رواية عذاب الحب (حورية القاسم) "" الفصل الثامن عشر 18 - بقلم وعد حامد

قاسم كان قاعد في مكتبه وفونه رن. قاسم: ألو، أيوة يا روعة، في إيه؟ روعة: قاسم بيه، أنا مش عارفة أقولك إيه بس الولد مش عاوز يسكت، وكمان الشخص الموجود هنا عاوز يطلع، وأنا مش عارفة هعمل إيه. قولي يا بيه، أنا هعمل إيه معاهم؟ قاسم: الولد اتصلي بالست اللي متعودة ترضعه، وبالنسبة لمهران فأنا جاي عشان أتفاهم معاه. يلا سلام. قاسم قفل فونه وأخد الجاكيت ومفتاح العربية، وكان حيطلع بس لقى أخوه آسر واقف قدامه.

آسر: مين الولد الصغير ده اللي مخبيه؟ وإيه اللي هتعمله بمهران؟ مش قلت إنك هتحل عنهم؟ أنت عاوز منهم إيه تاني يا قاسم؟ مش كفاية اللي إحنا فيه دلوقتي؟ قاسم: الولد ده ابني. عارف معنى ابني إيه؟ إن حورية عايشة، وإنها عند الزفت الحيوان ابن خالها أياد مخبيها بعيد عننا. ومهران لسه دلوقتي البداية، كل حاجة حصلت للمار بسببه، وأنا مستحيل أسيب قاتل أختي يعيش حياته زي ما هو عاوز. آسر: ابنك؟ أنت عرفت منين إنه ابنك؟

قولي لو سمحت يا قاسم، عاوز أشوفه. فلاش باك. قاسم كان معدي جنب اليتم وشاف آية طلعت منه. وقف عربيته بعيد عنها لحد ما طلعت عربيتها وراحت. نزل قاسم من العربية ودخل اليتم واتجه ناحية الاستقبال وطلع صورة آية. قاسم: لو سمحت، عاوز أعرف البنت دي كانت بتعمل إيه هنا؟ البنت بتاعة الاستقبال: كانت بتسأل المديرة عن ولد عنده شهرين، جات عشان تطمن عليه. قاسم: طيب، عاوز أعرف فين أوضة المديرة لو سمحت.

البنت بتاعة الاستقبال قالت لقاسم عن أوضة المديرة، وهو راح عندها خبط على الباب وبعدها دخل. المديرة: قاسم بيه، اتفضل. اليتم كله تحت أمرك. عاوز إيه؟ قاسم أخد فونه وطلع صورة آية وأعطاها للمديرة. قاسم: قوليلي البنت دي كانت بتعمل إيه؟ المديرة: دي الست آية. إحنا مش هنقدر نقولك عشان دي حاجة بتخصها، هي مش بتخصك. قاسم بغضب: قوليلي البنت دي كانت بتعمل إيه هنا؟

المديرة: البنت دي جابت ولد هنا، وكل يوم بتيجي تطمن عليه. الولد لحد دلوقتي عنده شهرين. أمه ولدت هنا، جابتها الست آية بنت سليمان بيه. قاسم أخد فونه وأعطى للمديرة صورة حورية. قاسم: البنت دي هي اللي ولدت الولد ده؟ المديرة: أقسم بالله يا قاسم بيه، أنا مش عارفة أم الولد ده. بس لو عاوز أسألك الست آية، هسألها. روعة دخلت. روعة: لأ، متسأليهاش. أيوة يا قاسم، أم الولد ده هي البنت دي. قاسم بص على حورية.

قاسم: يعني حورية لسه عايشة؟ وممكن توديني عنده؟ الولد أنا عاوزه أخده معايا. وأنت يا حضرة المديرة، لو سألت عنه الست آية، قولي لها إنه أخدته عيلة غنية قوي وسافرت بره مصر. فهمتي؟ قاسم راح مع روعة وأخد ابنه، واكتشف إن كل حاجة عملتها آية وأخوها إياد. فضل بس يعرف حورية فين، بس للأسف عدى سنة أخرى وقاسم معرفش حور فين. باك. آسر: يعني كل ده حصل وأنا مش عارف؟ وابنك دلوقتي عنده سنة؟ أنت مقلتش ليه يا قاسم؟ خبيت عني كل ده؟

الكل لازم يعرف إن مراتك لسه عايشة. قاسم: مش دلوقتي يا آسر. أنت دلوقتي لازم تكمل الشغل، وأنا لازم أروح عند روعة.