رواية عشقتك يا مكانيكية الفصل الثالث 3 - بقلم شمس العمراوي

يجلس رحيل في مكتبه ودخلت عليه السكرتيرة جميلة: "بشمهندس رحيل. ماجد باشا عاوز حضرتك." "بعد خمس دقايق دخليه." "تمام يا فندم." رحيل في ذهنه: ماجد ظهر تاني على الساحة وهيبدأ الحساب. وبعد مرور بعض الوقت دخل ماجد. "رحيل عاش من شافك. تصدق وحشتني." قال هذا الكلام وهو ينظر إلى رحيل بطريقة مليئة بالخبث. رحيل بخبث: "انت وحشتني أكتر يا عمي. نورت شركتي المتواضعة، بس عندي فضول أعرف إيه سبب الزيارة دي." ماجد: "اخرج من المناقصة."

رحيل: "انت فيها." ماجد: "اخرج من المناقصة." رحيل: "وإن مخرجتش... ماجد: "هتندم." رحيل: "اتشرفت بزيارتك." ماجد وهو يخرج من المكتب: "ابقى سلم لي على مالك وملك." وذهب ماجد من الشركة. رن رحيل على سائق مالك وملك. "أيوه يا عم مسعد. مالك وملك وصلوا البيت ولا لسه؟ "لا يا رحيم باشا. أنا رحت لهم المدرسة ملقتش ملك واقفة." "إزاي يعني ملقتش ملك واقفة. اسبقني عند المدرسة."

وقفل رحيل الاتصال وخرج رحيل من المكتب، بل من الشركة، وهو خائف على إخوته أن يحصل لهم شيء. *** في الورشة. "فين قمر يا عم حسن؟ "راحت تجيب الأكل من البيت وجاية." "ماشي. تحب أساعدك على ما تيجي؟ "شكراً يا ابني. روح اقعد جنب ملك، شكلها ملت من القعدة." مالك وهو يرفع أكمامه ويعطي لعم حسن المفتاح المطلوب: "آه هي مش متعودة على القعدة. عاملة شبه فرقع لوز." حسن: "ربنا يخليهم لكم." وأثناء حديثهما دخلت قمر وهي تحمل حقائب الطعام.

"السلام عليكم ورحمة الله وبركاته." ووضعت حقائب الطعام على الطاولة وقبل أن تكمل تفاجأت بشخص يحتضنها من الخلف. ملك وهي تحضن قمر من الخلف: "أخيراً جيتي. كنت هموت من الملل." قمر وهي تعتدل وقالت: "انتي ملك؟ ما شاء الله. انتي أجمل من اللي قاله عنك مالك." ملك: "انتي أجمل. انتي شبه القمر فعلاً. أول مرة أشوف اسم متطابق مع الشكل." قمر برقة: "تسلميلي يا قلبي." ملك: "انتي بقيتي صحبتي خلاص. اشطا." قمر: "هههه. اشطا." ملك:

"أنا شامة ريحة حلو أوي وعصافير بطني بتصوصو." قمر: "روحي اغسلي إيدك وتعالي كولي معانا." وبدأت قمر في تجهيز طاولة الطعام وشاركها مالك. "عاملة إيه؟ "الحمد لله بخير. انت اللي عامل إيه؟ حساك مضايق." "متخانق مع رحيم وزعلته مني." قمر: "من غير ما أعرف السبب. أخوك الكبير بيخاف عليك واسمع كلامه. وأول مترجع البيت لازم تعتذر منه ولازم تعرف أسبابه الأول. وانت كمان لازم تحترم أي كلمة هو يقولها." مالك: "تمام. ربنا يسهل."

وبدأ الكل في الطعام. *** عند ماجد. "إزاي ملقتهمش؟ مش هما بيخرجوا في الوقت ده من المدرسة؟ "أيوا يا باشا بس روحنا ملقناهمش." "تشفهم فين؟ لو في البيت هيموتوا من هناك. رحيم مش مأمن البيت. ادخل البيت وهاتهم، اتصرف. لازم يكونوا عندي النهاردة." وقفل ماجد الاتصال وقال: "ماشي يا رحيم. زي ما دمرت أبوك زمان هدمرك." *** عند رحيم. وصل إلى المدرسة وجدها مقفلة. وذهب إلى المنزل وجد باب المنزل محطم.

دخل رحيم إلى المنزل وجد المنزل كأنه دخلت إليه عاصفة. بدأ القلق ينهش قلبه. "مالك يا ملك؟ "مالك يا ملك؟ بدأ في القلق على إخوته. افتكر رحيم أن إخوته معهم تلفون. "رن رحيم على مالك." رحيم: "رض رض. هو بيغيب كده ليه على ما يرد؟ ".... السلام عليكم." وجد رحيم صوت فتاة رقيق. رحيم: "وعليكم السلام. دا تلفون أخويا وصل لك؟ ".... وثناء الكلام سمع صوت ملك وهي تتكلم وتجادل مالك على طبق المكرونة البشاميل." ***

أثناء تناول الطعام رن تلفون مالك. "تلفونك بيرن يا مالك." "شوفي مين." "متقوم انت. أنا جعانة وبكل." "وأنا مش قايم." قمر: "هههه. خلاص كملوا أكلكم وأنا هشوف مين." ملك: "ابقي ردي انتي." قمر: "السلام عليكم." رحيم: "وعليكم السلام. دا تلفون أخويا وصل لك...