة. أنا بس هطلع أستريح شوية، ولما كمال يوصل، قولوا لي. سعاد: ماشي يا حبيبتي. (نهال بتطلع ورا بتول) بتول: (الو يا جميلة) فين؟

جميلة: أنا خرجت أشتري شوية حاجات. بتول: أنا اكتشفت إن أنا حامل يا جميلة، بس ما تقوليش لكمال، أنا أول ما يوصل كمال، هقول له. نهال: (من ورا الباب) حامل؟ جميلة: ألف ألف مبروك يا حبيبتي. أنا ساعة وبكون عندك. بتول: أنا بجد مش قادرة، إزاي هبقى أم؟ وكمال هيبقى أب. كمال هيفرح قوي، كان نفسه في ابن منا. نهال: ما تفرحيش قوي كده يا بتول. جميلة: أهم حاجة خلي بالك من نفسك، وما تعرفيش نهال إنك حامل، عشان ما يبقاش في خطر عليكي.

بتول: لا لا، ما تقلقيش، كده أو كده أنا هعرف كمان النهاردة، واعتبر إن دي آخر ليلة النهاردة لنهال في القصر. جميلة: ليه؟ هتعملي حاجة تاني؟ بتول: لا، هروح مشوار كده بسرعة، وهرجع. جميلة: لا خليك يا بتول النهاردة في البيت، أنا خايفة عليكي قوي، ما تخرجيش النهاردة. بتول: لأ، لازم، عشان أنا تعبت. أنا عايزة أعيش في سلام، بالذات إن أنا حامل. أنا هنسى أي حد أذاني، بس لما آخد حقي من اللي آذاني.

جميلة: أوعك تتصرفي من غير ما تقولي لكمال حاجة يا بتول. أنت هتخلي نفسك تبقي في خطر. بتول: (بتقفل في وشها وبتاخد الشنطة وبتخرج من القصر) نهال: (بتخرج وراها) شكلها هتبقى نهايتك انت. بتول: (تاكسي وبتركب على الحارة) (بعد وقت طويل بتول بتوصل عند الحارة اللي فيها مامتها) سامية: مين؟ بتول: بنتك يا ماما، لحقتي تنسيني؟ سامية: (بتعب بتاخدها في حضنها وبتفضل تعيط) عمري ما أنساكي. تعالي، بتول تعالي. بتول: إيه اللي غيرك؟

مش كنت عايز تموت بنتك؟ متفقة مع عامر ونهال؟ ولا أنت دي خطة جديدة أنت عاملاها؟ سامية: والله يا بتول، ربنا اللي يعلم إني عرفت غلطتي وبكفر عنها. وأنا بسدد للناس كل فلوسها، وبعدت عن نهال نهائي. والله من ساعة ما خرجت من السجن، وأنا حرمت أعمل أي حاجة، وعرفت بجد قيمتك أنت وجميلة. أنا بجد ما كنتش أم كويسة، أنا آسفة يا بتول، عايزة تسامحيني، أنا آسفة بجد. (وبتاخدها في حضنها وبتفضل تعيط) بتول: (بدموع)

كان نفسي يا ماما حضنك ده يبقى من زمان قوي، لما أحتاجت بجد. خلاص، أنا كمان عوضني عن كل حاجة. هو عادي، أنت كنت فين؟ محتاجاك، كنت فين؟ لما أبقى تعبانة وعايزاكي، كنت فين؟ لما كنت بموت، كنت فين؟ لما كنت في غيبوبة، كنت فين؟ لما تقفي قدام الناس كلها وتحاربيهم، مش تبقي مشتركة معاهم على موت بنتك؟

ما تفكريش إن الجرح اللي أنت جرحتيه لي ده صغير وهيخف وهيتنسي، لا، ده كبير قوي وبيوجع. أنا من وأنا عندي خمس سنين يا ماما، ما شفتش يوم حلو معاكي. تصوري إن أنا وأختي بتخلينا نشحت؟

أنا مش عايزة أفتكر الماضي، عشان جايه أقول لك، بس عايزة أعترف على نهال. أنا مش هوديها السجن غير لما تكون الأول كفرت عن ذنوبها زيك كده، وحست إن هي كانت غلطانة. هو ده السبب الوحيد اللي خلاني أخرجك من السجن. كانت في السجن هتبقى أوحش، لأنها هتبقى شايفة إن ملهاش أمل في الحياة. ما هي خلاص في السجن. أنا عايزاها تعرف إن هي غلطت غلطها كبير، إن هي تعمل حاجة زي كده، كل ده عشان بتحب شخص تأذي الثاني. بس أنا عايزاك تبعدي عنها وخلاص. عامر اتعدم، ما بقاش موجود، مات. فاضل لي نهال. أنا عرفت أخليك كويسة، وده اللي أنا كنت عايزاه، وكنت عارفة إنك هتبقي كويسة. لكن أنا دلوقتي عايزة أخلي نهال تعرف غلطها بجد.

سامية: أوعك يا بتول، أوعك يا بنتي، مش لازم تصلحيها. هي وحشة، مش هتتعدل. أنا عارفة، أنا عارفة طبعها كويس قوي. هتحاول تقتلك بأي طريقة. ابعدي عنها يا بتول، ابعدي عنها. أنا حاسة إني خلاص هموت، أنا، أنا مش هعيش في الدنيا دي كتير بعد اللي أنا عملته، فبحاول أكفر عن ذنوبي. أرجوكي يا بتول، أنا عارفة كويس، أنا عارفاه. بتول: لا يا ماما، ما تقوليش كده. اللي خلاكي تبقي كويسة، هيخلي نهال تتعدل، وأنا عارفة.

سامية: اللي تشوفيه يا بتول، بس تعالي في حضني، عشان أنا عارفة إني خلاص دي أيامي الأخيرة. هتوحشيني يا بتول، وحشيني قوي. بتول: (بتفضل تعيط في حضنها) أنا قلبي طيب يا ماما، ومن زمان أنا ناسيه اللي أنت عملتيه فيا أصلاً. خلاص، أنا مسامحاكي. (وبتبوس على راسها) بس عندي خبر لك حلو، أنا حامل. سامية: (بدموع فرح) بتول، أرجوكي. (وبتبوس إيديها)

أوعك تعرفي حد إنك حامل غير جوزك، وما يبقاش حد عارف في القصر عندكم. فيه تعابين. أنت خرجتي مصيبة على دماغك، نهال دي مصيبة. بتول: عادي يا ماما، ما بقتش تفرق. المهم إن أنا عرفت أصلحك، وأخليكي تعرفي إنك كنت غلطانة. دي أهم حاجة عندي. (بعد وقت طويل وبتول قعدت مع مامتها فترة طويلة جدا) بتول: سلام يا ماما، لازم أمشي. سامية: ماشي يا حبيبتي. ما تنسيش إن عندك أم تسأل عليه. بتول: حاضر يا ماما. في الشركة كمال: الو يا بتول.

بتول: إيه يا حبيبي؟ كمال: أنتِ فين؟ بتول: رحت أكشف بس عشان كنت تعبانة شوية، وعندي خبر حلو قوي، لما ترجعي أقول لك. كمال: (بقلق) أنتِ كويسة يا بتول؟ أنتِ فين وأنا أجي آخدك؟ بتول: (بد وخه) أنا يا كمال. (وب يغمى عليها) كمال: (بقلق) بتول، بتول، يا حبيبتي، أنتِ سامعاني؟ مجدي: حاضر. العربية بسرعة. نهال: (بشر) طلعوها في العربية يا عادل. بتول....... يتبع