رواية عذاب الفارس الفصل التاسع عشر 19 - بقلم رنا سعيد

ايه بابتسامة خبث: أنا جيت. فارس بغضب لما شافها بالمنظر ده. كانت ترتدي فستان لونه أبيض في أسود وترتدي طرحة سوداء طويلة، وكانت تضع كحل في عينها وملمع شفاه. كانت جميلة جداً جداً. فارس بغضب مكتوم، بص عليها بغيره ومشي ركب سيارته. عمرو أخد إيه وإيمان وميار وركبهم في المقعد الخلفي. عمرو ركب جنب فارس. فارس بص على إيه من المرايا، وإيه بتلعب في فونها. ميار بابتسامة: متشغل الكاست ده نسمع حاجة، يا حبيبي.

فارس بابتسامة: حاضر يا روحي. إيه بتلعب في فونها وسامعة كل كلمة ودمها اتحرق، وغيرانة من ميار على فارس. إيه في سرها: حبك برص يا شيخة. فارس شغل الكاست، وكانت أغنية تامر حسني اللي شغالة: كل يوم بيفوت عليا.. ليك بحن في كل ثانية صعب أعيش في الدنيا ديا إلا بيك إحساسي إنك حبيبي.. وإني مش شايفك بعيني قد إيه مشتاق لحضنك مش لاقيك. فارس بص على إيه من المرايا وعينه جت في عين إيه. فارس نزل عينه وسرح في ذكرياته مع إيه. فلاش باك.

فارس فاتح شات إيه وبيكلمها واتساب. فارس بابتسامة: يويو. إيه بنفس الابتسامة: نعم. فارس بمشاغبة وكذب: أنا بصراحة شربت سجاير النهارده، وفي حاجة تاني برضه حصلت بس خايف أقولها ليكي أحسن ما تزعلي. إيه بضيق: امممم لا مش هزعل، قول. فارس بمشاغبة وكذب: النهاردة خرجت أنا وأصحابي مع بنات، وكل واحد فينا كان معاه بنت. إيه ببرود: ماشى.

فارس بستغرب: إنتي مش غيرانة ومش هتزعقي فيا دلوقتي وتعملي زي البنات ونتخانق سوا وتقوليلي إزاي تخرج مع بنات وإزاي تشرب سجاير وتزعلي وتقفلي في وشي وأنا أصالِحك. إيه بابتسامة: بس أنا بثق فيك وعارفة إنك معملتش كل اللي بتقول عليه ده. فارس بابتسامة: بس افرض مثلاً عملت كده. إيه بجاية بغيره وضيق من فكرة إنه يعمل كده: هقتلك يا فارس، إنت ملكي أنا وبس فاهم؟ فارس بضحكة: أكيد يا روحي، فارس ملكك إنتي وبس.

فارس فاق من ذكرياته وبص على إيه تاني، وبدأ يدندن مع الأغنية في سره وعينه على إيه. حتى وانت بعيد عليا.. لسة بتحلم بيك عنيا نفسي ترجع تاني ليا، إنت فين؟ ليه سايبني أعيش لوحدي.. قولي راضي إزاي ببعدي واقفة كل حياتي بعدك، أعيش لمين؟ إيه بصت على فارس والدموع في عينها. إيه بتفتكر ذكرياتهم مع بعض. إيه: روسه، أنا رايحة عند عمو النهارده. فارس بغيره: عمك رمضان؟ إيه بابتسامة: أيوه. فارس بغيره وضيق: لأ مش هتروح. إيه بزعل: ليه؟

فارس بغيره: مش عمك ده اللي ابنه عينه عليكي وجه اتقدم لك ورفضتي؟ إيه: آها. فارس بغيره: وأكيد ابنه ده موجود النهارده في البيت صح؟ إيه: أيوه. فارس بحدة: يبقى مش هتروح. إيه بغباء: ليه بس؟ فارس بغيره: عشان أنا بغير. إيه بضحكة: وتتغير ليه؟ فارس بعصبية: بت انتي مجنونة يابت ولا بتستعبطي؟ واحد عينه منك وعايز تروحي عندهم وتبقي قدامه وهو يفضل يبص عليكي وتكلمي بقا معاه وتهزري وتضحكي بقا ومش عايزيني أغير.

فارس بضيق: إيه، قفلي يا إيه عشان إنتي بجد عصبتني. إيه بضحكة: خلاص خلاص، أهدي مش هروح. إيه فاقت من ذكرياتها وبصت عليه وعينها جت في عينه ونزلتها بسرعة. ميار لفت إيدها حول رقبة فارس. ميار وحضنت فارس من الخلف وبدندنت مع الأغنية بصوت عالي، وإيه بصت عليها بضيق وغيره. إيمان حست بإيه. إيمان ومسكت إيد إيه. عمرو سرحان في حبيبته اللي اتوفت وحبس دموعه بالعافية عشان متنزلش قدام البنات، وبيفتكر ذكرياته معاها.

عمرو وحضن مني من الخلف: مني حبيبتي، بتعملي إيه؟ مني بخجل: عمرو، ابعد كده غلط. عمرو بحب: بس إنتي هتبقي مراتي. مني: أديك بتقول هبقى، ابعد بقا. عمرو بدلع: تؤ تؤ، مش هبعد إلا بشرط. مني: إيه هو؟ عمرو وشاور على خده: آخد بوسة. مني بخجل: لأ، عيب يا قليل الأدب. عمرو: خلاص، هفضل كده. مني بتفكير: وأنا هنادي على ماما. عمرو بابتسامة: نادي، إنتي فاكرة كده بتهدديني ولا إيه؟ مني بابتسامة خبث: يعني مش خايف؟ عمرو: لا مش خايف.

مني: ماشي. مني فجأة بصوت عالي: ماماااااا! عمرو فجأة بعد عنها بخوف. عمرو بضحكة: يا بنت المجنونة! باك. عمرو ابتسم تلقائي وفجأة رجع كشر تاني وزعل وقلبه وجعه من فكرة خلاص إن حبيبته بقت مش موجودة خلاص وإنه مبقاش بس فضل ليها غير ذكرياتهم مع بعض. يا واحشني وانت عني بعيد.. هموت وخدك في حضني مهما يحصل برضو قلبي روحو فيك يا حبيبي أنا كل همي انت عايش إزاي في بعدي نفسي بس لو مرة أطمن عليك كل يوم بيفوت عليا.. ليك بحن في كل ثانية

صعب أعيش في الدنيا ديا إلا بيك إحساسي إنك حبيبي.. وإني مش شايفك بعيني قد إيه مشتاق لحضنك مش لاقيك. فارس بص على إيه وشافها عينيها عليهم وهو وميار وبصة عليهم بضيق وزعل وعينيها فيها الدموع. إيه فجأة بصت عليه وعينيها جت في عينه. إيه بصت لي بعتاب ولوم وزعل ومقدرتش تقاوم نفسها أكتر من كده ودماعها نزلت منها. فارس أخد باله ونزل عينه وشال إيد ميار من عليه. ميار أضايقت من الحركة اللي فارس عملها دي. فارس بضيق...