رواية عشقت تؤام محبوبتي الفصل السابع 7 - بقلم جاسمين محمدجمميع الفصول)

ريتاج راحت لقت حور واقفة في المطبخ بتعيط. ريتاج: إحنا قولنا إيه، نرضى بأمر ربنا. حور: ونعم بالله، يلا نطلع. ريتاج: يلا. طلعوا واتكلموا ووافقوا وفوزيه زغرطت. حياه في أوضتها: موافقة وبيزغرطوا! بقى أنا مش هتجوزه، يعني مش هتجوزه. وهي بتتكلم لقت ظل حد واقف برا قدام الأوضة. فتحت الباب وطلعت تبص. لقت حور واقفة. حياه: إنتي واقفة ليه كده؟ حور: إيه اللي أنا سمعته ده؟ حياه: وإنتي مالك؟ حور: مالي إزاي؟

إنتي تختاري فهد اللي إنتي بتكلميه؟ ومين ده أصلًا؟ حياه: مالكيش فيه، ومش هسيب فهد أبدًا عشان إنتي متخديهوش. أنا عارفة إنك بتحبيه وعايزاه، بس أنا مش هخليكي تاخديه. حور بصدمة: إيه اللي إنتي بتقوليه ده؟ حياه: إيه؟ إنتي تحسبي إني معرفش ولا إيه يا صغننة؟ أنا عارفة من زمان إنك عايزاه، بس مش هنولهولك برضو. حور: إنتي شكلك اتجننتي. أصلًا لازم تختاري حد منهم دلوقتي، وإلا هطلع أقول لماما ولفهد.

حياه: لو قولتي لحد منهم، هقول إنك بتكدبي عشان عايزة تاخدي فهد مني. وكمان عايزاني أسيب فهد؟ هتزعلي من اللي أنا ممكن أعمله. حور بصدمة: إيه اللي إنتي بتقوليه ده كله؟ ده أنا أختك! حياه: عند الحتة دي، ولا أعرفك ولا أعرف أمي حتى. اللي سمعتيه دلوقتي متحكهوش لنفسك، حتى إنتي سامعة؟ حور بصت لحياه بقرف وسابتها ومشيت. طلعت برا عند فهد وأهله. فهد: بت إنتي مش روحتي تجيبي عروستي فين؟ حور بحزن: ج... ولسه مكملتش، راحت حياه جت.

حياه: أنا أهو ياحبيبي. وارتاحت قعدت جنبه والكل بيبصلها. فهد بصوت واطي: إيه القمر ده بس. حياه: ده أقل حاجة، وإنت عارف. فهد: هههه حصل. المهم سلميلي على ماما وبابا وريتاج وجاسر. عيب. حياه: يالهوي نسيت. حاضر. وقامت سلمت عليهم ورجعت تاني قعدت جنب فهد. فهد: ها، رأيك في المدة اللي حددناها؟ حياه: مش قريب كده. فهد: قريب فين ده؟

فترة كبيرة. ولو بتتكلمي على إنك لسه مجهزتيش، أنا مش عايز حاجة غيرك. لبسك وكل حاجة جاهزة، مافضلش غيرك. لو توافقي بكرا يبقى فولة. حياه: يالهوي، إنت مستعجل ليه كده؟ اتلم. فهد: مستعجل عشان عايز حياتي جنبي. حياه: وحياتك، عايزاك بس برضه، بس لازم ناخد وقت. فهد: هو الوقت ده؟ ومش هغير غير إني أقربه. ده أسبوع كتير أصلًا. حياه: ماما، إنتي موافقة على المدة دي؟ فوزيه: لو إنتي موافقة، أنا هكون موافقة ياروحي. المهم إنتي.

حياه: اممم، تمام. خلاص أنا موافقة. فهد: أيوه كده، زغرطي ياريتاج. ألف مبروك ياروحي. ريتاج: حاضر. لولولولولوي. فهد: يلا نقرأ الفاتحة بقى. حور: اقرأوا الفاتحة إنتوا، وأنا هروح أنزل أجيب حاجة وأجي. فوزيه: هتجيبي إيه ياروحي؟ حور: هجيب طلب ليا من تحت وشوي وهاجي عقبال متخلصوا. فوزيه: طيب، روحي. ريتاج: أجي معاكي. حور: لا، خليكي إنتي جمب أخوكي. أنا هنزل وأجي بسرعة. ريتاج: طيب. خدي جاسر. قوم ياجاسر انزل معاها. جاسر: يلا ياحور.

حور: خليك. هنزل وأجي بسرعة. جاسر: اخلصي يلا، مدام ريتاج قالت حاجة تتسمع. حور: طيب، يلا. حياه بصت لحور قبل ما تنزل. جاسر وهو ماشي مع حور: جاسر: هنروح فين بقى؟ حور: معرفش بصراحة. جاسر: إنتي هبلة ابت؟ هوا إيه اللي مش عارفة؟ حور: عادي، مش عارفة. أنا حبيت أنزل شوية وبس. جاسر: حور، فيكي إيه؟ احكي. حور: مافيش حاجة. جاسر: احكي، اخلصي. حور: أحكي، بس وعد بعد ما أحكي محدش يعرف حاجة، ولا تعمل حاجة. جاسر: ماشي، وعد. احكي.

حور: سمعت حياه بتكلم واحد وبتقوله مش عايزة اتجوزه، وعايزاك إنت. وكلام غريب. جاسر: طيب، مقولتيش لفهد ليه والجماعة؟ حور: جيت أحكيلهم، قالتلي أقولهم دي كدابة وبتقول كده عشان بتحب فهد وعايزة تاخده مني، وهتزعلني. جاسر: يابنت ال... طيب واحنا هنسكت؟ حور: معرفش هعمل إيه. جاسر: هتشل؟ حور: معرفش. جاسر: طيب أنا اللي هقوله، وتوريني هتعمل إيه. حور: إنت وعدتني إنك مش هتعمل حاجة ولا هتقول لحد. خلينا ساكتين لحد ما نشوف هنعمل إيه.

جاسر: مينفعش. حور: عشان خاطري، متعملش حاجة ولا تقول لحد. جاسر: حاضر. بس لو حصل حاجة، مش هسكتلها. حور: ماشي. ويلا نروح عشان ميقلقوش علينا. جاسر: طيب، يلا. حور روحت هي وجاسر وقعدوا شوية. وجاسر وفهد وريتاج ومحمد وهالة قاموا استأذنوا وروحوا. وحياه وحور دخلوا أوضتهم. حياه: أوعى يكون حكيتي حاجة لجاسر، هتندمي. حور وهي بتفرط البطانية: محكتش حاجة. أنا هنام. حياه: لم نشوف. حور: ماشي. تصبحي على خير. حياه: وإنتي من أهل الخير.

بعد أسبوع. يوم الفرح. حياه: النهارده الفرح؟ هتسيبنا نتجوز؟ _اهدي بس. لو تعرفي تجيلي وتسيبيه الفرح، تعالي. حياه: ماشي. هعرف. بس إنت فين دلوقتي؟ _تعاليلي في المكان اللي بنتقابل فيه. حياه: ماشي. مسافة السكة وأكون عندك، ونسافر. _تمام. بس لما تيجي نشوف الموضوع ده. سلام ياروحي. حياه: سلام ياقلبي.