رواية عشقتها بجنون الفصل الثاني والعشرون 22 - بقلم بسملة بدوي

وقفنا المرة اللي فاتت أما أوس اتعصب جداً أما شاف حور بالفستان وراح لها بعصبيّة وقال: -خمس دقايق لو مش غيرتي الارف ده مفيش خروج، يالا بسرعة. حور جريت بسرعة راحت غيرت ولبست بنطلون جينز أزرق وبلوزة رقيقة بيضاء وكوتشي أبيض وعملت شعرها كحكة فوضوية ونزلت خصلات من شعرها على وشها من قدام، كان شكلها ملاكي وكيوت أوي. أوس بغيظ: -أعمل فيكي إيه؟ أحطك في علبة وأقفل عليكي؟ بس محترم عن اللي فات. عايزة تلبسيه إلبسيه قدامي بس.

وغمزلها. حور اتكسفت جامد وبقى وشها زي الطماطم. أوس بمشاكسة: -لا، إحنا شكلنا كده مش هنخرج في اليوم ده. حور بسرعة وطفولة: -لا بليز، لا أرجوك يالا بسرعة قبل ما يقفلوا. أوس بضحك شديد: -يقفلوا؟ إنتي شكلك مش عارفاني، هههه. لو قافلين يفتحوا عشانك يا روحي، يالا. وخرجوا واتفسحوا وأوس جاب لها بوكس شوكولاتة ودبدوب كبير بينك.

ورجعوا وحور خلاص طايرة من الفرحة واعترفت لنفسها إنها بتحب أوس. راحت أخدت شاور ولبست بيجامة سودة تتنافى تماماً مع بشرتها ناصعة البياض وتتناسب بشدة مع شعرها الليلي. أوس كان خارج سمع إيران وهي بتتكلم في الفون وبتقول: -أنا هحط له حاجة في العصير زي اتفاقنا. أوس سمعها وعمل نفسه مش سامع حاجة وراح لها وقال بحب مزيف: -عاملة إيه انهارده يا روحي؟ إيران باستغراب: -أنا بتكلمني أنا؟ أوس بحب مزيف: -أيوة انتي، هو في غيرك؟

روحي وحياتي كلها. إيران بسعادة: -بجد يا أوس، بتتكلم جد؟ أوس بهدوء: -طبعاً يا روحي. إيران بغضب: -أومال حور إيه؟ أوس بهدوء عكس اللي جواه: -حور واحدة عادي من آلاف البنات اللي أعرفهم. هاخد اللي عاوزه ونتجوز أنا وانتي يا عمري. كل هذا كان على مسامع وأنظار حور اللي بدأت تنهار وهي اللي كانت هتخبره بعشقها له، يا الله الصبر أشعر، وكأن هناك سكاكين في قلبي. بس قالت بقوة لأول مرة: -أنا لازم أهرب منه.

واتصلت بمازن وحكت اللي حصل وهو اتفق مع الحارس على إنه يهربها وبالفعل خرجت بسرعة حتى مش غيرت هدومها ولسه بالبيجامة وقابلت مازن وسافروا كلهم بره مصر. عند أوس، حط لها حبوب هلوسة عشان تعترف بكل حاجة وبالفعل اعترفت بكل حاجة إنها هي اللي فبركت الصور والتحاليل بمساعدة أحمد وأياد والشخص المقنع ده هو... ولسه هنتكلم النور قطع وإيران اختفت. بس أوس كان ذكي وعمل فخ عشان كان عارف إنه ممكن الخطة تفشل وطلع الشخص ده هو... ياترى مين؟

ياترى إيه رد فعل أوس أما يعرف إن حور هربت؟ وياترى حور هتعمل إيه؟ وأوس هيعمل إيه في أياد وأحمد؟ ومين هو الشخص ده؟ كل ده هنعرفه في البارتات الجاية.