رواية عذاب الحب الفصل الرابع 4 - بقلم اسراء فرج

ماما!! -أي ياحبيبتي مالك مخضوضة كدا ليه؟ -هاه، لا ياحبيبتي ولا حاجة، بس اتفاجأت بيكم مش أكتر. -طيب، أي هنفضل واقفين كدا؟ -لا طبعًا، اتفضلوا، اتفضل ياعمي، اتفضل ياعمر. -حبيبتي، انتي كويسة؟ -اه ياماما، بس انتو ليه جيتوا فجأة؟ -حبيبتي، عمر قال نيجي نقعد معاكي الفترة دي، وعشان انتي وهو تدوروا على الشقة اللي هتقعدوا فيها، وكمان قال نكتب الكتاب دلوقتي ومستني الفرح بعد الامتحانات، إيه رأيك؟ -لا لا ياماما مش هينفع.

-ليه ياحبيبتي مش هينفع ليه؟ -أصل... أصل يماما أنا مشغولة جداً دلوقتي ومش هقدر ألمّ لما أخلص. -أي يابنتي اللي بتقولي دا، أنا وأمك اتفقنا إنكم خلاص تتجوزوا وتكملي وانتوا مع بعض، وعمر معندوش مشكلة، مش كدا ياعمر؟ -أيوا يانور، بابا معاه حق، إحنا نكتب الكتاب والفرح بعد امتحاناتنا السنة دي. يترا راح فين؟ أتمنى يكون مشي، أتمنى. -أي ياحبيبتي، صباح الخير. -لفيت بصدمة، غمضت عيني، أنا روحت في داهية. -نور، أومين، دا انطقي.

-ماما، لو سمحتي، هفهمك. -مكملتش كلامي من شدة القلم اللي نزل على وشي. -تفهميني إيه، هاه، تفهميني إيه، وإحنا شايفين راجل خارج من جوا، هتفهميني إيه، إحنا سيبينك هنا عشان تتعلمي، ولا تفضحينا؟ -أم، انتي متربتيش، الحمد لله إن ابني متجوزش واحدة زيك. -بتسمعهم والدموع مغرقة وشها ومش عارفة تتكلم، تقولهم إيه، وهيا أصلاً مش فاهمة. -مسكت إيدها جامد، انطقي، بيعمل إيه هنا، انطقي. -يماما، هو والله أنا مظلومة.

-مظلومة إنتي، ولا بنتي، ولا أعرفك، اعتبري أهلك ماتوا، انتي فاهمة؟ -لا يماما، ارجوكي، والله هفهمك. -بل، ارجوكي، بلا زفت، أنا هرجع إسكندرية دلوقتي، واعتبرت أهلك ماتوا. -أنا عمر، واحدة زيك تعمل معايا كدا، قسماً بالله لاندمنك ع اليوم اللي فكرتي تخدعيني فيه. -عمر، افهم، أنا والله ما... -اخرسي. -رفع إيده يضربها، بس كان في إيد أسرع منها مسكته. -آدم: أكيد مش هسكتلك لو فكرت تمد إيدك عليها، يلا، يلا كدا اطلع ومشوفش وشك تاني.

-لا، موعدكش، صدقني، مش أنا اللي أسيب حقي أبداً. جريت ع أوضتي، قعدت أعيط، أنا عملت إيه، لا دا كله، عملت إيه، خلاص بقيت لوحدي. -ممكن أتكلم معاكي؟ -لو سمحت سيبني لوحدي، أنا مش عاوزة أتكلم. -تمام، أنا هسيبك دلوقتي ترتاحي، بس هرجع. -مردتش عليه. -هو سبب في كل الأذى دا، بسببه مش هقدر أشوف أهلي تاني. -آدم وهو بيسوق عربيته متجه لمنزله. -أنا السبب إن كل دا يحصل معاها. -حمد الله ع السلامة يا حبيبي. -الله يسلمك يا ماما.

-كنت فين بقالك يومين مش بشوفك. -كان عندي شوية شغل كدا، كنت عاوز أقولك حاجة. -اتفضل ياحبيبي. -أنا اتجوزت.