رواية عذاب سيف الفصل السابع 7 - بقلم روان جبر

قرأت الكتاب بعد ما خلصت. راحت حطته في مكتب سيف، وبعدين كملت تنظيف، وبعدين طبخت، وخلصت. طلعت تاخد شاور، وبعدين راحت جابت الكتاب تقرأه. قعدت على السرير وجايه تفتحه، فضلت تقرأ الكتاب وهي بتدمع. "يعني هو أمه مخطوفة ومقالش خالص؟ وأنا أقوله أشوف ماما؟ بيحاول يغير الموضوع. أنا بحب ليليان. واللي بعمله فيها بيخليني أكره نفسي. هي بتحبني خالص. يالله مش عارف أعمل إيه." ليليان عينيها جتت على الجملة دي، عيطت أكتر.

وهي بتقرا سمعت صوت الباب بيتقفل. راحت ودت الكتاب على طول في مكتب سيف، وحطته زي ما كان، ومسحت عينيها. راحت تغسل وشها ونزلت لسيف. "ثواني وأجيب الأكل." "لأ، أنا أكلت في الشركة." "تمام." ولسه هتطلع. "أنتي راحة فين؟ "هطلع أوضتي." "روحي يا أختي، هتليلي أكل." "مش أنت قولت مش جوعان؟ "أيوه." "أنت عايز إيه فهمني؟ "عايز أكل، روحي هاتى أكل." "حاضر." ليليان راحت جابت الأكل وطلعته لسيف. سيف دخل ياخد شاور، لبس وطلع.

لاقى ليليان ماسكة الأكل. "حطيه." "حاضر." ليليان لسه هتمشي. سيف بصوت خفيف: "جامدة في الترنج دا." ليليان سمعته، ضحكت ضحكة بسيطة، وبعدين نزلت. "لازم أعملها بقسوة." سيف بيقولها بصوت عالي: "ليليان! ليليان طلعت جري. "أيوه." "الأكل دا مش عاجبني." وراح جاب الشربة وبدأ يحطها على إيديها. أصلًا هو مجبور ومش عايز، بس عايز يخلىها تكره. سيف في سره: "غريب، مش بتزعقلي حتى مش بتصوت؟ خلص. سيف استغرب. حط إيده في الشربة لسعته.

"أنتي إيديك مبتوجعكيش؟ "لأ." وبتقولها وهي أصلًا عايزة تصوت. "إيديها بتوجعها." ليليان مشيت من قدامه وراحت على التواليت بسرعة، وفتحت الماية عشان محدش يسمعها وهي بتعيط. "آه، إيدي آه." في أوضة سيف. "هيا مالها كدا؟ ثواني كدا، راح جرى على مكتبه. لاقى الكتاب محطوط مكانه. "الحمد لله محدش فتحه." وراح حطه في مكانه اللي بيحطه فيه على طول. وراح يشوف ليليان. سمع صوت عياط. "ليليان." ليليان بتحاول تهدا مش عارفة.

فضلت قاعدة لحد ما هديت وطلعت. "أنا بنادي عليكي." "آسفة، مسمعتش والله." سيف بص على إيديها، لاقاها احمرت. "بتوجعك؟ " وبيشاور على إيديها. "لأ، هيا حمرا بس." سيف مسك إيد ليليان وخدها على أوضته وجاب تلج وحطه على إيديها. "آه، إيدي." سيف كان هيدمع بس مسك نفسه. "أنت إيديك بتوجعك وإنتي بتكذبي عليا؟ "أنت ليه بتعامليني كدا؟ سيف مردش عليها، حاول يغير الموضوع. "أنت ليه مقولتليش إن أمك مخطوفة؟ سيف مصدوم. "هيا عرفت إزاي؟