رواية عشقت ظابط مخابرات الفصل السابع 7 - بقلم سجود بكري

عند سليم كان قاعد على البحر وشاف بنت بتعيط، راح ليها. سليم: مالك يا آنسة؟ البنت مردتش. سليم ببرود: طب قومي من هنا عشان محدش يرخم عليكي. البنت بدموع وعصبية: انت مالك يا عم أنت، ابعد عني. سليم ببرود: براحتك، سلام يا قطة. البنت كانت ماشية، في ولد جه مسك دراعها جامد. البنت بدموع: ابعد عني يا حيوان، ابعد. هو بخبث: مش هبعد، ويلا تعالي معايا. البنت صوتت. سليم جه بسرعة وشدها وضرب الواد، والواد طلع يجري.

سليم بعصبية: قلتلك قومي من هنا، وانتي مسمعتيش الكلام. البنت بعياط: وأنا قلتلك ملكيش دعوة بيا، أنت وحش زيهم. وفضلت تعيط. سليم زعل عليها: طيب اقعدي واحكيلي. البنت ببراءة: وعد متقوليش لحد وتسمعني للآخر. سليم ابتسم: وعد. أنتي اسمك إيه أصلاً؟ البنت ابتسمت: حور. سليم: ماشي يا حور، احكيلي بقى مالك.

حور بدموع: أنا أمي ماتت وأنا عندي 10 سنين، بعدها بأسبوع بابا اتجوز واحدة وكان عندها ولد أكبر مني بـ 5 سنين. كانت بتفضل تضربني وابنها كان دايماً يرخم عليا. وهي كانت بتعملني حلو قدامه، لكن من وراه مش بتخليني آكل أو أقعد معاهم، كنت أنا على طول اللي بعمل كل حاجة. وقدامه كانت بتعمل هي وبابا كان بيضربني عشان مش بعمل حاجة معاها. وبابا مات من شهر. هي كانت بتعملني وحش أوي. وانهاردة ابنها كان بيحاول... وسكتت.

بعدها كملت: هربت منهم وهو اللي كان بيشدني، وانت ضربته. سليم بحزن: ممكن طيب تمسحي دموعك، وأنا هاخد حقك منهم كلهم والله. حور قامت وقالت: آسفة بقى، شكلي نكدت عليك. سليم: لا يا ستي عادي. أنتي راحة فين؟ حور بابتسامة حزينة: معرفش. سليم بحنان: تعالي معايا البيت. حور بعصبية: أنت واحد سافل ومش متربي. ولسه هتضربه، بألم سليم مسك إيدها. سليم بضحكة: أنتي فاهمة إيه؟ أنا معايا أختي في البيت على فكرة. وضحك جامد. حور سرحت في ضحكته.

سليم بغمزة: إيه؟ أنا عارف إني قمر وكل البنات بتعكسني. حور فاقت واتكسفت: احم، يلا نمشي. سليم ابتسم: يلا. ركب العربية هو وحور ومشوا. **نتعرف على حور:** حور علي: عمرها 19 سنة، قصيرة، شعرها طويل وعيونها خضرا وبيضا. خلصت ثانوي ومدخلتش الكلية. *** نروح عند عم ملاك. حسن: بشر. شام: إيه؟ حسن بخبث: آخد الورث اللي أبويا كتبه ليك. شام بصدمة: إيه؟ عبير بصدمة: أنت اتجننت يا راجل؟ شام بجمود: وأنا موافق.

حسن بخبث أكبر: تمام، بكرة تنازل عنه ليا. شام بجمود: تمام، أنا ماشي. مشي هشام. عبير بضيق: أنت عايز تاخد ورث الواد يا حسن؟ أنت اتجننت؟ حسن ببرود: ملكيش دعوة، أنا داخل أنام. عبير دخلت نامت هي كمان. *** نروح عند فهد ونور. فهد بعد عنها وشاف وشها كله أحمر. فهد بحب: أنا بحبك أوي يا نورين. نور بحب: وأنا كمان يا فهد. فهد بخبث: أنتي إيه؟ نور بكسوف: خلاص بقى يا فهد. فهد بحزن مصطنع: خلاص، يلا عشان أروح.

نور شافت فهد زعل منها، قربت منه وبسته. فهد اتصدمت منها. نور بعدت عنه وقالت. نور بكسوف: أنا بحبك أوي يا فهد. فهد بعشق: أنا أكتر يا قلب فهد. يلا نمشي. حور مكسوفة هزت راسها ومشيت. تليفون فهد رن. فهد: الو يا فندم. اللواء مدحت: تعالى أنت وفارس وسليم حالاً. فهد بقلق: حاضر يا فندم. وقفل معاه واتصل بسليم وفارس وروح نور وراح المخابرات. *** عند سليم، دخل بحور وشاف حنين. حنين باستغراب: مين دي يا سليم؟ سليم: دي حور.

حور بكسوف: لو مدايقة أنا ممكن أمشي. حنين بحب أخوي: تمشي مين؟ أنا مصدقت لقيت حد أقعد معاه. وحضنتها. حور ابتسمت بحب. سليم بهدوء: يلا اطلعوا ناموا. حنين وحور طلعوا ناموا، وسليم راح الشغل. عند فارس وملاك. ملاك قامت شافت فارس بيلبس. ملاك بنوم: رايح فين يا فارس؟ فارس بحب راح ليها وبسها: رايح الشغل، في اجتماع مهم. ملاك بزعل طفولي: يعني هتسيبني لوحدي؟ فارس بخبث: أنا ممكن أقلع وأقعد، بس متزعليش بقى. 😉

ملاك بتوتر: ها، لا خلاص روح شغلك وأنا هنام تاني. فارس ابتسم وباس راسها: خلي بالك من نفسك يا قلبي، تصبحي على خير. أنا مش هتأخر. ملاك بحب: ماشي، وأنت من أهله. ونامت. وفارس بسها براحة ونزل. *** في مكتب اللواء مدحت. الباب خبط. اللواء مدحت: ادخل. دخلوا الشباب كلهم. اللواء مدحت: اقعدوا يا شباب. فارس بهدوء: خير يا فندم، حضرتك طلبت إننا نيجي.

اللواء مدحت: آه، هقولكم على المهمة والحاجات اللي عاوزين تعرفوها، بس خلي بالكم. المهمة دي صعبة جداً. فارس: بيشتغل إيه؟ سليم: اسمه إيه؟ فهد: مين دراعه اليمين؟ اللواء مدحت: يبقى أكبر تاجر سلاح وآثار، ودراعه اليمين يبقى رامز، صحبه من زمان، والحارس الشخصي بتاعه واسمه رعد المنشاوي. الشباب كلهم بصدمة: مين؟ سليم بصدمة: رعد المنشاوي؟ أكبر رجل أعمال ده بيعمل خير كتير. فهد: ده مفيش حد مش بيحبه وبيحترمه.

فارس بغموض: متقلقش يا فندم، إن شاء الله هنبقى قدها. يلا بينا يا شباب. كل واحد روح نام، وفارس روح شاف ملاك نايمة حضنها ونام. *** نروح عند المجهول. المجهول 1: ها يا رعد هنعمل إيه؟ المجهول 2 (رعد) : أنا عاوزها بكرة تكون عندي يا رامز. رامز: طب أنا عاوز أعرف أنت عايز من ملاك إيه؟ رعد بشر: هنتقم فيها من فارس عشان بيدور ورايا. رامز بقلق: بس يا رعد، فارس مش سهل. رعد ببرود: أنا هقولك إحنا هنعمل إيه... رامز بصدمة: إيه؟

أنت اتجننت؟ رعد المنشاوي: أكبر تاجر سلاح وآثار، بس تعرف عنه إنه راجل طيب ومحترم، عنده 30 سنة، عيونه سودا وطويل وقمحاوي وجسمه رياضي. رامز الشامي: صاحب رعد، عنده 30 سنة، طويل، جسمه رياضي وقمحاوي، عيونه بنية.