رواية عذاب الفارس الفصل الثاني عشر 12 - بقلم رنا سعيد

ايه بتحاول تصطنع القوة: طب حضرتك عايز مني أي حاجة تانية؟ فارس باستفزاز أكبر وبيِقرب منها، وايه بتبعد وهو بيِقرب أكتر لحد ما اتخبطت في الحيطة. فارس حاوطها بدراعاته. ايه بخوف وتوتر: لـ لوسمحت اـ ابعد. فارس بمقاطعة وبيقرب أكتر. ايه والدموع بدأت تتجمع في عينها: فـ فارس لـ لوسمحت كـ كده غلط، ابعد عني. فارس وفجأة مد إيده وفتح الباب من وراه.

فارس بسخرية وبضحكة جانبية: ههههه، متخافيش كده، أوعي تفتكري في يوم أفكر وألمسك، ده أنا حتى بقرف منكِ. ايه ودمعة نزلت على خدها ومشيت بسرعة. مسحت دموعها وهي ماشية. شفتها سكرتيرة فارس وهي طالعة من عند فارس وبتسألها بشك: هي الآنسة إيه طالعة معيطة ليه؟ أكيد عملتلها حاجة. فارس ببرود: ميخصكيش. في مكان آخر. الدكتور: البقاء لله. أميمة بكاء وصريخ: لاااااااا، بنتي عايشة، إنت كداب، بنتي عايشة، مماتتش.

وسابتهم وجريت على أوضة العمليات اللي فيها بنتها مني. وفتحت الباب وشافت بنتها متغطي وشها وجسمها بالملاءة البيضا. راحت عليها ودموعها على خدها. أميمة وشالت الغطاء من على وش بنتها. أميمة بدموع: قومي ياحبيبتي، قومي ياضنايا. وهزت جسمها بإيدها: قومي يامنى، اسمعني صوتك، قومي وحشني أسمع صوتك وإنتي... وبدموع أكتر وبانهيار: جاية من الجامعة، ماما حبيبتي، إنتِ عملتيلي أكل إيه؟ أصل أنا واقعة من الجوع وجعانة أوي أوي ياست الاكل.

وبصريخ وبتِهز في جسمها: قومي يامنى، كفاية عذاب فيا بقا، قومي. وفجأة دخل عليها الدكتور وعمرو دخل وشافها كده وكان هيقع من طوله، بس الدكتور سنده. الدكتور: شد حيلك يبني وخليك قوي عشان خاطر الحاجة ديت، مين هيسندها غيرك. عمرو بعيد عنه واقترب من أميمة. عمرو بدموع ووجع: يلا يا أمي عشان نلحق ندفنها عشان الليل بدأ يدخل علينا.

أميمة بصريخ وقامت وقفت: بنتي مماتتش ياعمرو، بنتي عايشة، وهي شوية كده وهتفوق، هي بس هتلاقيها بتتدلع علينا، عايزة تشوف غلاوتها عندنا، قومي يابنتي قومي، إحنا بنحبك، والله صح ياعمرو؟ قومي بقا يامنى متتعبنيش معاكي. وبصريخ وبتِهز في جسمها: قومي بقا عشان خاطري، قومي. وعيطت بكل قوة وعمرو حضنها. في مكان آخر في شركة فارس. فارس بيرن على عمرو وفونه مقفول. فارس بضيق: وده قفل فونه ليه إن شاء الله. في المساء.

أم إيه: إيه مالك مش بتاكلي ليه وسرحانة في إيه؟ إيه بشرود: مفيش، أنا قايمة عن إذنكم، مليش نفس. إيه وسبتهم وطلعت أوضتها وقفلت الباب عليها و....