رواية عشقتك ياغرامي الفصل السابع 7 - بقلم رنا سعيد

مراد شاف كل الغرف وما لقاش غرام. طلع على السطح وكانت المفاجأة غرام واقفة على سور البلكونة وعايزة ترمي نفسها. مراد بصدمة: غرام ارجعي تعالي، متعمليش كده، تعالي ياحبيبتي. غرام بدموع: لا، أنا هموت نفسي عشان انت مش بتحبني. مراد: لا أنا بحبك، يلا ياحبيبتي تعالي عشان أفسحك ونروح الملاهي. مراد بيقترب منها. غرام بصوت عالي: لو قربت هرمي نفسي. مراد: حاضر مش هقرب، بس يلا تعالي.

فجأة أهل البيت كلهم طلعوا على صوتهم واتصدموا من المنظر. أحمد بخوف وبييقرب منها: حبيبتي انزلي، إيه اللي طلعك على السور كده؟ غرام بتزعق: محدش يقرب عليا، كله يبعد بعيد عني. أحمد بخوف: حاضر، بس يلا انزلي ياحبيبتي. غرام بهستيريا ودموع: لا مش هنزل، مفيش حد فيكم بيحبني، أنا عايزة أروح عند ماما، هي أكيد بتحبني. أحمد بحنان: لا ياحبيبتي، أنا بحبك وكلنا بنحبك، مش كده ياجماعة؟ الجميع: أيوه، كلنا بنحبك ياغرام.

غرام: لا، بس مراد مش بيحبني. أحمد: لأ بيحبك، مش كده يا مراد؟ مراد: أيوه، أنا بحبك وكلنا بنحبك. حمدي: وأنا كمان بحبك ياحبيبتي. مريم: وأنا كمان ياغرام بحبك. أحمد: شفتي كلهم بيحبوكي إزاي؟ ده حتى مراد طلب إيدك عشان يتجوزك. غرام بفرحة: بجد؟ مراد هيجوزني؟ أحمد: أيوه، انزلي بقى. غرام: صح يامراد، انت هتجوزني؟ مراد بقرف: أيوه. غرام: وإمتى الفرح؟ أحمد: انزلي ويبقالنا كلام. حمدي: يلا ياغرام انزلي بقى واسمعي كلامنا.

غرام بفرحة: ماشي. غرام لسه بتنزل، وكانت رجلها هتتزحلق وتقع، بس في آخر لحظة مراد جري عليها لحقها وشالها ونزلها على الأرض. مراد سابهم ونزل. أحمد بخوف: بعد كده متعمليش كده تاني، ماشي؟ غرام: ماشي. حمدي: بس إيه اللي خلاكي تفكري إننا مش بنحبك؟

غرام بدموع: عشان مراد. أنا مستنياه في أوضته بيقولي انزلي، قلتله لأ، هستناك. اتعصب عليا ومسك إيدي جامد أوي أوي وزقني على الحيطة وكلمني بصوت مخيف، وأنا عيطت جامد أوي وجيت هنا على السطح عشان أموت نفسي، عشان حسيت إنه مفيش حد بيحبني. أحمد: لا، إحنا بنحبك. وبص لحمدي: ينفع اللي ابنك عمله ده؟ حمدي بضيق: لا مينفعش. وحقكم عليا، أنا حقك عليا ياغرام يابنتي. أحمد: ولا حق ولا بطل، يلا ياغرام يابنتي عشان نمشي.

غرام وبتمسح دموعها: يلا يا بابا. أحمد وغرام مشيوا. أحمد نزل تحت في الصالون وبينادي على ابنه مراد. أحمد بصوت عالي: مرااااااد.