رواية عشقت تؤام محبوبتي الفصل الأول 1 - بقلم جاسمين محمدجمميع الفصول)

لم أقوم أصحّي العيال دي اللي هتتأخر على الشغل. حياة ياحياة قومي الشغل. حياة: يوووه بقا سيبيني أنام، مالكيش دعوة بشغلي. _كيف ده يابنت قومي. حياة: روحي صحّي حور بس وامشي بقا وريّحتي. شدّت البطانية على دماغها ورجعت نامت. _استغفر الله العظيم. وراحت على السرير التاني. عليه حور حور يابنتي قومي. حور: صباح الخير يافوفه. _صباح النور ياقلب فوفه، قومي الشغل. حور: الساعة كام؟ _الساعة 6 ونص.

حور: اشطا، أقوم أطلع ألبس وآخد دش وألبس وصلي عقبال ما تجهزي الفطار. _ماشي ياقلبي، قومي وصحي المصيبة دي معاكي. حور: حاضر ياروحي، روحي انتي. (فوفه دي بتكون فوزية مامتهم) حور: حياة قومي بقا. وعمالة تهز فيها وتشد البطانية من عليها. حياة: بت انتي سيبيني أنام. حور: والشغل ياهانم؟ حياة: فهد مش بيكلمني لو اتأخرت، زايد هو لسه مصحاش كمان، لما يصحى أبقى أنا أصحى. حور: لا إله إلا الله، براحتك. أنا أروح أنام. وسابتها ومشت.

حياة: شاطرة، سلام. حور وهي بتقفل باب الأوضة ورايحة ناحية الحمام وزعلانة. فوزية: الجميلة زعلانة ليه؟ حور: مافيش حاجة ياروحي. فوزية: انسيه يابنتي وارتاحي. حور: بحاول ياماما ومش قادر، بس أوعدك إني أنسى عشان مينفعش، بعد إذنك. وسابتها ودخلت الحمام. فوزية: ربنا يسعدك ياحبيبتي ويعوضك بالأحسن منه ويسعدك في حياتك يارب. ورجعت على المطبخ. في مكان تاني. _صباح الخير على عصافير الحب. هالة: صباح الورد ياروحي.

محمد: صباح الجمال على أجمل بنت في الكون. ريتاج: قلباااااا انتو الاتنين عاملين إيه؟ محمد وهالة: الحمدلله بخير ياروحي، طول ما انتوا بخير قدامنا. ريتاج: يارب دايماً يارب. أه صح، فين فهد؟ عايزاه. محمد: لسه نايم، اطلعي صحيه عشان عندنا شغل وميتأخرش. ريتاج: من عيوني. وسابتهم وطلعت تجري على السلم عشان تصحّي فهد. أول ما وصلت لحد الأوضة فتحتها ودخلت من غير ما تخبط. ريتاج بصوت عالي: فهددددد البيت بيولععععع.

فهد قام مفزوع وقام يجري من على السرير. فهد: البيت كيف ده؟ رن على المطافي طيب. ريتاج واقفة عمالة تضحك. فهد بيبصلها. فهد: عبشكلك ياشيخة. ريتاج وقعت على الأرض من الضحك على فهد. ريتاج: مهو أنا مش هعرف أصحيك غير كده، صباح الورد يابرنس. فهد وهو حاطط إيده في نصه: صباح الزفت على دماغك، أضربك أنا دلوقتي. ريتاج: عيب تضرب أختك الصغننة، عيب. فهد: عيب، انتي تعرفي العيب؟ يلا اطلعي خليني أتخمد تاني. وراح ناحية السرير ولسه هيرقد.

ريتاج: تتخمد إيه؟ اخلص قوم، عايزك في حاجة. وراحت شادة ومقومه قاعد على السرير. فهد: عايزة إيه يانيلة على الصبح؟ اخلصي. ريتاج: أول حاجة بابا عايزك عشان الشغل والشركة، وتاني حاجة عايزك تجيلي الجامعة النهارده. فهد: ليه؟ في إيه في الجامعة؟ ريتاج: معرفش، بس العميد قال إنه عايزك ورن عليك وانت مردتش. فهد: اه رن وكنت مشغول ونسيت أرن عليه، وتمام، ماشي، أجي أشوف فيه إيه. يلا بقا اطلعي عايزة أنام. ريتاج: تنام إيه؟

قوم الساعة سبعة ونص، اخلص. فهد: قولت غوري اطلعي وسيبيني أتخمد. ورجع رقد تاني. ريتاج لقحت المخدة عليه. ريتاج: تتخمد، عيل بارد. وسابته وطلعت. هالة: ها ياحبيبتي صحي؟ ريتاج: لا ياماما، صحيته ورجع نام تاني. هالة: مدام صحي وقام يبقى مش هيعرف ينام تاني، يلا انتي على جامعتك. ريتاج: ماشي ياماما. فهد: أووووف منك لله ياريتاج، مش عارف أنام تاني. وبيبص لاقي رسالة جاتله، مسك الفون يشوفها.

فهد: صباح الورد ياقلب حبيبك، هقوم أهو أغير وأجي نفطر سوا وبعدين نروح الشركة، أول ما أخلص أرن عليكي، باي. وراح قافل الفون وقام دخل الحمام. حور: الحمدلله، أقوم أمشي أنا بقا ياماما، هتعوزي حاجة؟ فوزية: ماشي ياحبيبتي، بس شوفي المصيبة دي يمكن تصحى وتروح معاكي. حور: مش هتصحى. ولسه مخلصتش كلامها ولقت حياة طالعة من الأوضة. حياة: صباح الخير. حور وفوزية: صباح النور. فوزية: كويس إنك صحيتي، يلا عشان تلبسي وتروحي مع أختك.

حياة: لأ، خليها هي تروح، روحي انتي ياحور عشان عارفة إني عندي شغل قبل ما أروح. وراحت غمزلها. حور: تمام ياحياة، يلا ياماما أروح أنا. لا إله إلا الله ياماما. فوزية: محمد رسول الله ياحبيبتي. وراحت بصت لحياة. حياة: يلا أروح آخد دش عشان ألبس. وسابتها ودخلت الحمام. جاسر: صباح الخير ياكبير. محمد: صباح النور ياحبيبي. جاسر: فهد فين؟ محمد: مانت عارف، لسه شوية عقبال ما يجي. جاسر: تمام، بس النهارده في اجتماع الساعة 10، ليه هو؟

محمد: طيب رن عليه وقوله عشان الساعة 8، عقبال ما يقوم وياخد دش ويلبس ويجي، هو والهانم تكون جت عشرة. جاسر: حاضر. ولسه هيرن. حور: مترنش، هو أكيد قام عشان حياة قامت. جاسر: اممم تمام. حور: صباح الخير. جاسر: صباح النور ياللي شبه الحورية. محمد: صباح الورد ياحبيبتي. حور: اتلم ياجاسر بيه، ها اتلم. عامل إيه يا أستاذ محمد؟ جاسر: والله أنا غلطان إني بعبرك ياجعفر انتي. محمد: اتلم ياض عن حبيبتي، أنا كويس ياحبيبتي مدام انتي كويسة.

جاسر: مش عارفة، كله بيجي معاها ليه وبيحبها دي؟ جعفر والله. حور: مالكش فيه واتلم عشان مقولهاش ها. جاسر: لا عيب خلاص. محمد: يخوف، ههه. حور: اللي يشوفك في الشغل ميشوفكش قدامها والله. جاسر: لازم أبقى في الشغل شديد وعصبي ومعاها. حور: كتكوت صح. محمد: صح. جاسر: اتلمي، أخصم منك أيام. حور: هههه، أستاذ محمد مش هيوافق والشركة بتاعته مش بتاعتك. جاسر: طيب غوري على شغلك طيب وجهزي للاجتماع بتاع النهارده. حور: حاضر. بعد إذنكم.

وسابتهم وراحت مكتبها. تعريف الأشخاص: حور: عندها 22 سنة، متخرجة من كلية علوم، عيونها زرقاء وبشرتها بيضاء ومتوسطة الجسم والطول، ومحترمة، وتعيش في حي متوسط المعيشة، ووالدها متوفي. حياة: أخت حور التوأم، عندها 22 سنة، وشبه حور بالظبط، ومتخرجة من كلية علوم برضو، بس صايعة شوية عن حور. فهد: فهد الصيوفي، صاحب أكبر شركات أدوية في مصر، عنده 28 سنة، طويل وجسمه رياضي وعنده عضلات ودقن خفيف، وعيونه رصاصي.

ريتاج: أخت فهد، عندها 21 سنة، في آخر سنة في كلية علوم، جسمها متوسط وعيونها رصاصي زي فهد وبشرتها بيضاء. جاسر: جاسر الصيوفي، ابن عم فهد، عنده 28 سنة، جسمه رياضي وعيونه عسلي وطويل.