رواية عذاب الحب (حورية القاسم) "" الفصل الثامن 8 - بقلم وعد حامد

مهران: شوفي يا نادين لما تصحي من الغيبوبة حتلاقي كل حاجة حصلت زي ما أنا عاوز، وحكاية الشرف دي حخلي شرف عيلة العزايزي بالأرض، حندمهم على كل حاجة حصلت معاك. الدكتور دخل عند مهران اللي كان ماسك إيد نادين وكاظم دموعه. الدكتور: أستاذ دياب إن شاء الله الست نادين حتكون كويسة وحتقدر تفوق من الغيبوبة دي.

مهران: إن شاء الله، بس لو فاقت يا دكتور ومكنتش أنا جنبها اتصل بيا وأنا حاجي حالا، أنا مش عندي أربعين وحدة من نادين، أنا عندي أخت واحدة وهي نادين. مهران طلع من المستشفى وراح بيت العزايزي عشان يكتبوا الكتاب. قاسم وحورية قدروا يقنعوا لمار عشان تتجوز من مهران. نزلت لمار مع حورية وكانت ماسكة إيدها. لمار قعدت وكانت منزلة راسها تحت. المأذون: مهران المنصور، أنت موافق تتجوز من لمار العزايزي؟ مهران: أيوه يا شيخنا.

المأذون: لمار العزايزي، أنت موافقة تتجوزي من مهران المنصور؟ لمار: أيوه موافقة. المأذون: بارك الله لكما وبارك عليكما وجمع بينكما في خير. الكل كان فرحان عشان لمار خلاص اتجوزت من مهران وحتروح بيت جوزها، بس للأسف هي حتروح على جحيم جوزها. مهران حمل لمار وطلع العربية. لمار: إحنا رايحين فين؟ مهران: مستعجلة ليه يا حياتي، إحنا رايحين بيتنا. بعد مدة مهران وصل هو ولمار البيت، حملها وخدها الأوضة، حطها على السرير و...

تاني يوم عند حورية، فاقت، أخذت شاور وراحت عشان تفوق قاسم. حورية: قاسم يلا فوق بقى. قاسم بنوم: فيه إيه يا حور؟ هي سعاد ماتت وأنت فرحانة وجاية تقوليلي؟ حورية: لأ، بس الكل قاعدين تحت إلا أنا. قاسم فتح عينيه وشاف حورية قاعدة على السرير، شدها ليه وباسها. قاسم: صباح الخير يا أجمل حور في الدنيا كلها، أنت وحشيني قوي. حورية: مانا كنت نايمة جنبك البارحة، فاهمني إزاي أنا وحشتك؟ قاسم: مش عارف، بس مش عاوز تبعدي عني.

قاسم قرب أكتر من حورية وكان حيبوسها من شفايفها، بس الباب خبط. قاسم: إيه دول؟ مش عاوزين يخلوا الراجل يرتاح شوية مع مراته. حورية: قاسم ابعد عني عشان أفتح الباب. قاسم قام وحورية راحت فتحت الباب، كانت الخدامة بدرية بتخبط عليهم. حورية: فيه إيه يا بدرية؟ بدرية: حامد بيه طلب منكم تنزلوا عشان السفرة، وهو كمان عاوز يتكلم معاكم. قاسم قام من السرير. قاسم: طيب يا بدرية، اسبقنا وإحنا جايين.

بعد ما أخد قاسم شاور ونزل هو وحورية على الفطار، آسر كان قاعد وهو يبص على حور بحزن، وحور قعدت جنب قاسم. حورية: صباح الخير يا عمي. حامد: صباح الخير، أنا طلبتكم عشان... حامد كان حيتكلم بس قطعته رنة تليفونه، وكان مهران. حامد: ألو، أهلا يا مهران. مهران: عمي، إزاي تجوزني من وحدة مش بنت بنوت؟ وقع تليفون حامد على الأرض وقاسم أخد التليفون منه. قاسم: فيه إيه؟