رواية عشيقتي ام جارتي الفصل الأول 1 - بقلم نوران عباس

تبدأ قصتنا على مشهد في منزل بسيط في منطقة بسيطة من أحياء الإسكندرية، حيث تقوم أم البطلة بإيقاظها. الأم (صفاء) : روح انتي يابنتي قومي بقي هتتأخري على الجامعة قومي يا بنتي. روح: أنا لازم أروح الشغل. الأم: رووووح. طبعًا سلاح الكلام المصري الأصيل عند الصحياان جردل ميه. روح: الحقوني بغرق بغرق... حرام عليكي يا ماما هو كل يوم. الأم: أه كل يوم طول ما انتي مش بتقومي.

روح: حرام عليكي والله مش شمس أهي نايمة، ولا عشان هي الصغيرة يعني... آه يا حظك يا راضي آه يا مرك يا متهبدلة في البيت. الأم ببرود: ها خلصتي فترة نواح بتاعة كل يوم؟ خلصي يلا فزي وقومي عشان تصلي وتفطري وتروحي الجامعة يا أم ملحق. روح بشهقة: أم ملحق مين؟ أشحال جايبة سنتين امتياز وكلها إن شاء الله 3 سنين وأتخرج وأبقى مهندسة قد الدنيا. الأم بحنان: طب يلا يا مهندسة عشان تفطري وأروح شغلي.

روح: يا ماما بالله عليكي كفاية شغل واقعدي ويا ستي، أنا هنزل أشتغل مع الكلية مش أول واحدة تشتغل وتدرس. الأم بعصبية: قلتلك لأ مليون مرة، لما أموت ابقي اشتغلي انتي مش هتشتغلي غير بشهادتك، ولا انتي بتستخسري مني؟ روح: لأ يا ماما والله، حرام عليكي، انتي مدركة كويس أنا بحبك قد إيه وفخورة بيكي وبقول لكل الناس على كفاحك وإنك صرفتي علينا بحلال بعد موت أبويا، بالله عليكي ما تزعلي.

الأم: مش زعلانة يا ستي، بس يلا وبطلي كلام كتير، يلا قومي. روح: أمرك يا مزة، ونعمة جدعة إنك ما انحرفتي. الأم: امشي يا قليلة الأدب. صلت روح وصحت شمس أختها (في تالتة ثانوي، ربنا معاهم دائمًا يا رب) ولبست دريس أزرق وطرحة وكوتش أبيض وميك اب خفيف وهادي. الأم: يلا يا ولاد الفطار. روح وشمس: حاضر يا ماما جايين أهو. روح: يلا يا أختي. شمس: يلا يا أوختشي. روح: والله قلت أختي رقاصة ما حد صدقني، يا رب دي ثانوية عامة إزاي إزاي.

شمس: زي ما كنتي انتي يا أختي. الأم: بطلوا خناق بقي بطلوا، يلا انتي وهي. روح: أنا فطرت، هنزل الجامعة، وانتي يا ضلمة ذاكري أحسن. شمس بغيظ: قلت مليون مرة ما تقوليش يا ضلمة، سامعة يا أمي. الأم: خلاص بقي يا روح، معاكي فلوس يا حبيبتي؟ روح: آه يا حبيبتي، معايا، يبارك لنا فيكي يا رب. نزلت روح الجامعة، والأم الشغل، وشمس بتذاكر في البيت. وصلت الأم الشغل

(شغالة مدبرة منزل للفيلا الخديوي الذي يملكها سليم الخديوي وزوجته ليلي البحيري وابنهما جاسر الخديوي ومريم بنتهما، وبابا سليم حمدي الخديوي) ندي عنهم نبذة كده: سليم: رجل أعمال كبير ومحترم ومتواضع. آه كان له أخ بس توفي في حادثة (مهم ده على فكرة) ليلي: إنسانة متسلطة بتعشق نفسها ومكانتها الاجتماعية، وإن الطبقات مهمة. (أيام سلطة وملطة بابا كده) مريم: بنوتة كيوت مش بتحب أسلوب مامتها، بتعشق باباها لتواضعه وحبه للناس. وأخيرًا

بطلنا جاسر: زي مامته أوي، بس عنده حتة طيبة كده بتظهر في مواقف الشدائد. تدخل صفاء: صباح الخير يا هانم. ليلي بتكبر: أهلاً، يلا خشي على المطبخ ساعدي هنية في الغدا. صفاء: أوامرك يا هانم. الجد بتكبر: قهوتي يا صفاء أنا والباشمهندس جاسر. صفاء: حاضر يا بيه. الأب ومريم بعد أما مشت: ما ينفعش تطلبوا طلباتكوا بذوق، دي شقيانة وبتجري على بنتين لا تعبانة بسكر. ليلي: مش قد الشغل ما تشتغلش، مش هطبطب عليها أنا.

الجد: حنيتك دي غلط يا سليم، بكرة ياخدوا عليك. سليم: انتوا اللي غلط، ربنا خلقنا طبقات عشان نساعد ونحس ببعض ونعامل بعض حلو مش ندوس على بعض، على الأقل ردي الصباح. جاسر: كلام جدي صح يا بابا. مريم: مش صح، الناس اللي بيشتغلوا هنا من غيرهم إحنا نضيع ونتسوح، هما اللي بيعملوا لنا كل حاجة، حاجات المفروض الأم تعملها ومش بتعرف. الأم: قصدك إيه يا بنت؟ مريم: أنا قايمة، يا ريت بس تضحكي في وشهم، التبسم في وجه أخيك صدقة يا ماما.

سليم: خوديني معاكي يا بنتي، أنا رايح الشغل، هتيجي يا أستاذ ولا رايح شركتك؟ جاسر: لا رايح الشركة، قلتلك قبل كده أنا مهندس مليش علاقة بالاستيراد والتصدير، خليها لبنتك. سليم: ربنا يهديك يا بني ويبعد عنك شيطانك وتكبر بصفات أحسن، يقول وهو ينظر لليلي. ليلي بعصبية: عايزة زيك، مش عامل فرق، لازم الناس تعرف الفرق بينهم وبين حفيد الخديوي. سليم بتنهيدة: ربنا يهديكم، يلا يا بنتي. نرجع عند شمس بتتصل بروح: روح ماما نست دوا السكر.

روح بخضة: يا خبر، طب بصي هجزيه، هروح أديها له. شمس: انتي عارفة فين المكان؟ روح: اللي يسأل عن قصر الخديوي، ألف مين يقوله، خلصي لتتعب. راحت روح خدت الدوا ووصلت لمكان واسع زي كمبوند كده. روح: أه مش تحاسب يا أخ أنت إيه ماشي في زريبة. جاسر بعصبية: بتكلمي مين كده يا بت؟ مش عارفة أنا مين؟ روح: مين يعني يا أخويا؟ شكلك السواق، حد من القصور هنا، وسع مش طايقة أشكالك. بعد ما مشت: جاسر: السواق؟ والله لأعرفك يا حسالة أنا مين.

وصلت لقصر الخديوي وسألت على صفاء. صفاء: روح خير يا بنتي جيتي ليه؟ وإزاي شمس أختك كويسة؟ روح: أهدي يا مز مش كده، شمس قرة بس نسيت دواكِ يا قمر، خدي. صفاء: حرام عليكي ياروح، امشي يا روح وما تجيش هنا تاني خالص، امشي. روح: في إيه يا ماما؟ هما هيزعقوا ليه؟ يعني ده دواكي. صفاء بعصبية: قولت أمشيييي، امشيييي.