رواية عشيقتي ام جارتي الفصل الثاني عشر 12 - بقلم نوران عباس

عاصم/ ااه ايه ايه مشرفكوش. سيد/ لا ياباشا تشرفنا طبعًا، عامة هشوف رأيها وأقول لحضرتك. عاصم/ رأيها أعرفه بكرة بكتير، والكتب الكتاب بعد شهر. يلا بكره إجازة عشان تقنعها يا سيد. سيد/ تمام ياباشا، سلام. ايه/ بس يا ستي ده اللي حصل في الحفلة، وجيت خدت الموبايل وقاعدة هو. روح/ بس عاصم ده ماله؟ ده يعتبر كان مهتم بيكي انتي بس.

ايه/ فكك فكك، ده تلاقيه معدي الأربعين. من دور عمي هتلاقيه بس مخلفش وشافني بنته ولا حاجة. سلام بقى أصل الأخ وصل، وماتنسيش أنا شكلي هسيب الشقة قريب. شوفيلي أي شقة جنبك سعرها حنين. روح/ يا بنتي ماتيجي تعيشي معانا وخلي مرتبك ليكي ولكليتك، وماتبعيش دهب أمك. ايه/ (بعياط) غصب عني، زهقت. سكت في إعدادي وثانوي عن ضربه وقرفه، ودلوقتي منعني ولا زي عيلة صغيرة، وتهمني في شرفي. روح/ تمام يا روحي، سلام. هشوفلك.

سيد/ ازيك يا ايه، عاملة إيه يا حبيبتي؟ ايه/ (باستغراب) الحمد لله، خير يا عمي. مانت لسه شتمني. سيد/ معلش بقى، عرفت غلطتي معاكي. أنا معايا خبر ليكي حلو وهتفرحي بيه وتتنغنغي. ايه/ اتنغنغ؟ خير يا عمي. سيد/ عاصم باشا طلبك للجواز، طبعًا ردك موافقة، مستحيل حد يرفضه. هتعيشي وتعيشينا في عز. ايه/ انت بتقول إيه؟ عاصم مين ده؟ قدك ولا أصغر منك بسنة؟ انت اتجننت؟ انت بتقول إيه؟

ما كفاكش إنك واكل ورث أبويا، ومعرفش شركته اللي ياريتني كنت أعرف عن مكانها حاجة ولا بيته فين وأنا ساكتة، وقلت عمي ماتصرفش عن مليم، واتهمتني في شرفي، وضربتني كتير. ولولا الست اللي جوا دي كان زماني مش متعلمة. انت إيه؟ دانا بنت أخوك يعني لحمك. سيد/ (بزعيق) بت، ورث أبوكي إيه؟ ها؟ انتي مالكيش حاجة. أبوكي الله يرحمه ماسبش حاجة، استثمر كله وخسر. والباقي كتبهولي، وكمان معترضة على إيه يا ختي؟ ها؟ معترضة على إيه؟

على مالك ولا جمالك؟ عاصم ده مليون واحدة تتمنى بس إشارة. ايه/ (بزعيق) مليون واحدة غيري ها؟ ده فرق بينا حاجة وعشرين سنة. ده يتجوز واحد من سني ليه؟ تدفيني؟ وكمان أتجوز ليه؟ ها؟ ليه؟ سيد/ (يحاول يقنعها) يا حبيبتي، ده عاصم باشا والله طيب. ومش تاخدي بسنة ده لسه شباب وراجل، ما يعيبوش غير جيبه. وكمان يرضيكي خالك يتشرد ويُطرد من شغله؟ وكمان ابن عمك الوحيد اللي بتسندي عليه يتسجن؟ ايه/ اااه، قول كده. هو مهددك؟

وكمان ماتطرد ولا زفت ولا ابنك حتى يولع؟ انت عملتلي إيه عشان أضحي عشانك؟ نرمين/ (جت) فيه إيه يا سيد؟ فيه إيه يا ايه؟ سيد/ تعالي شوفي اللي بتحاميلها رافضاه تتجوز عاصم بيه. نرمين/ (بتخبط على صدرها) يالهوي يا راجل! عاصم مين ده؟ قدك يا راجل! تعمل في البت كده ليه؟ ارحمها بقى يا خي! سيد/ افهمي يا غبية! (ماتسكتوش على إهانة جوزكم ليكم، أي كانت دافعي عن نفسك وعوديه على احترامك)

. لو رفضت أنا هطرد، وابنك هيلبس قضية سرقة. البيه سرق من إيراد المحل. ايه/ أنا مالي! ما يولع! يغور! أنا مش هضحي! والله لو سجنه حلال فيك وفيه! ولولا الست الطيبة دي كنت وديته في داهية. بس خلاص، كل حاجة تتفتح. أنا مش هتجوز الراجل المكحكح ده، وتجيبلي ورث أبويا وتسيبني في حالي. سيد/ (بيشد شعرها) بت!

أنا سكت كتير، وعالله سيرت الورث دي تتفتح. قلت ورث أبوكي مات. مفيش. هو كتبلي اللي باقي من ورثه. شافك زي أمك لما فاق من غيبوبته. ايه/ (بعياط) ماتشتمش أمي. أنا بكرهك. سيبني. نرمين/ خلاص سيبها يا سيد، سيبها بقى. الجواز مش بالعافية. سيب، قلت مش تقرب ليها تاني. سيد/ قلت لأ. بس يا ولية! ورمي إيه عليها؟ عقليها. كتب الكتاب بعد أسبوع، وعرفيها قيمتها. نرمين/ (خدتها أوضتها) معلش يا بنتي، أنا آسفة. استحمليني. ايه/ (بعياط)

هيبيعني كده ليه؟ ها؟ حرام عليه. نرمين/ بصيلي. اهربي حبة، وهينام واهربي بسرعة. تمام؟ روحي عند روح، وخذي الفلوس دي خليها معاكي. ايه/ انتي بتقولي إيه؟ إزاي؟ وكمان دي فلوسك. نرمين/ اسمعي اللي بقولك عليه. المهم في الخباثة. ودي فلوسك، هفهمك بعدين. دلوقتي أنا هروح وأشوفه. يلا لمي هدومك، وهقوله نمتي وهتصحي تفكري. راحت نرمين لسيد/ ها؟ عقلتيها؟ والناحسة البومة دي؟ الراجل ده بتترمي تحت رجله مليون بنت، وهو اختار دي على إيه؟

مش عارف. بلا أرف. نرمين/ بزمتك مش مكسوف من نفسك؟ البت قد عياله يا راجل، وانت همك الفلوس والارف؟ دي بنت أخوك، لحمك ودمك. ولا عايز تاكل لحمك زي ما أكلت فلوسها؟ سيد/ (ماسكه جامد من وشها) بتقولي يا ولية يا خرفانة انتي؟ ها؟ بتقولي إيه؟ ها؟ الفلوس دي حقي. عارفة يعني إيه؟ أبويا أداله كل حاجة وظالمني. السيرة دي ماتتفتحش تاني، انتي فاهمة؟ نرمين/ (زقت إيده)

لأ مش حقك. أبوك اداه زي ما اداك، وعلى حياة عينيه عشان ماتتخنقوش لما يموت، ووصاكم بس على بيت العيلة ما يتباعش وتفضلوا تحبوا بعض. بس انت ضيعت فلوسك بصرمحتك ومشاريعك الفاشلة والارف، وأخوك تعب واشتغل وحاول واجتهد، وعشان رفض يشاركك انت كرهته. وأول ما أبوك مات كنت عايز تبيع نصيبك من البيت، وهو رفض، ورغم كده اشتراه منك. عملت إيه ساعتها؟ ها؟ عملت إيه؟ برضه لسه غبي؟

وروحت عملت مشاريع فاشلة، وهو كبر أكتر وأكتر. وبسبب كتر سلفك منه، وإنك بتطالب بحق مش حقك، خسرت أقرب صاحبة ليا. ودلوقتي بضيع بنته! لأ، بقى كده كتير. سيد/ أقرب صاحبة؟ أقرب صاحبة دي عرفت إنها باعت الفيلا اللي أخويا كتبهالها، وودت فلوسها في الهوا. هي زي، بس الفرق إني بدور على حقي. لكن ده مش حقها. فضلت تتسحلب لحد ما كتب ليها الفيلا، وهوب باعتها. وهو ولا حاسبها. وبعدين يا حماره افهمي!

ابنك المحروس، ابن أمه، سرق من درج المحل. ومتصور أنا بقول إيه من الصبح. وكلامه فيه تهديد إنها لو وافقت هيحبس، ويبقى رد سجون، وأنا هسيب الشغل. إيه؟ للدرجة دي بايعنا عشان خاطر ابن صاحبتك؟

نرمين/ رغم إني قلبي هيتقطع عليه لو ده حصل، عشان ده ابني حتة مني، بس ربنا عمل كده عشان يعمل منه راجل ملو هدومه. المفروض كان اعتبر إيه أخته وحماها منك ومن أي حد، ويحس بطعم الناس المظلومة والظالمة والفقيرة. والسجن يدبه. وعشان غلط، ولا اتعاقب؟ أيوه غلط. غلط إني شوفت لابني أب زبالة وحقير زيك. وانت المفروض أول ما يحصل ده تروح تدفع ليه الفلوس. بس إزاي أدفع فلوس ماليش فيها مصلحة؟

بس اطمن، هي بتفكر. وأوعوا من وشي. بقيت بقرف منك. وابنك اللي بقى شبهك. أما أستناه يرجع من عند صحابه الضايعين اللي مش عارفة أبعدهم عنه، واللي سيبناه أنا وبنت عمه نروح لوحدنا عشانهم. يا خسارة! فشلت في اختيار قدوة ليه عدلة. ايه/

(في أوضتها بتلم هدومها وبتعيط وتفتكر باباها ومامتها، وتعيط، وإزاي باباها كتب كل حاجة لعمها، وفعلاً ده حق عمها، وباباها كان غني، وفين فيلا بتاعتنا، وشقتنا، وكان لسه بيفتتح شركته. إزاي كل ده راح فين في ثانية؟ طار؟ أكيد في حاجة غلط. جه الفجر، ووليد دخل سكران كالعادة/ حرام عليك يابني، كل يوم كده. فوق بقى يا أخي. إيه؟ أنا تعبت. خد هنا، فوقلي. وليد/ إيه؟ الوش ده؟ انتي مين؟ اه اه، أمي. أهلاً. خير؟

السنيورة ضايقتها في حاجة تاني؟ ماهي من ساعة ماجت وانتي ما حستنيش إنها بنتك، مش أنا؟ خير. نرمين/ حرام عليك. دي بدل ما تعتبرها أختك وتحافظ عليها. أشيك منك لله بجد. خد هنا، ناقصك إيه؟ ناقصك إيه عشان تسرق عاصم؟ ها؟ منك لله. وديتنا في داهية.

وليد/ هوووش بس. إن بسرقه وهفضل عشان نلقب على وش الدنيا ونعلي ونخلي حياتنا أحلى. مش هنفضل طول عمرنا عنده شغالين. انتي ناسيه إنه هو اللي عطف على أبويا زمان وأنا في إعدادي، وشغله بعد مشاريعه الفاشلة. ولا عشان أنا كنت صغير يعني؟ لأ لأ. أنا فاااكر. مش أبويا اللي أول ما خلصت كلية قالي القرش أهم حاجة. وشهادتك فشنك. رسوماتك لنفسك. ولا مرة حبني. إيه؟ عملت اللي قالي عليه.

نرمين/ بس اسكت. وطي حسك لابوك يصحي. غور غور في داهية جتك نيلة. ومشي وليد ونام نوم عميق. وبعدها كام ساعة راحت نرمين لأيه. نرمين/ يعيني عليا. تروحي دلوقتي. بس والله غصب عني. طمنيني بتليفون أول ماتوصلي لروح. بسرعة بسرعة. ايه/ طمنيني. ليعمل حاجة. تمام؟ يلا سلام. سلام. مع السلامة. نرمين/ ربنا معاكي يا بنتي. عند روح، نايمين. بتصحي على خبط على الباب. صفاء/ يا ساتر يا رب. خير؟ خير؟ فيه إيه؟ الساعة دي.

روح/ استني هفتح. ياما خليكي. بتفتح تلاقي إيه تتخض. إيه؟ خير؟ حصلك إيه؟ مالك؟ إيه الشنطة دي؟ وبتعيطي ليه؟ ردي عليا. خير. ايه/ (بعياط) دخليني الأول. روح/ معلش اتفضلي. بس اتخضيت. صفاء/ خير يا بنتي؟ انتي كويسة؟ حصلك حاجة؟ ايه/ (اترمت في حضنها) أنا أنا أنا آسفة على وجودي وخضتكوا، بس أنا ماليش غيركوا والله. أروحله بعد ماما وبابا. صفاء/ اخص عليكي. كده تشتيمينا؟ بس إيه اللي حصل؟ عمك ومراته كويسين؟ ايه/ (حكت كل حاجة)

نرمين/ يا حول الله. ده إيه الراجل ده؟ شيطان. منه لله. أنا هقوم أعملك ليمون تروقي دمك. وخلاص من انهارده بقى عندي تلت بنات عفاريت. لغاية ما أوصلكم بإيدي لشهادتكوا وللي تستاهلكوا. ايه/ آسفة إن هتقل عليكي. بس والله أنا كنت قايلة لروح إني هشوف شقة جنبكوا عشان تعبت. بس والله قاطعتها صفاء. صفاء/ والله هزعل بجد. انتي هتبقي زي روح عندنا بالظبط. آه وهتعيشي هنا والحوار خلص. يلا قومي غيري ونتكلم بعدين.

روح/ تعالي يا إيه معايا. نصحي البت اللي قتيلة جوه دي. والله لو زلزال ما هتتحرك من مكانها. صفاء/ (في سرها) واضح إن ربنا كاتب على كل اللي يعرفوني الظلم. يارب رد لكل مظلوم حقه، وساعده وانصره. روح/ أنا هبعت الصبح لآدم باشا إننا مش هنيجي بكرة عشان أكيد عمك يعرف مكان شغلك. هقول إنها تعبانة، وإنك مسافرة. تمام؟ ايه/ تمام. يارب بس ينساني. ما ظنش. ده كان هيضحي بيا عشان نفسه وابنه. يا خبر! طنط نرمين نسيت أرن عليها.

روح/ انتي اتجننتي؟ افرضي كان جنبها حد؟ أنا هبعت ليها من تليفون شمس. اطمني. الأمانة وصلت وبخير. أنا روحك، وهي يارب تفهم. وفعلاً عملت كده. عند صفاء/ يا رب طمني قلبي، وتلاقيه رسالة وتقراها وتفهم من تاني مرة. الحمد لله، يارب. وواضح إن روح حويطة. ربنا يبعده عنك يا بنتي. يلا أنام، وربنا يسترها الصبح. الصبح عند جاسر. جاسر/ أمم. معقول نمت كده؟ يا خبر! المشروع ودراسة الجدول. إزاي مقدرتش أكملهم؟ إزاي؟

ويرن تليفونه. أدم/ الو. خير يا أدم. أدم/ خير يا برو. فينك؟ متشوق أشوف المشروع. وأنا عارف إنك ما رحتش القصر عشان تكمله. يلا أنا جاي. جاسر/ تمام يا أدم. كل حاجة تمام. (وفي سره) على ما يجي هقوم بسرعة وأروح. يمكن ألحق روح تساعدني فيه. وأكيد ماهتصدق تساعد الصقر. ها؟ يل إيلا باي. وقام خد شاور ولبس بسرعة ونزل الشركة. عند أدم، كان في البيت بيلبس ونازل. وقفه رنت روح.

روح/ بشمهندس أدم. أنا آسفة جداً إن بتصل بحضرتك. بس ببلغك إن ممكن نستأذن أنا وأيه انهارده. أنا تعبانة جداً وهي مش هتعرف تسيبني. أدم/ الف سلامة على حضرتك. طبعاً مافيش مشكلة. وهي احم يعني الآنسة إيه كويسة؟ ولا لسه عندها مشاكل مع عمها؟ يعني بسبب اللي حصل وكده. روح/ لأ تمام. وشكراً لحضرتك. (وقفلت الخط) ايه/ ها؟ قال إيه؟ وافق؟ روح/ آه وافق. يلا بقى نفطر ونصحي غيبوبة هانم دي.

ايه/ ربنا معاها. بتفكرني بأيامنا في الثانوية. يلا. على الفطار. شمس/ الله! يعني إيه هتعيش معانا خلاص؟ إيه تذاكري الإنجليزي عشان بتحبيه. وروح الفيزياء. استغلال بقى. صفاء/ لا والله. طيب كلي بدل ما صبح عليكي مسلمش على خلقتك. أبو وردة من زمان. ايه/ سيبيها براحتها يا طنط. تحت أمرك يا ستي. صفاء/ دي بت استغلالية. أنا عارفاها. هتستغلكوا ومش هتذاكروا. عامة يلا كلوا عشان كلياتكوا.

روح/ لا يا ماما مش هنروح عشان عم إيه أكيد هيدور عليها. انهارده إحنا هنقعد انهارده. صفاء/ آه صح. خلاص. يلا. أنا رايحة شغلي. ولو عاوزتوا حاجة وقولولي. ايه/ شكراً يا طنط. وأنا في أقرب وقت هشوف شقة تانية. صفاء/ هزعل بجد. يا إيه. انتي روح خلاص بقيتي ملزمة مني. فاهمة؟ ايه/ معلش يا طنط. سيبيني براحتي. صفاء/ مش هأمن عليكي لوحدك. الموضوع انتهى. ايه/ طنط معلش. أنا هتقل عليكي. سيبني عشان أكون مرتاحة.

روح/ خلاص نمسك العصاية من النص. اعتبري نفسك لسه عند عمك. بس أحسن. هتعيشي حياتك معانا. واحتياجاتك الشخصية زي على ماما ومصاريف الجامعة شهر واحد في السنة علينا من مرتبنا. قلتي إيه؟ واخليكي دهب مامتك انتي تحبيه أوي. صفاء/ أنا موافقة. وهيبقي زيك زي روح. ايه/ يا طنط بالله عليكي بس. صفاء/ باااس. خلصناه. وهتاخدي مصروف زيهم كمان. وأكتر من كده هزعل. وأبو وردة هينزل.

شمس/ أبوس إيدك وافقي يا إيه. أبو وردة صعب. والله ما هقدر استحمله. أمي بتلوش مش بيهمها. صفاء/ بتلوش يا قليلة الأدب. ها؟ قلتي إيه؟ ولو خايفة من عمك. هو مش عارف عنوان روح أصلاً. هااا. روح/ وافقي بقى. ما صدقت نعيش سوااا. يلا. ايه/ ماشي. بس ماليش حوار المصروف. صفاء/ حاضر. بس لو عاوزتي حاجة ما تتكسفيش. يلا يا ولاد سلام. وانتي يا مقصوفة الرقبة. سيبي أخواتك يذاكروا. وتنزلي الدرس. عسى الله ينفعك. باااي. عند جاسر.

جاسر/ اهو قربت أخلص. كان لازم أنام امبارح يعني. أنا إيه اللي حصلي دلوقتي. أدم يجي ويقطمني إني مخلصتش. ودلعت والصقر راح وزفت. أدم/ (دخل) هااالوو. يا بص. واضح إنك مطبق من امبارح. بغمزة كده. لا، بس شابووو جدع والله. لسه الصقر زي ماهو. طب اهو كويس. حظ البت روح. أصلهم مش جايين انهارده. جاسر/ إيه؟ غايبة ليه ان شاء الله؟ هي كافية ولا حضانة؟ ها؟ اطلبهم. خليهم يجوا. مش وقت دلع.

أدم/ يبني ادم. خلي عندك دم. البت تعبانة ومش قادرة تيجي. وكمان هي استأذنت مني. إيه منظري بقى؟ إيه؟ وكمان خلي عندك شوية احترام. البنات طلع عينيهم معانا المشروع ده. وكانوا بيروحوا متأخر. والي حصل لإيه من تحت تأخيرنا. جاسر/ اااه. قول كده. محموق عشان ست إيه اللي خطفتك من نظرة؟ اهي دي بقى. أنا شاكك فيها. وعمها لو كانت مظبوطة ما كانش ضربها ولا شك فيها.

أدم/ جااااااااااااسر. قلت ميت مرة. ملكش دعوة بيها. آه خطفتني من أول نظرة. آه. ومش هقولك بحبها. بس مش راضية تروح من بالي. ولو اتكلمت عنها تاني انت حر. جاسر/ هتخسرني عشان واحدة يا صاحبي؟ لا، تشكر بجد.

أدم/ آه يا صاحبي. بس عشان واحدة. لا. عشان انت هتقعد تظلم كل واحدة تشوفها من غير ما تتعامل معاها. لازم تفوق لنفسك. مش كلهم هي. انت اللي اخترت غلط. وده مش عيب فيك. بالعكس. الناس الطيبة اللي بتقع في الخبثة. وهي اللي بتتعلم. بس تتعلم تاخد بالها، وتعامل الناس الصح. وتقرر وتشوف الناس عن قرب. مش تظلم وبس يا صاحبي. جاسر/ والله؟ طب تمام. مش بتقول إنهم مختلفين؟

تمام. أنا موافق. برهان. أنا هحاول أغير وجهة نظري. وهعاملهم حلو. وخصوصاً ست روح. وهقرب وأشوفها. برهان هتكون زيهم؟ لا، العن كمان. أدم/ (بتحدي) موافق يا جاسر. بس يارب وانت بتعمل الرهان ده ماتندمش بجد إنك فهمتها غلط. أو تندم إنها تروح من إيدك. جاسر/ مش صقر اللي يندم. وبكرة هثبتلك. ممكن بقى تبلغهم إن النهارده إننا بكرة مسافرين الجونة. وأنا هخلص المشروع انهارده. أدم/ (بسخرية) إيه يا صقر؟ انت خسعت ولا إيه؟ فين صقر زمان؟

المشروع لسه مخلصش. جاسر/ والله امبارح نمت. بدل ما كنت بتتريق. تعالي ساعدني. وأهو تبقى عملت دور روح. أدم/ اعترف بقى إنها كانت شايلة عنك حبة في الشغل. طب اعتذر لها على الأقل. أو اتصل. ابعت حتى بوكيه لتعبها. جاسر/ الصقر ما يعتذرش. واطمن لو كانت تعبانة أصلاً. أدم/ انت مافيش فيك فايدة. مهما كان. يلا سلام يا صاحبي. وهبقي أعرفهم. عند سيد. صحي من النوم.

سيد/ انتي يا ولية اصحي. شوفي البت دي. صاحيها. شوفي رأيها. ولو كده عاصم بيه جاي انهارده. ظبطيها كده. نرمين/ هاا. حاضر يا أخويا. حاضر. طبعاً دخلت الأوضة ومثلت كده وطلعت قالت/ شكلها يا أخويا راحت جامعتها. سيد/ يعني إيه؟ أنا مش قلت مالهاش جامعة غير لما تقول رأيها. كلميها حالا. يلا. رنوا. نرمين/ مقفول يا أخويا. سيد/ يعني راحت فين؟ ها؟ أروح أقول للراجل إيه؟

طب لما ترجعلي بس البت دي. ولا يا وليد انت. يلا دخلوا أوضتوا. اصحي يلا يا خلفة الندامة. فووق. وليد/ (بنعاس) إيه يابا؟ فيه إيه؟ سيد/ اصحي يلا. انتي إزاي تسرق مين من عاصم بيه؟ ها؟ إزاي؟ وليد/ إيه؟ ضايقتك أوي؟ مش أول مرة. مانت سارق مال أخوك من أول يوم مماته. ها؟ طب أنا سرقت كام ألف؟ مش كام مليون؟ ولا بعت الشركة؟ قول. (ضربه بالقلم ومسكه من رقبته) / ولاااا. فووق. انت مالك؟ ها؟ فرحان بسرقة أووي؟ وتتكلم عني؟

آه. مال أخويا. هو مالي فعلاً. الموضوع ما يتفتحش تاني. أنا بقول اهو. ومش كام مليون دول اللي بتصرف منهم لما تعوز؟ يا روح أمك. وليد/ أعوز إيه؟ دانت أبخل من الجلده. ومطلع عيننا معاك. وكمان محموق ليه؟ متدفعله الفلوس وانت ساكت. سيد/ ياريت يا أخويا. بس عارف الحوار بتاعك ده طلع بمصلحة. عاصم بيه طلب إيه للجواز؟ وليد/ إيه؟ انت بتقول إيه؟ إيه؟ مين؟ إيه؟ مش هتروح لحد غيري. فاهم؟ كفاية ظلم بقى. ده أكبر منها بكتير.

نرمين/ بس بقى. أنا ساكتة من الصبح. قاعدين تتحايلوا. كانها لعبة. ليها حق تتطفش. سيد/ مين اللي طفشت؟ يا ولية مين؟ أنا قلبي حاسس إنك بداري عليها. نرمين/ (بلجلجة) ما فيش يا أخويا. ما فيش. يعني بقول افتراض. افتراض. سيد/ افتراض؟ طب وسعي. أنا هدخل الأوضة بتاعتها بنفسي. أنا قلبي حاسس إنك مخبية حاجة. وسعي يا ولية. أبو مه. (دخل أوضتها) / يا بنت ال***. البت طفشت. انتي يا ولية. ومسكها من شعرها. فين البت؟ يا ولية فين؟ ها؟ فين؟

انطقي. وليد اتعصب وبدأ يفوق. وليد/ سيب أمي. سيبها. بقولك إيه. أنا هقفلك بقى. تعبت. وكويس إنها هربت. هربت مني ومنك. سيد/ عامل راجل يا روح أمك. طبروح لم لحمك اللي هرب مننا عشان ما تتجوزش. والله أعلم. خايفة من إيه؟ ها؟ نرمين/ (وهي بتمسك إيده من شعرها) ااه منك لله يا خي. سيب. حرام عليك. تجيب سيرة البت بالباطل. بس هقول أي. طول عمرك نجس. وهتفضل كده. سيد/ والله نجس. طب يلا. (وزقها ودماغها جت في الترابيزة وجابت دم)

وليد/ أمااااا. أما. فوقي. منك لله يا خي. منك لله. سيد/ خاف وجري على عاصم يقوله كل حاجة. ووليد ودي أمه المستشفى. وليد/ الحققوني! دكتور بسرعة! أمي بتروح مني! الحقوني! قابلته دكتورة رشا/ ترولي بسرعة. ما تخافش. إن شاء الله خير. وليد/ يارب. أنا عارف إني عصيتك وبعدت عنك. يارب قومهالي بسلامة. وأنا هتغير والله. أنا آسف. بس بلاش أمي يا رب. وهحمي إيه من أبويا. وهكون ليها أخ والله.

بعد شوية دكتورة رشا/ اطمن حضرتك. خير. حصل نزيف بس اتسيطر عليه. والحمد لله مافيش نزيف داخلي. هي بس هتقعد معانا كام يوم كده نطمن. وهي هتفوق كمان ساعة كده. تقدر تروح للحسابات. وليد/ الحمد لله. يارب. طب طب شكراً. رشا/ عفواً. على إيه ده واجبي. عن إذنك. وليد/ راح للحسابات. وهي مستشفى حكومية. الفلوس اللي معاه كفت بالظبط. (سأل الريسبشن) / هو ألاقي الدكتورة اللي مسئولة عن الحالة رقم 301 اللي لسه داخلة فين؟

البنت/ ااه قصدك الدكتورة رشا. ممكن تلاقيها في مجمع الدكاترة تحت في كافتريا. نزل الكافيتريا ودور عليها كده. وشافها. ولما قرب منها سمع/ أنا مش هروح في حتة. حل عني يا أخي. خطوبة واتفشكلت. بلا أرف بقى. تعبت والله. لو رنيت أو اتعرضت ليا تاني. انت حر. مالكش دعوة بأمي يا حقير يا زبالة. (وقفلت السكة في وشه) وليد/ دكتورة رشا. احم. أنا آسف. رشا/ (اتخضت) ها؟

لا. ما فيش حاجة. أمر. ااه. أنا افتكرتك. مش انت تبع الست اللي جت واقعة على دماغها؟ قلت لحضرتك. الواقعه الحمد لله بسيطة. أي خدمة؟ وليد/ (سرح فيها سيكاا. وماتكلمش) حس إن فيها سحر بتشده. ها؟ لا. ابداً. بس أنا جاي أطمن عليها. لو ينفع أدخل حتى أبص عليها دلوقتي عشان من شوية كان ممنوع. بس آسف لو ضايقتك. رشا/ لا خالص. ما فيش حاجة. دخول ليها لا ممنوع. بس ممكن تقعد هنا لغاية حبة. وهتشوفها. تشرب إيه؟ هعزمك.

وليد/ لا شكراً والله. بس ممكن رقمك؟ هروح أجيب ليها حاجات من البيت وأجي. لو فاقت قبل ما أجي تقوليلي. رشا/ تمام. ده رقم المستشفى. لما تتصل وتطلب الدكتورة رشا. هيدوني التليفون. تمام. وليد/ احم. تمام. عن إذنك. ااه. أنا خلصت الحسابات. ومشي. إيه يا وليد؟ فوق. البت سحرتلك ولا إيه؟ بس مين اللي ممكن تكون بتكلمه ده ومضايقها ليه؟ إيه؟ وأنا مالي؟ انت وعدت ربنا إنك تتغير. بس يمكن عايزة مساعدة. يوووه. إيلا. وكمان بتفكر في إيه؟

هتبصلك على إيه؟ دانت تحمد ربنا بفلوس اللي أخدتها من دولاب أبوك. وإنها مستشفى حكومي. كانت أمك راحت. وأخدت شهادة. ومتعلقة. وياريتها متعلقة حتى. يل إيلا. ماتحلمش. دي دكتورة. عاصم/ يعني إيه يا سيد؟ طفشت؟ يعني إيه؟ رد عليا. رد ها؟ يا راجل! خيخة وجاي ليا كمان بعد المصيبة اللي عملتها لمراتك. هتكون راحت فين؟ سيد/ والله ياباشا ما أعرف. البت دي مالهاش غيري. ومعايا من إعدادي أو ثانوي. وأمها أبوها وأمها ميتين. هتكون راحت فين؟

عاصم/ (فكر شوية) البت دي مالهاش صحاب خالص. سيد/ والله يا بيه مش بتابعها. بس سمعت مرة مراتي بتقولها. سلميلي على روح. ممكن تكون دي صاحبتها. عاصم/ أكيد هتنزل كليتها. استنى. هي قالت بتتدرب في شركة إيه؟ سيد/ شركة كده عالية للعقارات. اسمها صقر للمنشأت. عاصم/ تمام يا سيد. يا سيد. أنا هتولى الموضوع. بس لو عرفت إنك ليك في إنها تهرب. والله لأوديك في داهية. يا راجل انت. واتنيل اداري في حتة. لما نشوف حصل إيه لمراتك. غوور.

عند مريم وزين ورنا ومحمد. في بريك. مريم/ جماعة. أنا واحشني جو الرحلات بتاع الجامعة ده. إيه رأيكم نعمل رحلة كده مع نفسنا؟ رنا/ فكرة برضه. هنقول للبت التالتة اللي واخدة إجازة دي. صحيح يا واطية. هو مش انتي قولتي هتقولي قدامه إن في عريس متقدم عشان يتلحلح؟ انتي مش صاحبة جدعة. حسوا بيا يا جدعان. مش كده. مريم/ والله يومها ما جه. وكمان مش انتي قولتي إن عريس الزفت أجل الميعاد. وكمان مانتي رافضاه أصلاً. اتهدي بقى.

زين/ يا بني بدل ما انت بتلوح رقبتك. ماتروح تعترف بدل ماتروح منك. اتلحلح. يخربيتك. محمد/ أعمل إيه يعني؟ يووه. ماهي مريم معاها على طول. وكمان خايف تجرحني. زين/ طب تعالا معايا وانت ساكت. فاهم؟ مسمعش صوتك. أذيكوا يا بنات. ممكن نقعد معاكم؟ رنا/ (اتخضت وارتبكت) . ومحمد بص لها وضحك جوه نفسه على خضتها وبراءتها. مريم/ بيتهيألي يعني. فيه أماكن كتير في الكافتريا.

زين/ صح عندك حق. بس الصراحة. فيه حاجات نفسي أفهمها في حسابات. ومحمد مش عارف يقولها لي. رنا/ (بعفوية) إيه؟ إزاي؟ ده الأستاذ محمد دراع اليمين لسليم بيه. ده كان بيساعدني في شغل سكرتيرة. وساعد مريم في الحسابات. محمد/ (اتبسط من رأيها) زين/ واضح إنه شرح لكم أحسن مني. مريم/ والله أنا في وقت البريك. ابقي تعالي لما أكون فاضية. زين/ والله؟

طب أنا بقى مش هعرف. الشغل ده. فيأثر على شغلي. ولما الأستاذ سليم هقوله. أصل الهانم. ظاهر مش واثقة في نفسها عشان تعلمني. وفاهمة الشغل بالبصمجة. مريم/ (اتغاظت) والله طيب. يلا. بس البريك بتاعي ده انت السبب في تعطيله. يلا خير. إيه الشغل؟ زين/ ممكن تيجي معايا المكتب. انتي عارفة الورق مهم. لو طلع ورقة تطير كده ولا كده. انتي عارفة. مريم/ صح. (ثم أكملت بخبث) صحيح يا رنا. ابقي طمنيني ها؟ على العريس بتاع انهارده. يلا باااي.

رنا/ يا بنت التييت. والله لأنفخك يا مريم الكلب. محمد/ (بغيظ وغيره) أهلاً يا آنسة رنا. منورة. أتمنى تكوني بخير. يعني مبروك. مش المفروض تكوني خدت إجازة عشان العريس؟ ولا إيه؟ يا عروسة. ها؟ رنا/ ليه يعني؟ ده عريس. هي خطوبتي. محمد/ خطوبتك؟ آه. صح. وانتي ناوية توافقي ولا حاجة؟ رنا/ (بخبث) والله لو محترم وعارف ربنا. ليه لأ. محمد/ (بغضب وصوت هادي مخيف عشان الناس) والله يا مريم. لو وافقتي. لهكون قاتلك وقاتلك. انتي فاهمة؟

ولا انتي بتاعتي. بكرة جاي لابوكي. وعالله ماتوافقيش. مش بمزاجك أصلاً. أنا تعبت من سنين. (ومشي) رنا/ (ببلاهة) إيه؟ هو قال إيه؟ وسنين إيه؟ لا لا كده كتير عليا. أنا هروح مكتبي أحسن. وأكلم مريم. مريم/ خير؟ إيه الشغل ده؟ انت جايبني عشان ميزانية فعلاً معموله؟ لا شابوو. زين/ مش يمكن عايز أقولك طريقة أسهل؟

وأهو تتعلمي على إيد محترف. شكلك لسه متعرفيش شغل الاحتراف. أو أكمل بخبث. يمكن عايز أقولك ده لون عيني. ولا لينسز ولونها إيه؟ رنا/ (بغيظ واحراج) بقولك إيه؟ أنا شغالة هنا قبلك فاهم؟ مش انت اللي هتعرفني. فاهم؟ وكمان حوار العين ده تنساه. فاهم؟ كان يوم أبيض يوم ما لعبت اللعبة الزفت دي. أوووف. (ومشت) . وزين يضحك/ ههههه. شكلك دخلتي دماغ الزين يا براكتك يااما.

بعد ما جاسر وأدم روحوا من شركة. وكل خلص شغله. عند روح/ اهدي بقى. إن شاء الله بكرة كل يتحل. وكمان هو مش عارف مكانك. يبقي خلصنااه. صح؟ فوقي بقى. ايه/ يارب يا روح. هي طنط لسه ماجتش؟ الباب رن. زمانها هي. هقوم أفتح. فتحت. ثم انصدمت/ انت****. تري مين اللي جه؟