رواية عذاب الفارس الفصل الرابع 4 - بقلم رنا سعيد

عمرو: فارس بس اهدا، رايح فين؟ متنسهاش إنها بقت متخصكش وبقت على ذمة واحد تاني. فارس بخنقة وعصبية: عندك حق. وسابه وخرج برا. خارج الفيلا فارس بعصبية وسند على سيارته وبيشرب سيجارة. : لسه برضوا مبطلتش السجاير؟ وبيلف وشه وهو عارف ومتاكد مين صاحبة الصوت، وكانت إيه حبيبته. فارس ببرود عكس اللي جواه: أظن شيء ميخصكيش. إيه بحرج: أنت أخبارك إيه؟ فارس ببرود من غير ما يبص عليها: تمام. إيه بابتسامة: يا رب ديمًا بس إن...

ولسه ما كملتش الجملة وفارس قاطعها في الكلام. فارس ببرود أكثر: عن إذنك. وفارس لسه هيتحرك بس وقفه صوت إيه وهي بتقوله. إيه بوجع: فارس، طب أنا عايزة أقولك على حاجة ممكن؟ فارس ببرود: أظن مش بينا حاجة عشان تقوليها، ولو كان فيه فخلاص خلص. إيه بوجع أكثر: طب ممكن تسمعني؟ فارس وبيحاول يكون قوي عكس اللي جواه. فارس وببرود أكثر: لا للأسف معنديش وقت عشان أسمع حاجات أكيد سخيفة كده زيك. فارس سابها ومشي ودخل جوه في الحفلة.

وإيه فضلت مصدومة شوية من رد فعله ليها. إيه لنفسها وبوجع: لا ده مش فارس اللي أنا أعرفه، ده أكيد شخص تاني غيره. ودمعة نزلت منها ومسحتها بسرعة لما لقت صاحبتها جاية عليها. إيمان وهي جاية شافت فارس وهو واقف مع إيه بس ما قدرتش تسمع بيقولوا إيه عشان هي كانت بعيدة عنهم بمسافات. إيمان جريت على إيه حضنتها لما شافت الدموع في عين إيه. إيمان بهدوء: عيطي يا إيه، عيطي عشان ترتاحي، بلاش تكتمي أكثر من كده في قلبك عشان خاطري.

إيه فجأة انفجرت في العياط في حضن إيمان. إيه بدموع: أنا بحبه أوي يا إيمان، بحبه أوي، أهلي هما السبب في بعده عني. وبتنهيار أكثر: هما السبب في بعدك عني يا فارس. وعيطت أكثر: نفسي أروح أقوله الكلام ده وأفضفض معاه بس هو مش راضي يسمعني للأسف، ومن حقه يعمل كده في اللي عملته فيه زمان يا إيمان. آه آه آه آه. وبانهيار أكثر: أنتِ أكثر واحدة عارفة أنا بحبه قد إيه يا إيمان، أنا بحبه أوي يا إيمو، بحبه أوي أوي. وفجأة صوت جه عليهم.

: وهو كمان بيعشق وبيحب حاجة اسمها إيه.