رواية عشقت تلميذتي الفصل الثاني 2 - بقلم مريم محمد

علي: انسه ملك ملك وقفت وقلبها بيدق جامد، ومنزلة رأسها في الأرض. علي: ممكن تبصيلي؟ ملك رفعت راسها بخجل وبصتله. علي: كله بيقول عنك شاطرة، ممكن اعرف في حصتي مش بتركزي ليه وبتسرحي؟ ملك بتوتر: أنا أنا أنا أنا والله يا مستر. ثم كملت بتنهيدة: معرفش يا مستر، بس أنا مش بعرف أركز في حصتك. علي: حاولي يا ملك تركزي، ناقص شهرين على الامتحانات. ملك: إن شاء الله يا مستر، عن إذنك. علي بابتسامة: اتفضلي.

مشيت ملك وهي هطير من الفرحة إنها كانت واقفة مع علي. في البيت عند ملك، دخلت وهي بتغني. سميرة (مامتها) : وصلتي يا ملك؟ ملك دخلت لمامتها المطبخ وهي بترد عليها: أه يا مامتي يا روحي. سميرة: طب ادخلي ارتاحي شوية لحد ما أجهز الأكل. بليل، على الساعة 12، ملك صحيت على صوت مامتها اللي كان عالي. طلعت تشوف في إيه، وفجأة ظهر على ملامحها الغضب. ملك: انت عايز إيه يا راجل انت؟ سميرة: اهدي يا ملك، ده شكله عايز البوليس.

كاظم: قلتلكم عايز أشتري بيتكم بأي رقم انتوا هتقولوا عليه. ملك: واحنا قولنا بيتنا ومش هنبيعه، ده من ريحة بابا، واتفضل من هنا. كاظم بعصبية: لأ هتبيعوه البيت غصب عنكم. سميرة: اطلع بره. كاظم طلع والشر في عينه. ملك: ماما تعالي نروح نعمله محضر عدم تعرض. سميرة: بكرة يا بنتي. ملك: لأ دلوقتي يا ماما، قومي البسي. بعد شوية، ملك ومامتها جهزوا ونزلوا يروحوا يعملوا محضر. بعد شوية دخلوا مقر الشرطة.

ملك لأحد العساكر: لو سمحت، أنا عايزة أعمل محضر، أدخل فين؟ العسكري: تعالي بكرة عشان النهاردة محدش فاضي للمحضر بتاعك. ملك بعصبية: يعني إيه؟ هو اللي مفيش حد فاضي؟ فجأة جه صوت قوي من ورا. صوت قوي: في إيه يا محمد؟ العسكري بتوتر: يا باشا دي واحدة عايزة تعمل محضر. بتلف ملك عشان تكلم الظابط. ملك وهي بتلف: حضرتك أنا عايز... ملك قبل ما تكمل جملتها اتصدمت. ملك بصدمة: مستر عليووووو.