رواية عيون قلبي الفصل العاشر 10 - بقلم يارا عبد العزيز

صلى على النبى بس الأول واذكر الله آدم وهو بيدفن راسه في رقبتها: أنا بعشقك يا عين عين بصدمة وفرحة في نفس الوقت: هاا آدم وهو بيبصلها وبحنية: بعشقك يا عين مش عارف إزاي حصل دا ومش عارف إزاي قلبي حب أصلاً بعد ما كنت مقتنع اقتناع تام إن مفيش حاجة اسمها حب، بس في الآخر انتي انتصرتي وخلتيني أعشق، هاا ساكتة ليه عين: مش عارفة أقول إيه، أنا اتفاجأت

آدم بحنية: أنا عارف إني ممكن أكون صدمتك بكلامي، لأن أنا نفسي مصدوم، وصدقيني أنا مقلتش كدا إلا أما اتأكدت من مشاعري ناحيتك، طب انتي حاسة بإيه دلوقتي عين: مبسوطة آدم بفرحة: بجد، بصي أنا مش طالب منك تقولي أي حاجة دلوقتي، أما تتأكدي من اللي انتي حاسه ابقي قوليلى، تمام عين وهي بتحضنه: تمام عند عايدة وندي ندي وهي بتكسر كل حاجة قدامها عايدة بعصبية: اهدى، هتستفيدي إيه من كل اللي انتي بتعمليه دا

ندي بعياط: كانت في حضنه ودخلها معاه عند فرح، طلعتلي منين البت فون عايدة رن عايدة: الو نوران: الو يهانم، فيه حاجة حصلت كدا حضرتك لازم تعرفيها عايدة: إيه هي نوران حكت لها موضوع ميار أما جت لآدم الشركة نوران: أنا قدرت آخد منها رقمها عايدة: طب ابعتيه نوران: تمام، بس فين حلاوتي عايدة: ابعتي الرقم وأنا هظبطك ندي: يا ترى مين دي عايدة بخبث: أكيد واحدة من اللي آدم مظبط معاهم، بس أكيد هتفيدنا كتير ندي: بتفكري في إيه

عايدة: أعرف هي مين بس الأول عايدة: الو، أيوا ميار معايا ميار: أيوا أنا، مين انتي عايدة: تقدري تقولي اللي هتشيل الغشوة اللي على عينيكي ميار: أنا مش فاهمة حاجة عايدة: قابلني بكرة في ***** وهتفهمي كل حاجة ميار: تمام عايدة بخبث وشر: ابتدا العد التنازلي لخروجك من حياتنا ي بنت السواق عند عين وآدم كانت الساعة واحدة بليل آدم كان لسه راجع من الشغل، وعين كانت واقفة بتحضر أكل في المطبخ آدم وهو بيحاوطها من ضهرها: وحشتيني

عين: اتعشيت آدم وهو بيلفها ناحيته وبيقبلها: لا، قولت أتعشى معاكي عين: آدم آدم وهو بيحط إيده على خدها: عيونه عين: أنا كدا مش هعرف أعمل الأكل على فكرة، اتفضل اطلع برا آدم: هساعدك عين: بجد، طب اعمل السلطة آدم: أنا بهزر، أكيد مش هحط إيدي في حاجة عين وهي بتحاوط رقبه وبدلع: يلا بقى يا دومي آدم بتوهان فيها، وكان لسه هيقرب من شفايفها، بس عين صدته بإيدها عين: يلا بقى، بص أداي كل المكونات، ما عليك غير إنك هتخرط وبس

آدم: انتي عارفة لو حد شافاني وأنا كدا هيقولوا إيه عين: هيقولوا إيه يعني آدم: انتي متخيلة يعني إيه آدم النويري واقف بيعمل السلطة عين بضحك: طب والله عسل آدم بتوهان في ضحكتها: اضحكي يختي، اضحكي آدم وهو بيفك زراير قميصه عين بتوتر: انت بتعمل إيه آدم وهو بيقرب أكتر آدم بحنية وهو محاوط عين وبيمد إيده وبياخد طبق السلطة: متقلقيش يا حبيبي، أنا هاخد الطبق بس عين قلبها دق جداً من قربه

آدم وهو بيهمس جنب ودنها: أنا عمري ما هعمل حاجة إلا أما تكوني راضية الأول عين بتوتر: طب إيه لازمتها تخلع القميص آدم بضحك: عشان أعرف أعمل السلطة ومفيش حاجة تقع على الهدوم عين: طب وبتضحك على إيه آدم بابتسامة: على شكلك والتوتر دا وبدأوا يعملوا الأكل وياكلوا مع بعض في الصباح آدم وعين نزلوا مع بعض آدم: دا السفرة منورة بوجودك يا فرح فرح: تسلم يا حبيبي علي بفرحة: مش هقدر أوصفلك فرحتي بوجودك معانا فرح بصتله بزعل

علي: شكراً يا عين، فرحة خفت بفضلك عين: الشكر لله وحده يا عمو، أنا معملتش حاجة علي: أنا آسف يا بنتي، أنا فهمتك غلط عين: من غير ما تعتذر يا عمو، أنا مش زعلانة منك في المساء آدم جه من الشركة بدري عشان يعقد مع عين وفرح الجرس رن ميار: مساء الخير آدم بصدمة: انتي