رواية عشقته صعيديا الفصل الرابع والعشرون 24 - بقلم سهيلة احمد

فهد بصدمة: إيه اللي إنتي عاملاه ده؟ حور بعياط وبتحضنه: كنت فين؟ أنا قلقت عليك أوي. فهد بحنان: بس اهدى ياروحى، أنا بس قعدت مع الشباب. حور بغضب: آه ومش هامك تعرف الكلبه دي مش كده؟ فهد: إيه يا حور، أنا مش صغير يعني. حور: لأ، فيه الجو بالليل فكرتك في أوضتنا اللي تحت، بس ملقيتكش، بقالك أكتر من ساعتين تحت. فهد: أنا جوزك وراجل على فكرة، يعني أتأخر براحتي.

حور بشراسة: لأ مش براحتك، علشان أنا بقلق عليك. بعد أما هديت، أنا بجد خوفت يا فهد. فهد: من إيه بس ياحبيبتي؟ حور: مش عارفة. يمكن كنت زعلان مني، فأنا قلقت. وقربت عليه بدلع: إنت مش ناسي حاجة؟ فهد وهو بيبوسها من رأسها: كل ثانية وإنتي بخير وسعادة، وكل لحظة وإنتي في حضني يارب. تعيشي لمليون سنة. حور: هبقى عجوزة ووحشة يا فهدى. فهد: هتفضلي حلوة في عيني حتى لو سنانك وقعت. ههههه. مش متخيل منظرك.

حور: عارف إن عيد الميلاد ده أحلى من أي عيد ميلاد قبل كده. فهد: اشمعنى يا قلبي؟ (كانوا بيتكلموا وهي على رجله وهو حاضنها) حور بسعادة: علشان إنت معايا وأنا في حضنك. وبهمس: أنا بحبك أوي أوي أوووووي يا فهد. فهد: وأنا بعشقك يا قلب فهد من جوة. حور: لأ مش فاهمني، مش علشان حاجة، بس أنا بحبك علشان إنت تتحب. كنت متوقعاك فاهم كده، بس إنت عاوز تسمعها، حاضر يا سيدي. ووقفت في نص الأوضة.

حور: بص يا دكتور فهد يا سباعي يا أبيض يا عريسي إنت، أنا بحبك. لأ إنت خليتني أعشقك، ومستحيل أسيبك. لأن روحي بتجري وعايشة بحبك إنت. بحلم بحتة صغنطوطة خالص قد كده في قلبك، بس مش طمعانة والله. فهد بسعادة بالغة: أقسم بالله أنا قلبي مش معايا أصلاً. قلبي سابني من يوم ولادتك. إنتي أنا كنت بحلم تفضلي معايا، بس خلاص هنعيش سوا ومش هنبعد عن بعض أبدا. قولي إنتي عاوزة إيه وأنا أعمله وقتي.

وحضنها وفضل يلف بيها وسط ضحكهم شوية وعياطهم شوية. حور بحب: تفضل معايا ومتسيبنيش. فهد: أمرك يا فندم. حور: تسيبني أقرأ روايات براحتي. فهد: محلات الروايات كلها تحت أمرك. حور: والله ما بحبك من فراغ. فهد بغمزة: طب إيه، كلام رومانسي وأحضان وبحبك وشوية وهنعيط؟ حور: فهد اتلم علشان إنت بقيت قليل الأدب. فهد: بقيت أنا مولود قليل الأدب، دي حاجة في دمي قلة الأدب دي. حور: فهد بطل تقرب، والله بتكسف.

فهد: أهو أنا مش هقرب، أنا هعمل حاجة تانية. وهوب شالها. حور بخجل: فهد. فهد بهيمان: قلبه. حور: يا فهد. فهد: حياته. حور بضحك وخجل: الله بقى. بعد شهرين. فهد بتوتر رايح جاي في ساحة القصر. الجد: يابني بقى خيلتني. فهد بتوتر: فيه حاجة غريبة حصلت، أنا مش فاهمها. الكل: إيه؟ فهد: حور بقالها تلات دقايق مقالتش جعانة، فأنا خايف. حور بغضب: على فكرة إنت بارد والله، وكل شوية تبصلي. مش إنت اللي عيالك شحوطة زيك وبيجوعوني.

فهد بغيظ: ماهي حامل أهيه (صفاء) ودي كمان (جميلة) . اشمعنى إنتي عاملة شبه البالونة وإنتي لسه في التاني؟ حور ببكاء: قول كده بقى إني أنا بقى شكلي وحش وإنت هتسيبني. فهد بحنان: مقدرش أسيبك، بس إنتي خلصتي على أكل مصر، الناس الغلابة تاكل منين؟ فاطمة بحب: يا حبيبتي ده بيضايقك، متسمعيش منه. وإنت عندك كلمة حلوة قولها، معندكش يبقى تخرس. فهد: أنا أصلاً رايح المستشفى، ادعولي. فاطمة وحور: توصل بالسلامة، في رعاية الله.

في يوم الساعة اتنين بالليل. حور: فهد، فهد. فهد بنوم: إيه يا حور؟ حور: اصحى، عاوزة أتكلم معاك. فهد: يا بنت الحلال، ورايا شغل، نامي. حور بضجر: قوم بقى. فهد: إيه يا حور، عاوزة تتكلمي معايا في إيه الساعة اتنين؟ حور: استنى أعملك قهوة تصحصح معايا. وراحت عملت القهوة. فهد: خير، علشان قهوتك مش مطمناني. حور: هو موضوع شاغلني من فترة وعاوزة أسألك. فهد: جيب العواقب سليمة يارب. حور: هو أنا أحلى ولا هيفاء وهبي؟

فهد بصدمة: نعم يا روح أمك؟ حور: اسمع بس، أنا ولا هي. فهد بغضب: إنتي يا حبيبتي. حور: طيب، أنا اللي أحلى ولا ياسمين صبري؟ فهد: هو ده عرض؟ أنا اللي أحلى ولا زوجات أبو هشيمة؟ حور بغضب: رد على قد السؤال لو سمحت. فهد: إنتي برده. حور: كداب، إنت بتقول كده علشان ترضيني. هما الاتنين أحلى. فهد: خلاص، هما أحلى. حور: هما أحلى من مراتك؟ طب حتى جاملني، خاف على زعلي ولا إزاي؟ مش خلاص؟ فهد: إنتي متضايقة ليه بس؟

حور وهي تستلقي على الفراش: لا أبداً، إنت لو مهتم كنت عرفت لوحدك، إنما الاهتمام مبيتطلبش يا أستاذ. فهد بصدمة: طب يمين بالله مجنونة. وراح حضنها: إنتي أحلى من أي واحدة في الكون كله في عيني. حور بفرحة: بجد؟ فهد: جد الجد كمان، متقارنيش نفسك بحد. حور ببراءة: آخر سؤال والله. فهد: اسألي يا حبيبتي. حور: أنا اللي أحلى ولا مي عمر؟ فهد بغضب: هرمونات الحمل دي قرفتني على فكرة. حور ببكاء: إنت بتزعقلي ليه؟ أنا إيه اللي خلاني أتجوز؟

أنا كنت قاعدة في بيت أبويا معززة مكرمة، باكل وبشرب ببلاش، مش كل شوية تكلمني. بس لما النهار يطلع هلم شنطة هدومي وهروح بيت أبويا. فهد: والله؟ طب وليه تستني للنهار؟ روحيله من دلوقتي. يلا بس أبوس إيدك سيبيني أنام. حور بطفولة: طب مش راحة وقاعدة على قلبك، هيه. يلا بقى، مش هتعرف تخوني. فهد: يابنتي، وأنا من إمتى خونتك أصلاً؟ حور: تخوني؟ ممكن أعرف، إنت لسه مخنتنيش ليه لدلوقتي؟ فهد: حاضر، بكرة الصبح هخونك. حور: عاااا!

هتخونى وبتقوليهالي في وشي؟ طب خونى من ورايا يا بجح. فهد بعصبية: يمين بالله لو مانمتي لأكون سايبلك الدنيا وقايم نايم في البلكونة. حور: لأ خلاص. بعد شوية. حور: فهد، فهد. فهد: نعم يا حور، مانا مش هخلص. حور بنعاس: أنا بحبك أوي. فهد بعشق: وأنا بموت فيكي. نامي بقى. بعد عشر سنين. حور جابت حياة عشر سنين، وأسد تمن سنين، ومراد خمسة. على شط إسكندرية. حور: بس بقى يا حياة علشان متبرديش. حياة: خافيش، حوال أنا بلعب أنا وأسد.

(متخافيش حور أنا بلعب وأسد) فهد: سيبيها تلعب يا حبيبتي. حور: يا فهد كفاية، لا تتعب. فهد: متخافيش. حور وعدتك إننا هنيجي هنا وحياة عندها عشر سنين. حور: أيوة. فهد بعشق لم يقل بينما زاد أضعاف: أنا بموت فيكي وبتنفسك. ربنا ميحرمنيش منك. أحببتك منذ البداية وسأظل أتنفسك حتى النهاية. حور: وأنا بعشقك. ربنا يبارك فيك ليا. استمع لدقات قلبي ستجد نبضات تتشاجر للنبض باسمك.